കണ്ടെത്താൻ കഴിയുന്ന മറ്റ് വിളകൾ

6 വിളകൾ
പരുത്തി
വഴുതന
വെണ്ടക്ക
നെല്ല്
കൂടുതൽ

വഴുതന

ലക്ഷണങ്ങൾ

പുകയില പുൽച്ചാടി ഇളം ഇലകളും പൂമൊട്ടുകളും ഭക്ഷിച്ചുകൊണ്ട് സസ്യങ്ങളെ നശിപ്പിക്കുകയും ഇലകളിൽ വൃത്താകൃതിയിലുള്ള ദ്വാരങ്ങൾ സൃഷ്ടിക്കുകയും ചെയ്യുന്നു. വലിയ കീടബാധകളിൽ ചെടികളുടെ വളർച്ച മുരടിക്കും.

ശുപാർശകൾ

ജൈവ നിയന്ത്രണം

ആഴത്തിൽ മണ്ണ് ഉഴുതുമറിക്കുന്നത് പോലുള്ള സമ്പ്രദായങ്ങൾ മുട്ടയുടെ പിണ്ഡത്തെ സ്വാഭാവിക ശത്രുക്കൾക്ക് തുറന്നുകൊടുക്കുകയും അവയുടെ നിയന്ത്രണത്തിന് സഹായിക്കുകയും ചെയ്യും. പുകയില പുൽച്ചാടികളെ നിയന്ത്രിക്കുന്നതിനുള്ള ഇതര ഓപ്ഷനുകൾ പ്രതിരോധ നടപടികളും മികച്ച വിള പരിപാലന നടപടികളും മാത്രമാണ്.

രാസ നിയന്ത്രണം

ഇതൊരു പ്രാധാന്യമർഹിക്കാത്ത കീടമായതിനാൽ, പ്രതിരോധ നടപടികൾക്കൊപ്പം പരിസ്ഥിതി സൗഹൃദ നിയന്ത്രണ രീതികളും ഉപയോഗിക്കുന്നതാണ് നല്ലത്. പുകയില പുൽച്ചാടികളെ രാസപരമായി നിയന്ത്രിക്കുന്നതിന്, നേരത്തെ പ്രവർത്തിക്കേണ്ടത് വളരെ പ്രധാനമാണ്, പ്രത്യേകിച്ച് പുൽച്ചാടികൾ ചെറുതും ചിറകുകളില്ലാത്തതും വിളകളുടെ അതിർത്തികൾക്ക് സമീപം സ്ഥിതി ചെയ്യുന്നതുമായിരിക്കുമ്പോൾ. കൃഷിയിടങ്ങളുടെ അരികുകൾ ചെത്തിയൊരുക്കുന്നത് പലപ്പോഴും കൂടുതൽ നാശനഷ്ടങ്ങൾ തടയാൻ സഹായിക്കും. ക്വിനാൽഫോസ്, മാലത്തിയോൺ 0.1% അല്ലെങ്കിൽ കാർബറിൽ തളിക്കുന്നത് സസ്യജാലങ്ങളെ സംരക്ഷിക്കുന്നു. കീടനാശിനികളോ ഏതെങ്കിലും രാസവസ്തുക്കളോ ഉപയോഗിക്കുമ്പോൾ, സംരക്ഷണ വസ്ത്രങ്ങൾ ധരിക്കുന്നതും ലേബൽ നിർദ്ദേശങ്ങൾ ശ്രദ്ധാപൂർവ്വം വായിക്കുന്നതും പ്രധാനമാണ്. രാജ്യത്തിനനുസരിച്ച് നിയന്ത്രണങ്ങൾ വ്യത്യാസപ്പെടുന്നു, അതിനാൽ നിങ്ങളുടെ പ്രദേശത്തിനായുള്ള നിർദ്ദിഷ്ട മാർഗ്ഗനിർദ്ദേശങ്ങൾ പാലിക്കുന്നുവെന്ന് ഉറപ്പാക്കുക. ഇത് സുരക്ഷ ഉറപ്പുനൽകുകയും വിജയകരമായ പ്രയോഗ സാധ്യത വർദ്ധിപ്പിക്കുകയും ചെയ്യുന്നു.

