നെല്ലിലെ ചെറുവരയന്‍ ശരശലഭം

അതിന് എന്താണ് കാരണം

ചെറുവരയന്‍ ശരശലഭങ്ങളെ നെല്ലിന്റെ എല്ലാ പരിതസ്ഥിതിയിലുമുള്ള കൃഷിയിടങ്ങളിലും കാണാന്‍ കഴിയും, പക്ഷേ നന്നായി മഴ ലഭിക്കുന്ന നെല്‍പ്പാടങ്ങളില്‍ ഇവ ധാരാളമായുണ്ട്‌. ഇവ ഇളം തവിട്ടു നിറത്തോടെ ഓറഞ്ച് അടയാളങ്ങളും ചിറകുകളില്‍ സവിശേഷമായ വെള്ളപ്പുള്ളികളും ഉള്ളവയാണ്. മുതിര്‍ന്നവ പകല്‍ നേരത്ത് ഉണര്‍ന്നു പ്രവര്‍ത്തിച്ച് വളരെ പെട്ടന്ന് പറന്നു ഒരു ചെടിയില്‍ നിന്നും മറ്റൊന്നിലേക്ക് പോകുന്നു, അങ്ങനെ അവയുടെ പേര് അന്വര്‍ത്ഥമാക്കുന്നു. പെണ്‍ചെറുവരയന്‍ ശരശലഭങ്ങള്‍ വെളുത്ത അല്ലെങ്കില്‍ വിളറിയ മഞ്ഞ നിറമുള്ള ഗോളാകൃതിയുള്ള മുട്ടകളിടും. ലാര്‍വകള്‍ രാത്രി നേരം പ്രവര്‍ത്തിക്കുന്നവയാണ്. അവ പച്ച നിറത്തില്‍ ചുവപ്പ് കലര്‍ന്ന ലംബമായ വരകള്‍ തലയുടെ ഓരോ വശത്തും ഉള്ളവയും ഏകദേശം 50 മി.മി. വലിപ്പമാര്‍ന്നവയുമാണ്. പ്യൂപ്പകള്‍ ഇളം തവിട്ടു നിറമോ ഇളം പച്ച നിറമോ ഉള്ളവയും കൂര്‍ത്ത അഗ്രഭാഗങ്ങളോട് കൂടിയവയുമാണ്‌. വരള്‍ച്ച, കനത്ത മഴ അല്ലെങ്കില്‍ വെള്ളപ്പൊക്കം എന്നിവ പോലെയുള്ള കാലാവസ്ഥകള്‍ ഇവയുടെ വളര്‍ച്ചയ്ക്ക് അനുകൂലമാണ്. കീടനാശിനികളുടെ ദുരുപയോഗം മിത്ര കീടങ്ങളെ കൊല്ലുന്നതും ഒരു പക്ഷേ ഇവയുടെ പ്രത്യക്ഷപ്പെടലിനു കാരണമാകാം.