पिस्ता
उशीरा येणारा अल्टरनेरिया करपा
Alternaria alternata
बुरशी
थोडक्यात
- काळ्या केंद्रांचे गडद तपकिरी, विखुरलेले पावडरी ठिपके किंवा धब्बे पानांवर दिसतात.
- पाने कोमेजून लवकर पानगळ होते.
- फळांवर लालसर प्रभावळीसह तपकिरी गोलाकार वाळलेले भाग दिसतात.
- जसे हे डाग मोठे होतात तसे त्यावर बुरशी विकसित होण्यास सुरवात होते.
मध्ये देखील मिळू शकते
पिस्ता
लक्षणे
लक्षणे बहुधा उन्हाळ्यात दिसतात आणि कोवळ्या पानांवर ३ ते ७ मि.मी. चे कोणाकृत किंवा गोलाकार ठिपके दिसणे हे विशेष लक्षण आहे. काही गंभीर बाबतीत ठिपके ३ सें.मी. व्यासांचेही होऊ शकतात. देठांवर आणि पानांच्या मुख्य शिरांवर काळे व्रणही असतात. गंभीर संक्रमणात पाने कोमेजुन गळतात. अपक्व फळांवर सूक्ष्म तपकिरी किंवा काळे ठिपके येतात. पक्व फळांवरील ठिपके थोडे मोठे (१ ते ५ मि.मी. व्यासाचे) असतात आणि सभोवताली लालसर प्रभावळ असते. बुरशीचे विकसन फळांवर होते ज्यामुळे ती कूजतात. गंभीर बाबतीत, ह्यामुळे उत्पादनाची प्रत अत्यंत कमी भरते.
शिफारशी
जैविक नियंत्रण
प्रभावित भागांच्या छाटणीनंतर बोर्डो मिश्रणाची फवारणी करा. लसुण किंवा हॉर्सटेलचे मिश्रण पानांवर आणि फळांवर करणे हाही एक पर्याय आहे. बॅसिलस सबटिलिस बुरशीचे भक्षक असल्याने त्याचे द्रावणही वापरले जाऊ शकते.
रासायनिक नियंत्रण
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. ह्या रोगाविरुद्धचे उपचार उन्ह्याळ्याच्या सुरवातीला व्हायला हवेत, म्हणजे फळे पक्व होण्यापूर्वी. थयोफेनेट-मिथाइल, मॅनेब, कॉपर उत्पादनांवर आधारीत सक्रिय घटक असलेली उत्पादनेही चांगले काम करतात. संक्रमण कमी करण्यासाठी उपचारांचा वापर किमान दोन वेळा व्हावा लागतो. उपचारांचा प्रभाव हा कोणत्या वेळी वापर केला जातो, झाडाच्या वयाप्रमाणे समायोजन, औषधाची शिफारशीत मात्रा ह्यावर अवलंबुन असतो.
कशामुळे झाले
अल्टरनेरिया नावाच्या बुरशी गटाच्या अल्टरनेरिया अल्टरनेटाच्या तीन प्रजातींमुळे लक्षणे उद्भवतात. ती जमिनीत किंवा झाडांच्या अवशेषात जगते. अनुकूल परिस्थितीत ती बीजाणूंचे उत्पादन करते ज्यांचे वहन वार्‍य‍‍ाने, पावसाने संवेदनशील झाडांवर होते. उच्च आर्द्रतेशी संबंधित उच्च तापमानात, ज्यात सम्मिलित आहे दव पडणे, ओला आणि पावसाचा काळ आलटुन पालटुन असणे आणि अन्नद्रव्यांची कमतरता हे पिस्त्यावर बुरशीचे विकसन होण्यात मोठेच घटक आहेत. लक्षणांची गल्लत ओंबी आणि कोंबाच्या करप्याशी होऊ शकते जो बोट्रियोस्फेरिया डोथिडे नावाच्या बुरशीमुळे होतो. ह्यांना वेगळे ओळखण्यासाठी आर्द्र हवामानात प्रभावित पाने चोऴली असता: जर बोट काळी झाली तर हा अल्टरनेरिया अल्टरनेटा नावाच्या बुरशीमुळे झालेला उशीरा येणारा करपा आहे.
प्रतिबंधक उपाय
- कमी संवेदनशील वाण वापरा तसेच प्रमाणित स्त्रोतांकडील निरोगी बियाणे घ्या.
- झाडीतुन हवा चांगली खेळण्यासाठी दाट लागवड टाळा.
- रोगाची पहिली चिन्हे लवकर लक्षात येण्यासाठी बागेची नियमित तपासणी करत चला.
- बागेतुन तण व्यवस्थापन करा.
- पहिली लक्षणे दिसताच प्रभावित भाग छाटुन जाळुन टाका.
- चांगली हवा खेळणार्‍या झाडीसाठी झाडे सुप्तावस्थेत असतानाच छाटणी करा.
- तुषार सिंचन टाळा खासकरुन फळे पक्व होण्याच्या सुमारास.
- काढणी नंतर पिकाचे अवशेष काढुन जाळुन नष्ट करा.
- सगळ्यात महत्वाच म्हणजे ह्या झाडांचे भाग कंपोस्टमध्ये वापरु नका कारण रोग पुढील हंगामात नेला जाईल.
सामायिक करा
प्लँटिक्स डाऊनलोड करा
