तंबाखूवरील स्ट्रीक व्हायरस

लक्षणे

सुरवातीला संक्रमित झाडांच्या पानांवर छोटे अनियमित पिवळे भाग किंवा रंगहीनता दिसुन येते, जी २-५ मि.मी व्यासाची असते. काही काळानंतर, ते मोठ्या कोनेदार पिवळे किंवा करपट चट्ट्यांमध्ये (पिवळे किंवा तपकिरी) बदलतात आणि ५-१५ मि.मी. व्यासाचे होतात ज्यामुळे ठिगळासारख्या संरचना पानांवर दिसतात. पाने करपून अकाली गळु शकतात. झाडाचा बांधा कमी होतो आणि रोपाची वाढ खुंटते. फुले फार कमी येतात आणि बोंडे अकाली गऴु शकतात त्यामुळे उत्पादनात मोठे नुकसान होऊ शकते. संक्रमित पानांच्या शिरा पिवळ्या, जाड आणि विकृत होतात. लक्षणे जास्त करुन नविन पानांवर दिसतात जी निरोगी पानांपेक्षा फिकट दिसतात, आणि बहुधा त्यांच्या शेंड्यांची वाढ देखील खुंटते. प्रभावित क्षेत्र सामान्यतः फिकटच दिसते.