വാഴയിലെ ശല്ക്കപ്പുഴു

അതിന് എന്താണ് കാരണം

നാകോലെയ ഒക്ടാസെമ എന്ന വാഴയിലെ ശല്ക്കപ്പുഴുവാണ് കേടുപാടുകള്‍ക്ക് കാരണം. മുതിര്‍ന്ന പ്രാണികള്‍ക്ക് ഇളം തവിട്ടോ മഞ്ഞ കലര്‍ന്ന തവിട്ടു നിറമോ ആയിരിക്കും. ചിറകില്‍ കറുത്ത അടയാളങ്ങള്‍ ഉണ്ടാകും. ഈ ചുരുങ്ങിയ ദിവസങ്ങള്‍ ജീവിക്കുന്ന (4-5 ദിവസങ്ങള്‍) പ്രാണികള്‍ സൂര്യാസ്തമയത്തോട് അടുത്താണ് സജീവമാവുക. സന്ധ്യ തുടങ്ങുന്ന നേരത്താണ് ഇണ ചേരുക. പകല്‍ സമയത്ത് ഇവ ചവറുകള്‍ക്കിടയിലും പഴയ ഇലകളുടെ തണ്ടുകള്‍ക്കടിയിലും ഒളിക്കും. പെണ്‍ വര്‍ഗ്ഗം പുതിയ കുലകളിലോ ചുറ്റുമുള്ള ഇലകളിലോ സഹപത്രങ്ങളിലോ മുട്ടകള്‍ ഇടും. മുട്ടകള്‍ വിരിഞ്ഞ ശേഷം ലാര്‍വകള്‍ കുലകളില്‍ എത്തി അവ ഭക്ഷിക്കാന്‍ തുടങ്ങും. മുട്ട വിരിയുന്നത് മുതല്‍ മുട്ടയിടുന്നത് വരെയുള്ള ജീവചക്രം 28 ദിവസങ്ങള്‍ കൊണ്ടാണ് പൂര്‍ണ്ണമാകുന്നത്. വാഴയിലെ ശല്ക്കപ്പുഴുവിന് ഈര്‍പ്പമുള്ളതും ഊഷ്മളവുമായ അവസ്ഥയാണ് വേണ്ടത്. അതിനാല്‍ തന്നെ നനവുള്ള സമയത്ത് ഇവ വരുത്തുന്ന നാശങ്ങള്‍ കൂടുതലാണ്. തണുപ്പുള്ള വരണ്ട മഞ്ഞുകാലത്ത് ഈ പ്രാണിയെ കാണാറില്ല. അല്ലെങ്കില്‍ കാലം തെറ്റിയുള്ള മഴ ലഭിച്ചാലേ അപ്പോള്‍ ഇവയെ കാണുകയുള്ളൂ. ഈര്‍പ്പം കുറവുള്ളപ്പോഴും വരണ്ട അവസ്ഥകളിലും മുതിര്‍ന്ന പ്രാണികള്‍ ഇണ ചേരുകയോ മുട്ടയിടുകയോ ഇല്ല എന്ന് ഗവേഷണങ്ങള്‍ കണ്ടെത്തിയിട്ടുണ്ട്. സാമ്പത്തികമായി വാഴയ്ക്ക് വലിയ നാശനഷ്ടങ്ങള്‍ ഉണ്ടാക്കുന്ന പ്രാണിയാണ് ഇത്. നിയന്ത്രിച്ചില്ലെങ്കില്‍ കുലകള്‍ 100% കേടുവരും.