പൊട്ടാസ്യം അപര്യാപ്തത

ലക്ഷണങ്ങൾ

മുതിര്‍ന്ന ഇലകളിലാണ് ലക്ഷണങ്ങൾ ആദ്യം കാണുന്നതെങ്കിലും അപര്യാപ്തത ഉയർന്നതാണെങ്കിൽ പിന്നീട് തളിരിലകളിലേക്കും വ്യാപിക്കും. ഇലകളുടെ അഗ്രങ്ങളിലും അരികുകളിലും രൂപപ്പെടുന്ന ചെറിയ തോതിലുള്ള ഹരിതഹീനത വഴി പൊട്ടാസ്യത്തിൻ്റെ കുറവ് തിരിച്ചറിയാൻ സാധിക്കും, ഇവയെത്തുടർന്ന് ഇലകളുടെ അഗ്രഭാഗം ഉണങ്ങാനും തുടങ്ങുന്നു. പത്രപാളി ഏറെക്കുറെ വിളറുന്നു, പക്ഷേ പ്രധാനസിരകൾ പച്ചയായി തന്നെ തുടരുന്നു (സിരകൾക്കിടയിലുള്ള ഹരിതഹീനത). പരിഹരിച്ചില്ല എങ്കില്‍, വിളറിയ പാടുകള്‍ ഉണങ്ങി തവിട്ട് നിറത്തിൽ തുകല്‍ നിറത്തിൽ അല്ലെങ്കിൽ ഇരുണ്ട തവിട്ട് നിറത്തിൽ (നെക്രോസിസ്) ഇലയുടെ അഗ്രത്തിൽ നിന്നും മധ്യഭാഗത്തേക്ക് പതിയെ വ്യാപിക്കുന്നു. എന്നിരുന്നാലും പ്രധാനസിരകൾ പച്ചയായി തന്നെ തുടരുന്നു. ഇലകൾ ചുരുണ്ടുപോവുകയും ചുളിവുകൾ വന്ന് അകാലത്തിൽ തന്നെ പൊഴിയുകയും ചെയ്യുന്നു. തളിരിലകൾ ചെറുതായും മങ്ങിയും കാണപ്പെടുകയും കോപ്പയുടെ ആകൃതിയിലായിത്തീരുകയും ചെയ്യുന്നു. പൊട്ടാസ്യത്തിൻ്റെ കുറവുള്ള ചെടികൾ വളർച്ച മുരടിച്ച് മറ്റ് രോഗങ്ങൾക്ക് പെട്ടെന്ന് കീഴ്‌പ്പെടുകയും ജലദൗർബല്യം, ശൈത്യം എന്നിവ വരുമ്പോൾ കൂടുതലായി ക്ലേശിക്കുകയും ചെയ്യുന്നു. ചില അവസരങ്ങളിൽ കായകളും കാര്യമായി തന്നെ വികൃതമാവാറുണ്ട്.