മാംഗനീസിന്‍റെ അപര്യാപ്തത

അതിന് എന്താണ് കാരണം

മാംഗനീസിന്‍റെ (Mn) അപര്യാപ്തത ഒരു വ്യാപകമായ പ്രശ്നമാണ്, പലപ്പോഴും മണൽ മണ്ണുകൾ, പിഎച്ച് നില 6- ന് മുകളിലുള്ള ജൈവ മണ്ണുകൾ, കനത്ത കാലാവസ്ഥാ ജീർണനം സംഭവിച്ച ഉഷ്ണമേഖലാ മണ്ണുകൾ എന്നിവയിലാണ് ഇത് ഉണ്ടാകുന്നത്. എന്നാല്‍ ഇതിനു വിപരീതമായി, ഉയർന്ന അമ്ല സ്വഭാവമുള്ള മണ്ണുകളിൽ ഈ പോഷകത്തിന്‍റെ ലഭ്യത കൂടുന്നു. വളങ്ങളുടെ അമിതമായതോ അല്ലെങ്കിൽ അസന്തുലിതമായതോ ആയ ഉപയോഗവും സൂക്ഷ്മ പോഷകങ്ങൾ ചെടികൾക്ക് ലഭ്യമാക്കുന്നതിനുവേണ്ടി പരസ്പരം മത്സരിക്കുന്നതിന് കാരണമാകുന്നു. പ്രകാശസംശ്ലേഷണത്തിനും നൈട്രേറ്റിന്‍റെ സാംശീകരണത്തിനും മാംഗനീസിന് സുപ്രധാന പങ്കുണ്ട്. ഇരുമ്പ്, ബോറോൺ, കാൽസ്യം എന്നിവയെപ്പോലെ മാംഗനീസും ചെടികളിൽ ചലനശേഷി ഇല്ലാത്തവയാണ്. ഇത് കൂടുതലായും അടിവശത്തെ ഇലകളിൽ ശേഖരിക്കപ്പെടുന്നു. ഇളം ഇലകളിൽ ലക്ഷണങ്ങൾ ആദ്യം ദൃശ്യമാകുന്നതിന്‍റെ കാരണം ഇത് വിശദമാക്കുന്നു. ധാന്യ വർഗ്ഗങ്ങൾ, പയര്‍ വർഗ്ഗങ്ങൾ, സ്റ്റോൺ ഫ്രൂട്ട്, പന വർഗ്ഗങ്ങൾ, നാരക വർഗ്ഗങ്ങൾ, മധുരക്കിഴങ്ങ്‌, കടുക് എന്നിവ മാംഗനീസിന്‍റെ അപര്യാപ്തത ബാധിക്കപെടാം എന്ന് സംശയിക്കപ്പെടുന്നതും, ഈ പോഷകത്തിന്‍റെ വളപ്രയോഗത്താൽ പ്രത്യക്ഷമായ മാറ്റങ്ങൾ കാണിക്കുകയും ചെയ്യുന്ന വിളകളാണ്.