आले

आल्याच्या पानांवरील ठिपके

Phyllosticta zingiberis

बुरशी

पिकांना निरोगी करा

छायाचित्र घ्या

निदान पहा

पीक औषध मिळवा

प्लँटिक्स अ‍ॅप घ्या

थोडक्यात

पानांवर पाणी शोषलेले ठिपके येतात.
पांढर्‍या ठिपक्या भोवती गडद कडा आणि पिवळी प्रभावळ असते.

मध्ये देखील मिळू शकते

1 पिके

आले

लक्षणे

कोवळ्या पानांवर अंडाकृत पाणी शोषल्यासारखे बारीक ठिपके येण्याने रोगाची सुरवात होते. नंतर त्या ठिपक्यांचे केंद्र पांढरे पडतात व कडा गडद होऊन पिवळी प्रभावळ दिसते. ठिपके मोठे होऊन एकमेकात मिसळतात आणि मोठे वाळलेले भाग तयार होतात. जेव्हा पानाचा बहुतांश भाग वाळलेल्या भागांनी भरतो तेव्हा पाने वाळतात आणि अखेरीस गळतात.

शिफारशी

जैविक नियंत्रण

आजतागायत या रोगाविरुद्ध कोणत्याही जैविक नियंत्रण पद्धती माहितीत नाहीत. जर आपणांस याच्या लक्षणांची गंभीरता किंवा घटना कमी करण्याची यशस्वी पद्धत माहिती असल्यास कृपया आमच्याशी संपर्क साधा.

रासायनिक नियंत्रण

नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. रोगाची लक्षणे दिसताक्षणीच बोर्डो मिश्रण किंवा हेक्झाकोनाझोल (०.१%), प्रॉपिकोनाझोल (०.१%) किंवा कार्बेंडाझिम+मँकोझेचा वापर करावा नंतर २० दिवसांच्या अंतराने दोन वेळा परत फवारणी करावी.

कशामुळे झाले

मातीजन्य बुरशी फिलोस्टिक्ट्झा झिंजिबेरिज मुळे लक्षणे दिसतात. जमिनीत किंवा संक्रमित झाडांच्या अवशेषात असलेल्या बीजाणूंमुळे प्राथमिक संक्रमण होते. वारा आणि पावसाच्या उडणार्‍या पाण्याने दुय्यम संक्रमण होते. जंतुंना जास्त आर्द्रता आणि २०-२८ अंश तापमान भावते. रोगामुळे कंदांची संख्या आणि आकार खूप कमी भरतात. दोन आठवड्याची पाने अत्यंत संवेदनशील असतात.

प्रतिबंधक उपाय

मध्यम प्रतिकारक वाण उपलब्ध असल्यास लावा.
संक्रमित पाने आणि / किंवा झाड मुळासकट उपटून नष्ट करा.
माती वाहून जाऊ नये म्हणून हिरवे आच्छादन (मल्चिंग) टाका.
रोग कमी करण्यासाठी थोडी सावली करा.
रोगाच्या घटना नियंत्रित करण्यासाठी पीक फेरपालट मदत करेल.