നെല്ല്
മുഞ്ഞ
Nilaparvata lugens
പ്രാണി
ചുരുക്കത്തിൽ
- ചെടികളുടെ ഇലപ്പോളകളില്‍ ചെറിയ മുഞ്ഞകള്‍.
- പ്രാരംഭത്തില്‍ ഓറഞ്ച് -മഞ്ഞ, പിന്നീട് തവിട്ടുമായി മാറി ഉണങ്ങുന്ന ഇലകള്‍.
- ചെടികളുടെ വാട്ടവും മഞ്ഞപ്പും.
കണ്ടെത്താൻ കഴിയുന്ന മറ്റ് വിളകൾ
നെല്ല്
ലക്ഷണങ്ങൾ
ഇളം പ്രായത്തിലുള്ളതും വലുതുമായ മുഞ്ഞകൾ ചെടിയുടെ ചുവട്ടില്‍ അഭയം കണ്ടെത്തുകയും, ഇലയിൽ നിന്നും തണ്ടിൽ നിന്നും സത്ത് വലിച്ചു കുടിക്കുകയും ചെയ്യുന്നു. ഇത് ചെടി ഉണങ്ങാനും ഹരിത വർണം നഷ്ടപെടുവാനും കാരണമാകും. കീടങ്ങളുടെ അനിയന്ത്രിതമായ എണ്ണം മൂലം ഇലകള്‍ ആദ്യം ഓറഞ്ച് -മഞ്ഞ നിറത്തിലായി പിന്നീട് തവിട്ടു നിറമായി കരിയും (ഹോപ്പര്‍ കരിച്ചില്‍), ക്രമേണ ചെടി ഉണങ്ങി നശിക്കുന്നു. കൃഷിയിടങ്ങളിൽ രോഗലക്ഷണങ്ങൾ ആദ്യം ഒരു ചെറിയ ഭാഗത്തായിരിക്കും പക്ഷേ , പിന്നീട് മുഞ്ഞകൾ വ്യാപിക്കുന്നതിനനുസരിച്ച്, വളരെ പെട്ടെന്നുതന്നെ രോഗലക്ഷങ്ങളും വ്യാപിക്കും. പെൺകീടങ്ങൾ തണ്ടിലും ഇലയുടെ നടുവിലെ ഞരമ്പിലും മുട്ടകളിട്ട് അധിക കേടുപാടുകൾ ഉണ്ടാക്കുന്നു. ഇതിന്‍റെ തേൻസ്രവങ്ങൾ അഴുക്കുപുരണ്ട ആകാരങ്ങളുടെ വളർച്ചയ്ക്ക് കാരണമാകും. ചെടിയിൽ വലിപ്പം കുറഞ്ഞ കതിരുകൾ, പാകമായ വിത്തുകളുടെ എണ്ണത്തിലുള്ള കുറവ്, ഭാരം കുറഞ്ഞ നെന്മണികൾ എന്നിവയായിരിക്കും.
ശുപാർശകൾ
ജൈവ നിയന്ത്രണം
കീടങ്ങളുടെ പെരുപ്പം കുറവാണെങ്കിൽ മാത്രമേ ജൈവ പരിചരണം ഉപയോഗിക്കാന്‍ കഴിയൂ. മുഞ്ഞയുടെ സ്വാഭാവിക ശത്രുക്കളില്‍ വെള്ളത്തിലാശാന്‍, മിറിഡ് ബഗ്, ചിലന്തികള്‍, വിവിധ മുട്ടകള്‍ തിന്നുന്ന പരഭോജികളായ കടന്നലുകളും ഈച്ചകളും എന്നിവ ഉള്‍പ്പെടുന്നു. വിതനിലത്ത് ഒരു ദിവസം ചെടിയുടെ അഗ്രഭാഗം മാത്രം പുറമേ കാണും വിധം വെള്ളം നിറച്ചാല്‍ ഈ ഷഡ്പദത്തെ പിടികൂടാം (മുക്കിക്കൊല്ലുക). മറ്റൊരു രീതിയിൽ, ചെറിയ വിത നിലങ്ങളില്‍ ഒരു വല ഉപയോഗിച്ചും ഈ കീടത്തെ പിടികൂടാം.
രാസ നിയന്ത്രണം
ലഭ്യമെങ്കിൽ ജൈവ പരിചരണത്തോടൊപ്പം പ്രതിരോധ നടപടികളും ചേര്‍ന്ന സംയോജിത നിയന്ത്രണ സമീപനം സ്വീകരിക്കുക. ഗുരുതമായ വിധം പെരുപ്പം കണ്ടെത്തിയാലോ സ്വാഭാവിക ശത്രുക്കളെക്കാള്‍ മുഞ്ഞയെ കണ്ടെത്തിയാലോ മാത്രമേ കീടനാശിനികള്‍ ശുപാര്‍ശ ചെയ്യൂ. ബുപ്രൊഫെസിന്‍, പൈറോമെട്രോസിൻ, ഈറ്റോഫെന്‍പ്രോക്സ് ഇവയോ മറ്റു ഘടകങ്ങളോ അടങ്ങിയ കീടനാശിനികൾ ഈ കീടത്തിനെതിരെ പ്രയോഗിക്കാന്‍ കഴിയും. ക്വിനാൽഫോസ്, ക്ലോർപൈറിഫോസ് അല്ലെങ്കിൽ ലംബ്ഡ സിഹാലോത്രിൻ അല്ലെങ്കിൽ കൃത്രിമമായി നിർമ്മിച്ച പൈറെത്രോയിഡ് അടങ്ങിയ മിശ്രിതങ്ങൾ കീടങ്ങളിൽ പ്രതിരോധ ശക്തി വര്‍ദ്ധിക്കാൻ കാരണമാകുമെന്നതിനാല്‍ ഇവ ഉപയോഗിക്കരുത്.
