പരുത്തി
കളനാശിനി മൂലമുള്ള നിറമാറ്റം
Herbicides Photosynthesis Inhibitors
മറ്റുള്ളവ
ചുരുക്കത്തിൽ
- ഇലകളുടെ സിരകള്‍ക്കിടയിലുണ്ടാകുന്ന മഞ്ഞപ്പ്.
- ഇലകളുടെ അരികുകള്‍ മഞ്ഞനിറമാകുന്നത് കൂടാതെ മുകളിലേക്ക് വളയുന്നു.
- ഉയര്‍ന്ന മാത്രകളില്‍, "ബ്ലീച്ചിംഗ്', കോശങ്ങളുടെ നാശം എന്നിവയും.
- സൂര്യപ്രകാശം കൂടുതല്‍ ലഭ്യമെങ്കില്‍ ലക്ഷണങ്ങള്‍ ദ്രുതഗതിയില്‍ വികസിക്കും.
കണ്ടെത്താൻ കഴിയുന്ന മറ്റ് വിളകൾ
പരുത്തി
ലക്ഷണങ്ങൾ
ഉപയോഗിച്ച ഉത്പന്നം, പ്രയോഗിച്ച സമയം, മാത്ര എന്നിവയെ ആശ്രയിച്ചാണ്‌ ലക്ഷണങ്ങള്‍ കാണപ്പെടുന്നത്. പുതിയ ഇലകളേക്കാള്‍ കൂടുതല്‍ മുതിര്‍ന്ന ഇലകളെ ബാധിക്കും. കോശങ്ങള്‍ സിരകളിക്കിടയില്‍ മഞ്ഞ നിറമായിമാറി സിരകള്‍ക്കിടയിലെ നിറം മാറ്റം (ഇന്റര്‍വീനിയല്‍ ക്ലോറോസിസ്) അല്ലെങ്കില്‍ ബഹുവര്‍ണ്ണക്കുത്തുകള്‍ ഇലകള്‍ക്കിടയില്‍ വികസിക്കുന്നു. ഇലയുടെ അരികുകള്‍ മഞ്ഞയായി മുകളിലേക്ക് വളയാന്‍ തുടങ്ങും. ക്രമേണ ഇലകള്‍ നിര്‍ജ്ജലീകരണം മൂലം രണ്ടു മുതല്‍ അഞ്ചു ദിവസങ്ങള്‍ക്കുള്ളില്‍ അടര്‍ന്നു വീഴും, നല്ല സൂര്യപ്രകാശത്തില്‍ ഇത് വഷളാകും ("പേപ്പര്‍ ബാഗ്" പോലെയുള്ള രൂപം) ഇലകളില്‍ അവയുടെ ദ്രുതഗതിയിലും ഹാനികരവുമായ പ്രഭാവം മൂലം ഇവയെ സാധാരണ "ബ്ലീച്ചറുകള്‍" എന്ന് പറയുന്നു.
ശുപാർശകൾ
ജൈവ നിയന്ത്രണം
കേടുപാടുകള്‍ക്ക് ജൈവ നിയന്ത്രണ പരിഹാരം ഇല്ല. പ്രതിരോധവും മികച്ച കൃഷി പരിപാലന രീതികളുമാണ് ഹാനികള്‍ ഒഴിവാക്കാനുള്ള പ്രഥമ മാര്‍ഗ്ഗം.
രാസ നിയന്ത്രണം
ലഭ്യമെങ്കില്‍ ജൈവ ചികിത്സകളെ പ്രതിരോധ നടപടികളുമായി സമന്വയിപ്പിച്ച ഒരു സമീപനം എപ്പോഴും പരിഗണിക്കുക. ഒരു കളനാശിനി തളിക്കാന്‍ പദ്ധതിയിടുന്നതിനു മുമ്പായി താങ്കള്‍ കൈകാര്യം ചെയ്യുന്ന കളയുടെ ഇനവും കൂടി അറിഞ്ഞിരിക്കണം (അടിസ്ഥാനപരമായി പുല്ലിതര കളകള്‍ vs പുല്ലുകള്‍) കൂടാതെ ഈ ഉദ്ദേശത്തിനു മറ്റൊരു രീതിയും അനുയോജ്യമല്ല എന്നും ഉറപ്പു വരുത്തണം. കളനാശിനി ശ്രദ്ധാപൂര്‍വ്വം തിരഞ്ഞെടുക്കണം ലേബല്‍ ശ്രദ്ധാപൂര്‍വ്വം വായിക്കുകയും നിര്‍ദ്ദേശങ്ങള്‍, മാത്രകള്‍ എന്നിവയുടെ സൂചനകള്‍ പിന്തുടരുകയും ചെയ്യണം.
