നാരകവര്‍ഗ്ഗങ്ങളിലെ ഇലതുരപ്പന്‍

ലക്ഷണങ്ങൾ

ചെടി വളർച്ചയുടെ ഏത് ഘട്ടത്തിൽ വേണമെങ്കിലും ബാധിക്കപ്പെടാം, പ്രധാനമായും ലക്ഷണങ്ങൾ കാണപ്പെടുന്നത് ഇളം ഇലകളിലാണ്. ഇലകളുടെ നിറം പച്ചയായി തന്നെ നിൽക്കുമെങ്കിലും അവ ചുരുളുകയും, വളയുകയും, വിരൂപമാകുകയും ചെയ്യുന്നതാണ് ആദ്യ ലക്ഷണങ്ങൾ. സൂക്ഷ്മമായി നോക്കിയാല്‍ ഇലകളുടെ ഇരു പുറംതൊലികള്‍ക്കും ഇടയിൽ വെളുത്ത അല്ലെങ്കിൽ ചാര നിറമുള്ള വളഞ്ഞുപുളഞ്ഞ തുരങ്കങ്ങൾ കാണാം. തുരങ്കങ്ങൾക്കുള്ളിൽ, ലാർവകളുടെ വിസർജ്യങ്ങൾ ഇരുണ്ട കനം കുറഞ്ഞ വരകളായോ അല്ലെങ്കിൽ കുത്തുകളോടെയുള്ള വരകളായോ കാണാൻ സാധിക്കും, ഇലകളുടെ അടിവശത്തു നിന്നും ഇത് കൂടുതൽ വ്യക്തമാകുന്നു. ഈ തുരങ്കങ്ങളുടെ അറ്റത്ത് പലപ്പോഴും ലാർവകളെ കാണാം, മാത്രമല്ല ഓരോ ഇലകളിലും നിരവധി ലാർവകൾ ഉണ്ടാകും. ഇലകളിലെ കേടുപാടുകള്‍ അവസരം കാത്തിരിക്കുന്ന കുമിളുകള്‍ക്കോ ബാക്ടീരിയകള്‍ക്കോ ബാധിക്കാനുള്ള സ്രോതസായി മാറിയേക്കാം. ഗുരുതരമായ ബാധിപ്പ് പ്രകാശ സംശ്ലേഷണത്തിൻ്റെ അളവ് കുറയ്ക്കുകയും അതുവഴി വളർച്ച മുരടിച്ച്, ഫലങ്ങളുടെ വലിപ്പവും ഗുണമേന്മയും കുറയുന്നതിലേക്ക് നയിക്കുകയും ചെയ്യുന്നു. സാരമായ സാഹചര്യങ്ങളിൽ, നാരകവര്‍ഗ്ഗങ്ങളിലെ ഇലതുരപ്പൻ്റെ ബാധിപ്പ് മരത്തിൻ്റെ ഇല മുഴുവൻ പൊഴിയുന്നതിനും തത്‌ഫലമായി ഇളം മരങ്ങളുടെ നാശത്തിനും കാരണമാകുന്നു.