फुलकोबी
पांढरा तांबेरा
Albugo candida
बुरशी
थोडक्यात
- पानांवरील फिकट ठिपके पांढर्‍या चकचकीत उंचवटलेल्या फोडात बदलतात.
- पानांच्या खालच्या बाजुला पावडरीसारखे सूक्ष्म बीजाणू दिसतात.
- फांद्या आणि फुले देखील प्रभावित होतात.
- झाडांचे गंभीररीत्या प्रभावित झालेले भाग आक्रसतात आणि वाळतात.
मध्ये देखील मिळू शकते
फुलकोबी
लक्षणे
पांढरा तांबेरा एखाद्या झाडाला स्थानिक किंवा प्रणालीनुसार संक्रमित करू शकतो. संक्रमणाच्या प्रकाराप्रमाणे लक्षणे दिसतात. स्थानिक संक्रमणात सुरवातीच्या टप्प्यांवर पानांच्या खालच्या बाजुला, छोट्या फांद्यांवर आणि फुलांच्या भागांवर फोड दिसतात. ते सुमारे १-२ मि.मी. व्यासाचे असतात आणि पांढरे किंवा फिकट पिवळे असतात. जशी लक्षणे वाढतात, तसे पानाखालील फोडाच्या बरोबर वर पानाच्या वरच्या बाजुला फिकट हिरवे ते पिवळसर रंगहीनतेचे भाग दिसतात. आंतरप्रवाही संक्रमणात, रोगाची वाढ झाडाच्या आतच होत असल्याने झाड असामान्य वाढते, प्रभावित झाडे विकृत होतात किंवा गाठी येतात.
शिफारशी
जैविक नियंत्रण
नीम, कांदा आणि लसणीचा अर्क वापरा. नीलगिरीच्या अर्क तेलात विस्तृत बुरशीविरोधक गुण असतात आणि पांढर्‍या तांबेर्‍यावर पानांवर आणि कणीस लागायच्या सुमारास वापरल्यास प्रभावी असते.
रासायनिक नियंत्रण
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. मँकोझेब किंवा मेटालॅक्सिल आणि मँकोझेब वापरुन बीजोपचार करा. औषधांचा वापर प्रथम जमिनीत आणि नंतर फवारणी द्वारे करावा. पिकाचा कालावधी आणि पावसाच्या प्रमाणानुसार वापराची वारंवारता बदलू शकते. समशीतोष्ण हवामानात पीक चक्राच्या काळात एकदा जमिनीतून आणि किमान १ ते २ फवारणीद्वारे करण्याची शिफारस केली जाते.
कशामुळे झाले
पानांवरील हा रोग अलब्युगो किंवा प्युस्ट्युला नावाच्या बुरशीमुळे होतो. ब्रासिकासारख्या काही झाडांवर, पांढरे फोड आणि केवड्याची लागण सोबतीने होते. फोडात सफेद पावडरीसारखे बीजाणू असतात जे पक्व झाल्यानंतर वार्‍याने पसरतात. पांढर्याो तांबेर्‍याच्या बीजाणूंना ऊगवणीसाठी १३ ते २५ अंश तापमान, पाने किमान २-३ तास ओली असणे आणि ९०% वरील सापेक्ष आर्द्रता, जमिनीतील उच्च आर्द्रता आणि वारंवार पाऊस जरूरीची असते. जमिनीतील ऊस्पोर्स आणि त्या भागातील बारमाही तण यजमानांवरील स्पोरान्गिया हे प्राथमिक प्रसार करतात. दुय्यम प्रसारात वार्‍याने आणि पावसाच्या पाण्याने वहन होणार्‍या कोनिडिया (स्पोरान्गिया) किंवा ऑटोनॉमस झूस्पोर्स (किड्यांद्वारे वहन होणारे) बीजाणू जवळपासच्या झाडांना संक्रमित करतात. ब्रासिका कुटुंबातील बहुतेक प्रजातींना ही प्रभावित करतातच पण कोबीवर्गीय भाज्या, शोभेची झाडे आणि अनेक प्रकारच्या तणांनाही संक्रमित करतात. बीजाणू जमिनीत किमान ३ वर्षांपर्यंत जगतात.
प्रतिबंधक उपाय
- उपलब्ध असल्यास प्रतिकारक वाण लावा आणि रोगमुक्त तसेच प्रमाणित बियाणे वापरा.
- खोल नांगरा आणि लवकर पेरणी करा.
- दाट लागवड टाळा नाहीतर आर्द्रता वाढुन संक्रमण होते.
- दूषिततेची जोखीम कमी करण्यासाठी स्वच्छतेची सवय राखा.
- प्रभावित झाडांचे गंभीररीत्या संक्रमित झालेले भाग काढुन विल्हेवाट लावा.
- तण नियंत्रण आणि इतर स्वच्छता उपाय करीत रहा.
- कोबीवर्गीय नसलेल्या पिकांसह तीन वर्ष पीक फेरपालट केल्यास प्रभावी ठरते.
सामायिक करा
प्लँटिक्स डाऊनलोड करा