അതിന് എന്താണ് കാരണം

പുകയില പുൽച്ചാടി, പച്ചയോ തവിട്ടു നിറമോ ഉള്ള ഇടത്തരം വലിപ്പമുള്ള, ചെറിയ കൊമ്പുള്ള ഒരു പ്രാണിയാണ്. കോണാകൃതിയിലുള്ള ശിരസ്സിനാൽ വ്യത്യസ്തമായ ഈ പുൽച്ചാടി സാധാരണയായി ഏഷ്യയിൽ കാണപ്പെടുന്നു, നദികൾക്കും അരുവികൾക്കും സമീപമുള്ള ഞാങ്ങണകളിലും പുല്ലുകളിലും അവ തഴച്ചുവളരുന്നു. ഇത് പ്രധാനമായും പകൽസമയത്ത് സജീവമായിരിക്കും, അവ ചെടികൾ ആഹരിക്കുന്നു, ഇത് പൂന്തോട്ടങ്ങളിൽ ഒരു ചെറിയ കീടമായും പുകയില നഴ്സറികളിലും മറ്റ് വിളകളിലും പ്രാധാന്യമർഹിക്കുന്ന കീടമായും മാറുന്നു. പുകയില പുൽച്ചാടികൾ വർഷം മുഴുവനും പ്രജനനം നടത്തുന്നു, അവ കൂടുതലും വിരിയുന്നത് വസന്തകാലത്താണ്. എന്നിരുന്നാലും, അവയുടെ കുഞ്ഞുങ്ങളെ കൊല്ലുന്ന തണുത്തതും നനഞ്ഞതുമായ കാലാവസ്ഥ അല്ലെങ്കിൽ അവയുടെ ആഹാരം പരിമിതപ്പെടുന്ന വരണ്ട കാലാവസ്ഥ എന്നിവ ഇവയുടെ നിലനിൽപ്പിന് ഭീഷണിയാകാം. പ്രായപൂർത്തിയായതും, ഇളം പുൽച്ചാടികളും ചെടികളുടെ നാശത്തിന് കാരണമാകുന്നു.

പ്രതിരോധ നടപടികൾ

  • നഴ്സറി പരിസരവും കൃഷിയിടവും കളകളും പുല്ലുകളും ഇല്ലാതെ വൃത്തിയായി സൂക്ഷിക്കുക.
  • നഴ്സറികളിൽ പുൽച്ചാടികൾ വരാതിരിക്കാൻ വലയിട്ടു മൂടുക.
  • ജമന്തി, കലെന്‍ഡുല , സൂര്യകാന്തി, ആസ്റ്റർ, അലിസം അല്ലെങ്കിൽ ചതകുപ്പ പോലുള്ള ചെടികളുടെ പൂക്കൾ സ്വാഭാവികമായും പുൽച്ചാടികളുടെ എണ്ണം നിയന്ത്രിക്കുന്ന മിത്ര പ്രാണികളെ ആകർഷിക്കുന്നു.
  • വിറയന്‍പുള്ള് , മേഘപ്പുള്ള് തുടങ്ങിയ പക്ഷികളെ ആകർഷിക്കുന്നതിനായി നിങ്ങളുടെ കൃഷിയിടങ്ങളിൽ ജലസ്രോതസ്സുകളും അനുയോജ്യമായ കൂടിനാവശ്യമായ ആവാസ വ്യവസ്ഥകളും നൽകുക.
  • ഈ പക്ഷികൾ പുൽച്ചാടികളുടെ എണ്ണം കുറയ്ക്കാൻ സഹായിക്കുന്നു.

പ്ലാൻ്റിക്സ് ഡൗൺലോഡ് ചെയ്യുക