ബോറോണ്‍ അപര്യാപ്തത

ലക്ഷണങ്ങൾ

വിളകളെയും അവ വളരുന്ന സാഹചര്യത്തെയും അടിസ്ഥാനമാക്കി ലക്ഷണങ്ങൾ മാറിക്കൊണ്ടിരിക്കും, പക്ഷേ പൊതുവെ പുതുതായി വളരുന്ന സസ്യഭാഗങ്ങളിലാണ് ലക്ഷണങ്ങൾ ആദ്യം ദൃശ്യമാകുന്നത്. ആദ്യലക്ഷണം സാധാരണയായി ഇളം ഇലകൾക്ക് കട്ടി കൂടുന്നതും അവയുടെ നിറം മാറുന്നതുമാണ്. മഞ്ഞപ്പ് ഒരേ പോലെയോ സിരകളുടെ ഇടയിൽ വ്യാപിച്ച രീതിയിലോ ആയിരിക്കാം, പ്രധാന സിരകളിൽ നിന്ന് അകലുന്നതിന് അനുസരിച്ച് ക്രമേണ മങ്ങുന്ന തരത്തിൽ. നാമ്പിന്‍റെ, അഗ്രഭാഗത്തെ ഇലകളും തണ്ടും വേഗത്തിൽ പൊട്ടിപ്പോകും, അവ വളയ്ക്കുമ്പോൾ എളുപ്പത്തിൽ ഒടിയുകയും ചെയ്യുന്നു. ഇലകൾ ചിലപ്പോൾ ചുളുങ്ങിപ്പോകാനും (സിരകൾക്കിടയിലുള്ള ഭാഗങ്ങളിൽ അൽപ്പം ഉയർന്ന്), അതിന്‍റെ അഗ്രം, തള്ളിനിൽക്കുന്ന ഇലയുടെ ഭാഗം എന്നിവ താഴോട്ട് ചുരുണ്ട് പോകാനും സാധ്യത ഉണ്ട്. ചില സാഹചര്യങ്ങളിൽ, ഇലയുടെ സിരകൾ കട്ടി കൂടുകയും, പൊങ്ങിവരുകയും ചെയ്തതായി ദൃശ്യമാകുകയും ചിലപ്പോൾ ഇലഞെട്ട് ഒടിയുകയും ചെയ്യുന്നു. ഇടമുട്ടുകൾ ചുരുങ്ങി അതുവഴി ശിഖരത്തിൽ ഉയർന്ന സാന്ദ്രതയിൽ ഇലകൾ ഉത്പാദിപ്പിക്കുകയും ചെയ്യുന്നു. വളരെയധികം തീവ്രതയിലുള്ള ബോറോൺ അപര്യാപ്തത അഗ്രമുകുളങ്ങളുടെ നാശത്തിന് കാരണമാകുന്നു. അഭാവം പുരോഗമിക്കുന്നതിന് അനുസരിച്ച് സംഭരണ ​​വേരുകൾ പലപ്പോഴും ചെറുതും മുനയില്ലാത്തതും, ചിലപ്പോൾ പിളരുകയും ചെയ്യുന്നു.