सेप्टोरिया ट्रीटिसि धब्बे

लक्षणे

सेप्टोरिया ट्रीटिसि पानावरील धब्ब्यांची सुरवातीची लक्षणे खालच्या पानांवर बारीक पिवळे ठिपके रोप उगवल्यानंतर लगेच येतात. जसेजसे ते मोठे होत जातात, या ठिपक्यांचा रंग बदलुन फिकट ते गडद तपकिरी अंड्याच्या आकाराचे किंवा पट्ट्यासारखे धब्बे तयार होतात आणि पूर्ण पात्यावर पसरु शकतात. लक्षणे खोड आणि ओंबीवर देखील कमी प्रमाणात उमटु शकतात. या डागात काळी बीजाणू फळे दिसतात ज्यामुळे विशिष्ट ठिपकेदार संरचना दिसते. कालांतराने पूर्ण पानच मोठ्या तपकिरी तांबट रंगांच्या डागाने भरुन जाते आणि फक्त काही ठिकाणीच हिरवा भाग दिसतो ज्याभोवती पिवळी प्रभावळ असते. अखेरीस पान वाळल्याने मर होते. काळ्या बीजाणू फळांच्या अनुपस्थितीत अशीच धब्ब्यांची लक्षणे दुसर्‍या रोगामुळे किंवा पोषकांच्या कमतरतेमुळे दिसु शकतात, जसे कि अल्युमिनियमची विषासक्तता किंवा जस्ताची कमतरता. लक्षणे पहिल्यांदा झाडाच्या वाढीच्या नंतरच्या काळात आणि लागण झाल्यानंतर दोन ते तीन अठवड्यांनी दिसतात.