कॉफी
कॉफीवरील तांबेरा
Hemileia vastatrix
बुरशी
थोडक्यात
- पानांच्या खालच्या बाजुला छोटे पिवळसर आणि धब्ब्यासारखे ठिपके येतात आणि त्याच पानाच्या डागांच्या बरोब्बर वरच्या बाजुला पाणेरी धब्बे येतात.
मध्ये देखील मिळू शकते
कॉफी
लक्षणे
सुरवातीच्या लक्षणात, २-३ मि.मी. व्यासाचे ठिपके पानांवर येतात. ठिपके मोठे होऊन गोलाकार मोठ्या डागात बदलतात जे नंतर चकचकीत नारंगी ते लाल आणि पिवळ्या किनारीसह तपकिरी होतात. पानांवरील डागांच्या बरोब्बर खालच्या बाजुस तसेच पावडरीसारखे डाग येतात, ज्यात नारंगी ते तपकिरी रंगाच्या बीजाणूंचे उत्पादन होते. पाने अखेरीस गळतात. पाने नसल्याने प्रकाश संश्र्लेषण होत नाही आणि झाडास अन्नद्रव्य न मिळाल्याने कॉफी उत्पादनात लक्षणीय घट होते.
शिफारशी
जैविक नियंत्रण
रोग नियंत्रणासाठी जास्त व्यावसायिक जैव नियंत्रण रणनीति उपलब्ध नाहीत. प्रतिबंधक उपाय करण्याने रोग नियंत्रणाचे चांगले परिणाम मिळतात.
रासायनिक नियंत्रण
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. रोगास अनुकूल हवामान घटकांच्या उपस्थितीपूर्वी आणि त्या हवामानाचा काळ संपल्यानंतर परत एकदा, बोर्डो मिश्रण किंवा कॉपर ऑक्झिक्लोराइड ५०% डब्ल्यूजी ची रोगप्रतिबंधक फवारणी केली जाऊ शकते.
कशामुळे झाले
हेमिलेइया वास्टाट्रिक्स नावाच्या बुरशीमुळे नुकसान उद्भवते. कॉफीवरील तांबेरा झपाट्याने पसरतो आणि ह्या बुरशीच्या पसरण्यात पर्यावरणीय घटकांचा मोठाच हात असतो. त्यातही विशेष करुन वारा किंवा पाणी मोठीच भूमिका निभावतात. बीजाणूंचे वहन हवेतील धूळीबरोबर वार्‍याने शेतातील सुदूर कोपर्‍यात आणि इतर शेतात होते, किंवा जेव्हा बीजाणू जमिनीत पडुन पावसाच्या पाण्याने जवळपासच्या झाडांवर उडतात. हवामान ओले आर्द्र असताना आणि पावसाचे पाणी पानांवर पडले असताना कॉफीवरील तांबेरा फोफावतो आणि एका झाडावरुन दुसरीकडे पसरतो. प्रभावित कॉफी झाडांची फळे चांगली विकसित होत नाहीत आणि हलकी असतात. कॉफीवरील तांबेर्‍याच्या गंभीर उद्रेकाने उत्पन्नाचे नुकसान ७५% पेक्षाही जास्त होऊ शकते.
प्रतिबंधक उपाय
- एकाच प्रकारचे पीक घेणे टाळा आणि कॉफीची एकापेक्षा अधिक प्रकारची वाणे लावा.
- बुरशीनाशकांचे फवारे झाडीत आतपर्यंत पोचण्यासाठी झाडांमध्ये जास्त अंतर सोडा आणि फार काळ ओलावा राहू नये यासाठी अंतर जास्त सोडा आणि उचित छाटणी करत रहा.
- रोगाच्या प्रसारास नैसर्गिक अडथळ्यांचे काम करणारी झाडे आणि झुडपे अधिक प्रमाणात लावा.
- कॉफीची झाडे निरोगी राहून तांबेर्‍यास प्रभावी प्रतिकार करण्यासाठी उचित खते द्या.
- संक्रमित झाडे नष्ट करा.
सामायिक करा
प्लँटिक्स डाऊनलोड करा