അതിന് എന്താണ് കാരണം
കേടുപാടുകൾക്കു കാരണം, നിലപർവറ്റ ല്യൂഗന്‍സ് എന്ന മുഞ്ഞയാണ്. മഴയെ ആശ്രയിച്ച് കൃഷി ചെയ്യുന്ന സ്ഥലത്തും ജലസേചന സൗകര്യമുള്ള കോൾ പാടങ്ങളിലും പൊക്കാളി പാടങ്ങളിലും ഉയർന്ന തണലും ആർദ്രതയും ഉള്ള സ്ഥലങ്ങളിലും മുഞ്ഞ ഒരു പ്രശ്നമായേക്കാം. ഇടതൂർന്ന ഇലപ്പടർപ്പോടുകൂടിയ നെൽച്ചെടികൾ, നിബിഡമായി പാകിയ വിളകള്‍, നൈട്രജന്റെ അധിക ഉപയോഗം, സീസണിന്‍റെ തുടക്കത്തിലെ കീടനാശിനി തളിക്കല്‍ (അവ സ്വാഭാവിക ശതുക്കളെ നശിപ്പിക്കുന്നു) എന്നിവയും മുഞ്ഞയുടെ വളര്‍ച്ചയ്ക്ക് അനുകൂലമാണ്. മുഞ്ഞ നനവുള്ള കാലാവസ്ഥയേക്കാള്‍ വരണ്ട കാലവസ്ഥയില്‍ ധാരാളമായി കാണപ്പെടുന്നു. ചെടികള്‍ ചെറുതായി വളച്ചു നോക്കിയാല്‍ കീടങ്ങളെ കാണാന്‍ കഴിയും, അവയ്ക്ക് താഴെയായി ചുവട്ടില്‍ മൃദുവായി തട്ടിയാല്‍ അവ ജലോപരിതലത്തിലേക്ക് വീഴും.
പ്രതിരോധ നടപടികൾ
- പ്രാദേശികമായി ലഭ്യമായ പ്രതിരോധ ശേഷിയുള്ള ഇനങ്ങള്‍ ഉപയോഗിക്കുക.
- പെട്ടന്ന് പൊട്ടിപ്പുറപ്പെടുന്നത് തടയാന്‍ ഒരേ പ്രദേശത്തെ കൃഷിയിടങ്ങളില്‍ ഒരേ കാലയളവില്‍ നടാന്‍ ശ്രമിക്കുക.
- വിരിപ്പു കൃഷിയില്‍ കിഴക്ക്-പടിഞ്ഞാറ് ദിശയിലും മുണ്ടകന്‍ കൃഷിയില്‍ വടക്ക്- തെക്ക് ദിശയിലും ഓരോ 2 മീറ്റര്‍ ഇടവിട്ട് 20 സെ.മീ.
- ഇടവഴികള്‍ നല്‍കുക.
- വിതനിലത്തും കൃഷിയിടത്തിലും തണ്ടുകളിലും ജലോപരിതലത്തിലും കീടങ്ങള്‍ക്കായി പരിശോധിക്കുക.
- കീടങ്ങളെ പിടികൂടാന്‍ ചെറിയ വിതനിലങ്ങളില്‍ വല ഉപയോഗിക്കുക.
- കൃഷിയിടത്തിലും സമീപത്തുമുള്ള കളകള്‍ പതിവായി നീക്കം ചെയ്യുക.
- നൈട്രജന്റെ അധിക ഡോസ് പ്രയോഗങ്ങള്‍ ഒഴിവാക്കുക.
- വൈദ്യുതി ബള്‍ബ്, മണ്ണെണ്ണ വിളക്ക് എന്നിങ്ങനെയുള്ള പ്രകാശക്കെണികള്‍(5/ഏക്കര്‍) ഇളം നിറമുള്ള ഭിത്തിക്ക് സമീപമോ ഒരു പരന്ന പാത്രം വെള്ളത്തിലോ വയ്ക്കുക.
- ഇതു കൂടാതെ 20 മഞ്ഞ പശിമയുള്ള കെണികള്‍ സ്ഥാപിക്കുക.
- മിത്രകീടങ്ങള്‍ക്ക് സഹായകമാകാന്‍ വകതിരിവില്ലാത്ത കീടനാശിനി പ്രയോഗം ഒഴിവാക്കുക.
- കീടങ്ങളെ മുക്കികൊല്ലാന്‍ കൃഷിയിടത്തില്‍ ഇടവിട്ട് വെള്ളം നിറയ്ക്കുകയും ഉണക്കുകയും ചെയ്യുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
