നെല്ല്
ചെറു ചാഴി
Cletus trigonus
പ്രാണി
ചുരുക്കത്തിൽ
- ചെറിയ, തവിട്ട് മുതൽ ചാരനിറത്തിലുള്ള വണ്ടുകൾ.
- നെല്ലിൽ ചെറിയ ഇരുണ്ട പാടുകൾ.
കണ്ടെത്താൻ കഴിയുന്ന മറ്റ് വിളകൾ
നെല്ല്
ലക്ഷണങ്ങൾ
പരന്ന ശരീരവും ചെറുതും തവിട്ട് മുതൽ ചാരനിറത്തിലുള്ളതുമായ ചാഴികളുടെ തലക്കു പിന്നിൽ കൂര്‍ത്ത തോളുകള്‍ തള്ളിനില്‍ക്കുന്നതായി കാണാം. ഈ പ്രാണികൾ ഇളം നെൽക്കതിരുകളുടെയും ഇലകളുടെയും നീരൂറ്റിക്കുടിക്കുന്നു. ഈ ആഹരിപ്പ് പ്രത്യേകിച്ച് ധാന്യങ്ങളിൽ ചെറിയ ഇരുണ്ട പാടുകൾ സൃഷ്ടിക്കുന്നു. ഈ പാടുകൾ നെല്ലിന്റെ രൂപത്തെയും ഗുണത്തെയും ബാധിക്കും.
ശുപാർശകൾ
ജൈവ നിയന്ത്രണം
കീടനാശിനി സോപ്പ് അല്ലെങ്കിൽ വേപ്പെണ്ണ അല്ലെങ്കിൽ പൈറെത്രിൻ പോലുള്ള ജൈവ ഉത്പന്നങ്ങൾ, പ്രധാനമായും ഇളം കീടങ്ങളിൽ ചില നിയന്ത്രണം നൽകിയേക്കാം. സ്ലെൻഡർ റൈസ് ബഗ് പോലെയുള്ള ലീഫ്-ഫൂട്ടേഡ്‌ ബഗ്ഗുകൾക്ക് പക്ഷികൾ, ചിലന്തികൾ, പ്രാണികൾ എന്നിവയുൾപ്പെടെ നിരവധി പ്രകൃതിദത്ത വേട്ടക്കാരുണ്ട്, അവ കീടങ്ങളെ ഇരയാക്കുകയും പരാദമാക്കുകയും ചെയ്യുന്നു. ലീഫ്-ഫൂട്ടേഡ്‌ ബഗ്ഗുകളെ നിയന്ത്രിക്കാൻ, പക്ഷികൾക്ക് അഭയവും വെള്ളവും നൽകി, വിശാലമായ സ്പെക്ട്രം കീടനാശിനികൾ കുറച്ചും നിങ്ങൾക്ക് ഈ പ്രകൃതിദത്ത ശത്രുക്കളെ ആകർഷിക്കാൻ കഴിയും.
രാസ നിയന്ത്രണം
ഈ ചാഴിയെ ലീഫ്-ഫൂട്ടേഡ്‌ ബഗ്ഗ് ആയി കണക്കാക്കുന്നു. ലീഫ്-ഫൂട്ടേഡ്‌ ബഗ്ഗുകൾക്ക് കീടനാശിനികളുടെ ഒരു ശ്രേണിയുണ്ട്. ഈ കീടങ്ങളെ ശല്യപ്പെടുത്തിയാൽ അവ പറന്നു പോകുകയും കീടനാശിനി തളിക്കുമ്പോൾ ചെടികളിൽ നിന്ന് രക്ഷപ്പെടുകയും ചെയ്യും; അതിനാൽ, താഴ്ന്ന താപനില മൂലം അവ സാവധാനം സഞ്ചരിക്കുന്ന അതിരാവിലെ സ്പ്രേ ചെയ്യുന്നതാണ് നല്ലത്.
അതിന് എന്താണ് കാരണം
ചെറു ചാഴികൾ നെല്ലിനെയും സോയാബീൻ പോലുള്ള മറ്റ് വിളകളെയും ആക്രമിക്കുന്നു. പെൺ കീടങ്ങൾ നെല്ലിന്റെ ഇലകളിൽ ഓരോന്നായി മുട്ടയിടുന്നു. ആദ്യത്തെ ഇളം കീടങ്ങൾ ഏകദേശം 7 ദിവസത്തിനുള്ളിൽ വിരിയുന്നു. മുതിർന്ന ചാഴികളായി മാറുന്നതിന് മുമ്പ് അവ അഞ്ച് ഘട്ടങ്ങളിലൂടെ വളരുന്നു. യുവതലമുറ മുതിർന്നവയെക്കാൾ ചെറുതാണെങ്കിലും കാണാൻ മുതിർന്ന കീടങ്ങളെ പോലെയാണ്. ശൈത്യകാലം ഊഷ്മളമായിരിക്കുമ്പോൾ, കൂടുതൽ ചാഴികൾ അതിജീവിക്കും. അതിനാൽ, ഊഷ്മളമായ ശൈത്യകാലമുള്ള വർഷങ്ങളിൽ, നിങ്ങൾ അവയെ കൂടുതൽ കാണാനിടയുണ്ട്.
പ്രതിരോധ നടപടികൾ
- നിങ്ങളുടെ നെൽവയലിൽ നിന്നും സമീപ പ്രദേശങ്ങളിൽ നിന്നും എല്ലാ പുല്ല് കളകളും നീക്കം ചെയ്യുക, കാരണം അവ ഈ ചാഴികൾക്ക് അഭയം നൽകുന്നവയാണ്.
- നെൽക്കതിരുകൾ രൂപപ്പെടാൻ തുടങ്ങിയാൽ, ചാഴിയെ കണ്ടുപിടിക്കാൻ നിങ്ങളുടെ വയലിൽ രണ്ടാഴ്ചയിലൊരിക്കൽ പരിശോധനകൾ ആരംഭിക്കുക.
- നിങ്ങൾ പരിശോധിക്കുന്നതിനായി നെൽച്ചെടിയുടെ അടുത്ത് എത്തുന്നതിന് മുമ്പ് മുതിർന്ന കീടങ്ങൾ പലപ്പോഴും പറന്നുപോകുന്നു, അതിനാൽ ചെറുപ്രാണികളുടെ എണ്ണം മാത്രമേ കണ്ടെത്താൻ കഴിയൂ.
- ഇക്കാരണത്താൽ തണുപ്പ് കൂടുതലുള്ള അതിരാവിലെ മുതിർന്ന കീടങ്ങൾ സാവധാനം സഞ്ചരിക്കുമ്പോള്‍ പരിശോധിക്കുക.
- പരിശോധനയ്ക്കിടെ, കീടങ്ങളുടെ പെരുപ്പം വർദ്ധിക്കുന്നത് തടയാൻ നിങ്ങൾക്ക് കീടങ്ങളെ കൈകളാല്‍ പിടിച്ച് കൊല്ലുകയോ, സോപ്പ് വെള്ളം ഉപയോഗിച്ച് ബ്രഷ് ചെയ്യുകയോ ചെയ്യാം.
- നെൽകൃഷിയുടെ ഓരോ ഘട്ടത്തിലും ഈ കീടങ്ങളെ നെൽവയലുകളിൽ കാണാം.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
