നെല്ലിലെ പുഴുകൂട്ടം

അതിന് എന്താണ് കാരണം

നെല്‍പ്പാടങ്ങളിലെ പുഴുക്കൂട്ടമായ സ്പോഡോപ്റ്റെറ മൌറീഷ്യയാണ് കേടുപാടുകള്‍ ഉണ്ടാക്കുന്നത്‌. ഈ പോളിഫാഗസ് ഇനം ഇടയ്ക്കിടെ നെല്‍ വിളകള്‍ക്ക് ഗുരുതരമായ നഷ്ടം വരുത്താറുണ്ട്. ശലഭങ്ങള്‍ക്ക് ചാരനിറവും ചിറകറ്റങ്ങൾ തമ്മിലുള്ള അകലം ഏകദേശം 40 മി.മി ആണ്. പെണ്‍പ്രാണികൾ രാത്രിനേരത്ത് സജീവമാകുന്നവയും, ആവിര്‍ഭവിച്ച് 24 മണിക്കൂറിനുള്ളിൽ ഇണചേരുന്നവയുമാണ്. ഇണചേര്‍ന്ന് ഒരു ദിവസത്തിന് ശേഷം ഇവ കൂട്ടങ്ങളായി ഏകദേശം 200-300 മുട്ടകള്‍ വിവിധ ഇനം പുല്ലുകളിലും കളകളിലും നെൽച്ചെടിയുടെ ഇലകളിലും നിക്ഷേപിക്കും. ലാര്‍വകള്‍ ഇലകളിലെ കലകൾ തിന്നുതീര്‍ക്കും, കൂടാതെ പുഴുക്കൾക്ക് ആറ് ലാർവ ഘട്ടങ്ങൾ ഉണ്ട്, അവസാനം ലാർവകൾക്ക് 3.8 സെ.മി. നീളം ഉണ്ടാകും. പൂര്‍ണ്ണ വളര്‍ച്ചയെത്തിയ ലാര്‍വകള്‍ക്ക്, പിന്‍ഭാഗത്ത്‌ വരകളോടു കൂടിയ മിനുസമായ, കുഴല്‍ രൂപത്തിലുള്ള, മങ്ങിയ നിറമുള്ള ശരീരമാണ്. C-ആകൃതിയിലുള്ള കറുത്ത പുള്ളികള്‍ രണ്ടു നിരകളായി അവയുടെ പിന്‍ഭാഗത്ത്‌ ദൃശ്യമാണ്. ഇവ രാത്രിയില്‍ ഭക്ഷിച്ച് പകല്‍ മണ്ണില്‍ ഒളിഞ്ഞിരിക്കും. മണ്ണിലെ കൊക്കൂണ്‍ കുഴിയിലാണ് പ്യൂപ്പ ഘട്ടം നടക്കുന്നത്.