തണ്ടിലെ ഈച്ചകൾ

അതിന് എന്താണ് കാരണം

അതേരിഗോണ ജനുസ്സിൽപെട്ട നിരവധി ഈച്ചകളുടെ ലാർവകളാണ് കേടുപാടുകൾക്ക് കാരണം. ഈ ചെറിയ തവിട്ടു നിറമുളള ഈച്ചകൾ വിവിധാഹാരികളാണ്, ഇവ ഗോതമ്പ്, ചോളം, അരിച്ചോളം തുടങ്ങിയ വിളകളെ ആക്രമിക്കുന്നു. മുളക്, ബീൻസ്, മസൂർ മുതലായവയും ബാധിക്കപ്പെട്ടേക്കാം. പെൺവർഗ്ഗം ഓരോന്നായോ അല്ലെങ്കിൽ വളരെ വിരളമായി ജോഡികളായോ ചെടിയുടെ തണ്ടിലോ, തൈച്ചെടിയുടെ ചുവടിനടുത്തുള്ള മണ്ണിലോ മുട്ടയിടും (3- 4 ഇലയുള്ള ഘട്ടമാണ് ഇഷ്ടം).കാലി വളങ്ങളുടെ ഉപയോഗം കൂടുതൽ ഈച്ചകളെ ആകർഷിക്കുകയും മുട്ടകളുടെ നിക്ഷേപം വർദ്ധിപ്പിക്കുകയും ചെയ്യും. പുതുതായി പുറത്തുവരുന്ന ലാർവകൾ വെളുത്ത് ഉരുണ്ടവയാണ്. അവ ചെടിയുടെ മുകളിലേക്ക് നീങ്ങുകയും അവയുടെ വായിലെ കൊളുത്തു പോലെയുള്ള ഭാഗങ്ങൾ ഉപയോഗിച്ച്, സാധാരണയായി ആദ്യത്തെ ഇലപ്പോളയ്ക്ക് തൊട്ടു മുകളിലുള്ള പുതു നാമ്പുകളുടെ മൃദുവായ ഭാഗങ്ങൾ ചവയ്ക്കുകയും ചെയ്യും. പ്യൂപ്പ ഘട്ടം സാധാരണ നടക്കുന്നത് തണ്ടുകളുടെ ചുവട്ടിൽ ആണ്. സെൻട്രൽ ഏഷ്യ, തെക്കുകിഴക്കൻ ഏഷ്യ എന്നിവിടങ്ങളിലെ കൃഷിയിൽ സാരമായ കേടുപാടുകൾക്ക് കാരണമായേക്കാവുന്നവയാണ് ഈ ഈച്ചകൾ.