बटाटा
रुपेरी बुरशी (सिल्व्हर स्कार्फ)
Helminthosporium solani
बुरशी
थोडक्यात
- कंदावर तपकिरी कडा असलेले रुपेरी डाग येतात.
- न धुतलेल्या बटाट्यात ही लक्षणे दिसण्यात कठिण असतात.
- बटाट्याच्या वाणाप्रमाणे सालीचे रंग बदलत असल्याने डाग देखील वेगवेगळ्या प्रकारचे आढळतात.
- इतर जंतुंचे दुय्यम संक्रमण देखील होऊ शकते.
मध्ये देखील मिळू शकते
बटाटा
लक्षणे
लक्षणे सामान्यतः काढणी करते वेळेस दिसतात पण साठवणीच्या काळात रोग वाढतो. साठवणीच्या काळात बटाट्यांवर रुपेरी डाग दिसतात जे नंतर मोठे होऊन तपकिरी कडा असलेल्या वर्तुळात बदलातात. डाग नंतर एकमेकांत मिसळुन तपकिरी होतात, ज्यामुळे न धुतलेल्या बटाट्यांवर ते दिसायला कठिण जातात. बटाट्याच्या वाणाप्रमाणे सालीचे रंग बदलत असल्याने डाग देखील वेगवेगळ्या प्रकारचे आढळतात. संक्रमित बटाट्याची साल मऊ पडून सुरकुतते आणि अखेरीस निघुन जाते. इतर जंतुंमुळे दुय्यम संक्रमाणाची शक्यता होऊ शकते.
शिफारशी
जैविक नियंत्रण
नैसर्गिक जैवनाशक (हायड्रोजन पॅरॉक्साइड) किंवा जैविक उत्पाद (बॅसिलस सबटिलिस, लवंग तेल)च्या वापराने रुपेरी बुरशीची जोखिम कमी करण्यात, सिमित किंवा काहीच परिणामकारकता दिसुन आली नाही
रासायनिक नियंत्रण
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. बीज बटाट्यांवर पेरणी करण्याआधी किंवा काढणी करते वेळेस बुरशीनाशकांचे उपचार केल्याने लागणीचा प्रतिबंध होऊ शकतो. बेनोमिल आणि थियाबेन्डाझोल कंदांवर पावडरीच्या रुपात धुरळणी केल्यास साठवणीच्या काळात किंवा पुढच्या हंगामात रुपेरी बुरशीच्या घटना कमी केल्या जाऊ शकतात.
कशामुळे झाले
रुपेरी बुरशी (सिल्व्हर स्कार्फ) हे बीजजन्य बुरशी हेलमिनोसोस्पोरियम सोलानी द्वारे होते. ही कंदात दीर्घ कालावधीपर्यंत जगू शकते आणी सालीला संसर्ग करते. लागण जमिनीतुन, बाधीत कंदाचा बियाणे म्हणुन उपयोग केल्याने किंवा साठवणीच्या ठिकाणी बीजाणु राहिल्याने होऊ शकते. साठवणीच्या ठिकाणी ३ डिग्री सेल्शियसचे तापमान आणि ९०% पेक्षा कमी सापेक्ष आर्द्रता राखल्यास रोगाची वाढ कमी होते. साठवणीच्या काळात कंदात बाष्प धरणे (कंदाच्या तपामानापेक्षा हवा उष्ण असणे) याने समस्या वाढते. जरी बटाटे खाण्यालायक असले तरी त्याचे बाजारमूल्य खूपच घसरते.
प्रतिबंधक उपाय
- निरोगी रोपापासुन धरलेले किंवा प्रमाणित स्त्रोतांकडुन घेतलेले बियाणे वापरा.
- बटाट्याचे सहनशील वाण लावा.
- जास्त कालावधीसाठी पीक फेरपालट योजना करा.
- कंद लवकर काढले असता घटनांचे प्रमाण कमी होते.
- पीक घेतल्यानंतर तणांचे नियंत्रण करा.
- हत्यारे आणि हाताळणीची अवजारे दुसऱ्या भागात वापरण्याआधी स्वच्छ आणि निर्जंतुक करा.
- बटाट्याची साठवण थंड, कोरड्या जागी जिथे हवा चांगली खेळती राहील अशा ठिकाणी करा.
- पीक घेतल्यानंतर स्वच्छता राखणे आणि घाण निवडुन काढुन टाकण्याच्या सवयी राबवा.
सामायिक करा
प्लँटिक्स डाऊनलोड करा
