पानांवरील बोट्रिटिस करपा

लक्षणे

वाढीच्या कोणत्याही टप्प्यावर संक्रमण होऊ शकते आणि बहुधा जुन्या पानांवर पहिल्यांदा विकसित होते. सुरवातीची लक्षणे पात्याच्या वरच्या बाजुला छोटे (१-५ मि.मी.) गोल किंवा लंबगोलाकार पांढर्‍या डागांनी होते. एकेकटे डाग आणि नंतर डागांचे गटांभोवती फिकट हिरवी किंवा रुपेरी प्रभावळ दिसते जी सुरवातीला पाणी शोषल्यासारखी दिसते. कालांतराने, डागांची संख्या वाढते आणि जुन्या डागांचे केंद्र खोलगट, फिकट पिवळ्या रंगाचे, सुकण्याची सुरवात झाल्यासारखे दिसते. नंतरच्या टप्प्यात लांबट वैशिष्ट्यपूर्ण चीर ह्या डागात येते. पानांची टोके आणि कडा मऊ पडतात आणि हळुहळु सुकतात, ज्यामुळे करपणे आणि मर होते. अनुकूल परिस्थितीत रोग कंदालाही प्रभावित करतो, ज्यामुळे त्याचा आकार आणि प्रत कमी भरते. जसा रोग फैलावतो, मरणार्‍या रोपांचे मोठे पिवळे भाग शेतात दूरवरुन पाहिले जाऊ शकतात.