ഒലിവ് ചെടിയുടെ മരത്തൊലിയിലെ വണ്ട്

അതിന് എന്താണ് കാരണം

പാരിസ്ഥിതിക സാഹചര്യങ്ങളെ ആശ്രയിച്ച് പ്രതിവർഷം 2 മുതൽ 4 വരെ തലമുറകളുള്ള, ഒലിവ് ചെടിയുടെ മരത്തൊലിയിലെ വണ്ടാണ് ലക്ഷണങ്ങൾക്ക് കാരണം. ജീവിക്കുന്ന മരങ്ങൾക്ക് പകരം, വസന്തകാലത്തും വേനൽകാലത്തിൻ്റെ തുടക്കത്തിലും വെട്ടിയൊതുക്കിയ ശാഖകളിലും കത്തിക്കാനായി ശേഖരിച്ച ഒലീവിന്റെ വിറകുകളിലുമാണ് മുതിർന്നവ മുട്ടകൾ ഇടുന്നത്. ലാർവകൾ സൈലോഫാഗസ് എന്ന വിഭാഗത്തിൽ പെടുന്നവയാണ്, അതിനർത്ഥം അവ മരത്തടി മാത്രം ആഹരിക്കുന്നു. വണ്ടുകൾ അടുത്തുള്ള പുതിയ കൃഷിസ്ഥലങ്ങളിലേക്ക് പറന്നു ചെല്ലാൻ കഴിവുള്ളവയാണ്. ബാധിക്കപ്പെട്ട മരത്തടിയോ അല്ലെങ്കിൽ ജീവിക്കുന്ന ചെടിയുടെ ഭാഗങ്ങളോ കൊണ്ടുപോകുന്നതിലൂടെ ഇവ വലിയ ദൂരങ്ങളിലേക്കും വഹിക്കപ്പെടാം. ഗുരുതരമായ ആക്രമണം പൂക്കളുടെയും ഒലീവ് ഫലങ്ങളുടെയും എണ്ണം കുറയ്ക്കുകയും, തത്ഫലമായി 70% വരെ വിളവ് നാശം ഉണ്ടാകുകയും ചെയ്യാം. വണ്ടുകളാൽ ബാധിക്കപ്പെട്ട് 5 വർഷങ്ങൾക്കകം ഒലിവ് തോട്ടങ്ങളുടെ ഉത്‌പാദനക്ഷമത പൂർണമായും നഷ്ടമായേക്കാം. കേടുപാടുകൾമൂലം മരത്തടിയുടെ പുറംതൊലി പൊളിയാൻ എളുപ്പമാണ് എന്നുള്ളതിനാൽ, ഇളം മരങ്ങളെയാണ് ഇത് എളുപ്പത്തിൽ ബാധിക്കുന്നത്.