ഒലീവ് തുരപ്പൻ

അതിന് എന്താണ് കാരണം

ഹൈലിസിന്സ് ടോറാനിയോ എന്ന വണ്ടാണ് ഒലീവ് മരങ്ങളിലെ രോഗലക്ഷണങ്ങൾക്ക് കാരണം. ഈ പ്രാണികളുടെ ലാർവകൾ സൈലോഫഗസ് ആണ്, അതായത് അവ മരത്തൊലിയുടെ അടിയിൽ ഉള്ള കാതലിനു പുറത്തുള്ള ഭാഗം ഭക്ഷിക്കുന്നു. മുതിർന്നവ മങ്ങിയ കറുപ്പ് അല്ലെങ്കിൽ കടും-പച്ച നിറമാണ്, അവയ്ക്ക് രണ്ട് ഓറഞ്ച് നിറത്തിലുള്ള സ്പര്‍ശനികളും കൂടാതെ പുറകിൽ മഞ്ഞ നിറമുള്ള തുകലുപോലെയുള്ള രോമങ്ങളുടെ വരികളും ഉണ്ട്. പെൺവർഗ്ഗം സാധാരണയായി ദുർബലമായ മരങ്ങളെ തിരഞ്ഞെടുക്കുന്നു, പുറംതൊലിയിലൂടെ ഒരു ദ്വാരം തുളയ്ക്കുകയും കൂടാതെ കാതലിനു പുറത്തുള്ള ഭാഗത്ത് ഒരു തുരങ്കം തുരക്കുകയും ചെയ്യുന്നു. ഈ പ്രധാന തുരങ്കത്തിൽ ആണ് മുട്ടകൾ ഇടുന്നത്. വിരിഞ്ഞതിന് ശേഷം, ഈ പ്രധാന തുരങ്കത്തിൽ നിന്ന് തുടങ്ങി അതിന് ഏതാണ്ട് ലംബമായി, മരത്തൊലിയുടെ താഴെയായി ലാർവകൾ ചെറുതും ഇടുങ്ങിയതുമായ തുരങ്കങ്ങൾ തുരക്കുന്നു. മരത്തിൻ്റെ സംവഹന കലകൾക്ക് ഉണ്ടാകുന്ന കേടുപാടുകൾ പോഷകത്തിൻ്റെയും വെള്ളത്തിൻ്റെയും സംവഹനം തടസ്സപ്പെടുത്തുകയും, ഇത് ശാഖകൾ വാടുന്നതിനും പഴങ്ങൾ വീഴുന്നതിനും കാരണമാകുന്നു. ആക്രമണം മരങ്ങളെ കൂടുതൽ ദുർബലപ്പെടുത്തുകയും, തോട്ടത്തിൻ്റെ തകർച്ചയിലേക്ക് നയിക്കുകയും ചെയ്യുന്നു. ഓക്കുമരം, അശോകവൃക്ഷം, ഉങ്ങ്‌, അക്രാട്ടുമരം, പൈൻ മരങ്ങൾ എന്നിവയാണ് ബദൽ ആതിഥേയ മരങ്ങൾ.