അതിന് എന്താണ് കാരണം
മറ്റുള്ളവയ്ക്കൊപ്പം അത്രസൈന്‍, ബ്രോമോക്സിനില്‍, ഡയുരന്‍, ഫ്ലുമെട്യൂറോണ്‍ എന്നിവയും അടങ്ങിയ PSII നിയന്ത്രിക്കുന്നവര്‍ മൂലമാണ് കേടുപാടുകള്‍ ഉണ്ടാകുന്നത്. ഇവ പ്രകാശസംശ്ലേഷണം തടയുകയും കോശങ്ങളില്‍ അടങ്ങിയിരിക്കുന്ന ഹരിത വര്‍ണ്ണം നശിപ്പിക്കുകയും ചെയ്ത് മഞ്ഞപ്പു വര്‍ദ്ധിപ്പിക്കുന്നു. പ്രീ-എമേര്‍ജന്‍സ് കളനാശിനിയായി (കളകള്‍ ദൃശ്യമാകും മുമ്പ്) മണ്ണില്‍ പ്രയോഗിക്കുമ്പോള്‍ ഇവയെ വേരുകള്‍ ആഗീരണം ചെയ്യുകയും വെള്ളത്തിനൊപ്പം മുകളില്‍ കൂമ്പിലേക്ക്‌ നീങ്ങും. അവസാനം അവ ഇലകളില്‍ സംഭരിക്കപ്പെടും, പ്രത്യേകിച്ചും ഇലയുടെ അരികുകളില്‍. ആവിര്‍ഭവിച്ചതിനു ശേഷം പ്രയോഗിക്കുന്ന കളനാശിനികള്‍ ചെടിയുടെ കോശങ്ങള്‍ക്ക് മാത്രം ഹാനിയുണ്ടാക്കുന്നു, ചെടിയുടെ മറ്റു ഭാഗങ്ങളിലേക്ക് നീങ്ങുന്നില്ല. പ്രതിരോധം വികസിക്കുന്നത് വഴിയുള്ള പ്രശ്നങ്ങള്‍ നിരവധിയിനം കളകളില്‍ പോതുവേയുള്ളതാണ് (പുല്ലുകള്‍, കടുക്, വേദനയുണ്ടാക്കുന്ന കൊടിത്തൂവ, കാട്ടു മുള്ളങ്കി എന്നിവ ഉദാഹരണം)
പ്രതിരോധ നടപടികൾ
- താങ്കള്‍ കൈകാര്യം ചെയ്യുന്ന കള ഏതിനമാണെന്ന് തിരിച്ചറിയുക.
- ( സാധാരണ പുല്ലിതര കളകള്‍(ബ്രോഡ് ലീഫ്) അല്ലെങ്കില്‍ പുല്ലു കളകള്‍) താങ്കളുടെ ആവശ്യത്തിനു ഏറ്റവും അനുയോജ്യമായ കളനാശിനി ശ്രദ്ധാപൂര്‍വ്വം തിരഞ്ഞെടുക്കുക.
- ലേബല്‍ ശ്രദ്ധാപൂര്‍വ്വം വായിക്കുകയും നിര്‍ദ്ദേശങ്ങളും സൂചിപ്പിച്ചിരിക്കുന്ന മാത്രകളും അനുസരിക്കുകയും ചെയ്യണം.
- ഒരു വ്യത്യസ്ത കളനാശിനിയുമായുള്ള ദൂഷണം ഒഴിവാക്കാന്‍ ഓരോ ഉപയോഗത്തിനും ശേഷം സ്പ്രേ അടങ്ങിയ പാത്രം നന്നായി വൃത്തിയാക്കണം.
- മറ്റു കൃഷിയിടങ്ങളിലേക്ക് തെറിയ്ക്കാതിരിക്കാന്‍ കാറ്റുള്ള അവസ്ഥയില്‍ തളിക്കുന്നത് ഒഴിവാക്കണം.
- ഫലങ്ങള്‍ നിരീക്ഷിക്കാന്‍ വിളവെടുത്ത കൃഷിയിടങ്ങിലും പുല്‍മേടുകളിലും കളനാശിനി പരീക്ഷിച്ചു നോക്കണം.
- കാലാവസ്ഥ മുന്നറിയിപ്പുകള്‍ ശ്രദ്ധാപൂര്‍വ്വം പരിശോധിക്കുന്നത് കൂടാതെ മഴയുണ്ടെങ്കില്‍ തളിക്കരുത്.
- പ്രയോഗിച്ച ദിവസങ്ങള്‍, ഉത്പന്നങ്ങള്‍, കൃഷിയിട സ്ഥാനങ്ങള്‍ കാലാവസ്ഥ എന്നിവ രേക്ഷപ്പെടുത്തി സൂക്ഷിക്കുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
