सेप्टोरियाचे ठिपके

लक्षणे

फळांवर बारीक, खोलगट भाग किंवा खड्डे (१-२ मि.मी. व्यासाचे) दिसतात, जे नंतर सालीपेक्षाही खोल होतात. खड्डे सुरवातीला फिकट गव्हाळ रंगाचे असुन त्यांना अरुंद हिरवी कडा असते, जी परिपक्वतेच्या काळात लालसर तपकिरी होते. डाग एकमेकांत मिसळुन मोठे अनियमित तपकिरी ते काळे खोलगट भाग तयार होतात. या डागांत खूप दाट काळे ठिपके तयार होतात, जे बुरशीचे बीजाणू असतात. गंभीर संक्रमणात प्रभावित फळात वैशिष्ट्यपूर्ण वास असतो आणि ती अकाली गळतात. पानांवरील लक्षणे थोडे उंचावटलेले फोडासारखे काळे डाग (१-४ मि. मी. व्यासाचे) ज्यांच्या कडा पिवळ्या असतात. काही काळानंतर या डागांचे केंद्र करपट होऊन फिकट तपकिरी होते. अनुकूल हवामानात या रोगामुळे झाडातील खालच्या भागात खूप पानगळ होते. जशी पाने गळतात, त्यावरील डाग गडद तपकिरी होतात आणि कडा देखील गडद होतात. बारीक काळे बीजाणू या डागात तयार होतात.