ഉരുളക്കിഴങ്ങ്
ഉരുളക്കിഴങ്ങിലെ വണ്ട്‌
Leptinotarsa decemlineata
പ്രാണി
ചുരുക്കത്തിൽ
- മുതിര്‍ന്നവയും ലാര്‍വയും ഉരുളക്കിഴങ്ങിന്‍റെ ഇലകള്‍ തിന്നാണ് ജീവിക്കുന്നത്.
- ഇവ വലിയ തോതില്‍ പെരുകുമ്പോള്‍ ചെടികളിലെ ഇലകള്‍ പൂര്‍ണ്ണമായും കൊഴിയും.
- വണ്ടിനെപ്പോലെ ആകൃതിയുള്ള ചുവന്ന ലാര്‍വയ്ക്ക് അവയുടെ പാര്ശ്വഭാഗത്ത് രണ്ട് വരി കറുത്ത കുത്തുകളുണ്ട്.
- വണ്ടുകളുടെ വെള്ള കലര്‍ന്ന തവിട്ടു പിന്‍ചിറകില്‍ 10 കറുപ്പ് വരകളുണ്ട്.
കണ്ടെത്താൻ കഴിയുന്ന മറ്റ് വിളകൾ
ഉരുളക്കിഴങ്ങ്
ലക്ഷണങ്ങൾ
കൊളറാഡോ ഉരുളക്കിഴങ്ങ് വണ്ടിലെ മുതിര്‍ന്നവയും ലാര്‍വയും ഇലകളുടെ അരികുകളാണ് തിന്നുക. അങ്ങനെ സാവധാനം തണ്ടുകളിലെ ഇലകള്‍ പൂര്‍ണ്ണമായും കൊഴിയും. കറുത്ത വിസജ്ജ്യങ്ങളും കാണാനാവും. മണ്ണിനു മുകളില്‍ കാണുന്ന ഉരുളക്കിഴങ്ങുകളും ചിലപ്പോഴൊക്കെ തിന്നാറുണ്ട്. മുതിര്‍ന്നവയ്ക്ക് മഞ്ഞ കലര്‍ന്ന ഓറഞ്ചു നിറവും ഓവല്‍ രൂപവുമായിരിക്കും. ഇവയുടെ ഏറ്റവും പ്രധാന സവിശേഷത വെള്ള കലര്‍ന്ന തവിട്ടു നിറമുള്ള പുറം ഭാഗത്തെ പത്ത് കറുത്ത വരകളാണ്. തലയില്‍ ത്രികോണ ആകൃതിയിലുള്ള കറുത്ത പുള്ളിയും നെഞ്ചില്‍ ക്രമരഹിതമായ ഇരുണ്ട പാടുകളുമുണ്ട്. അതെ സമയം അവയുടെ ചുവപ്പ് " തോട്" , കൂടാതെ പാര്ശ്വഭാഗത്ത് രണ്ടു വരി കറുപ്പ് പുള്ളികള്‍ ലാര്‍വകള്‍ക്ക് സവിശേഷമായ വണ്ടിനെ പോലെയുള്ള ആകൃതി നല്‍കുന്നു.
ശുപാർശകൾ
ജൈവ നിയന്ത്രണം
ബാക്ടീരിയല്‍ കീടനാശിനിയായ സ്പിനോസാഡ് അടിസ്ഥാനമായ ചികിത്സകള്‍ പ്രയോഗിക്കുക. ബാസിലസ് തുരിഞ്ചിനെസിസ് ബാക്ടീരിയം ചില ലാര്‍വ ഘട്ടങ്ങളില്‍ ഫലപ്രദമാണ്. ദുര്‍ഗന്ധമുള്ള വണ്ടായ പെരിലസ് ബോകുലാറ്റസും ഒരു തരം വിരയായ പ്രിസ്റ്റിഞ്ചസ് യൂനിഫോര്‍മിസും വണ്ടിനെ ഭക്ഷിക്കും. പരാന്നഭോജിയായ കടന്നല്‍ ഇദോവും പുട്ട്‌ലെറി, പരാന്നഭോജിയായ മയോഫറസ് ഡോരിഫോറെ എന്നിവയും കൊളറാഡോ ഉരുളക്കഴിങ്ങ് വണ്ടിനെ നിയന്ത്രിക്കാന്‍ സഹായിക്കും. മറ്റു ചില ഇതര ജൈവ ചികിത്സകളും സാധ്യമാണ്.
രാസ നിയന്ത്രണം
ലഭ്യമെങ്കിൽ എല്ലായ്‍പ്പോഴും ജൈവ ചികിത്സകള്‍ക്കൊപ്പമുള്ള പ്രതിരോധ നടപടികളുടെ ഒരു സംയോജിത സമീപനം പരിഗണിക്കുക. ഉരുളക്കിഴങ്ങ് വണ്ടിനെതിരായി സാധാരണ കീടനാശിനികള്‍ ഉപയോഗിക്കാമെങ്കിലും ഈ പ്രാണിയുടെ ജീവിത ചക്രം മൂലം പ്രതിരോധ ശക്തി വേഗത്തില്‍ വര്‍ദ്ധിച്ചേക്കാം. ഇവയുടെ പെരുപ്പത്തെ നിയന്ത്രിക്കാനുപയോഗിക്കുന്ന പരിഹാരമാര്‍ഗ്ഗങ്ങള്‍ പരിശോധിക്കുക.
അതിന് എന്താണ് കാരണം
മുതിര്‍ന്ന ഉരുളക്കിഴങ്ങ് വണ്ടുകള്‍ സൂര്യനില്‍ നിന്നു രക്ഷനേടി മണ്ണിനുള്ളില്‍ ആഴത്തിലാണ് തണുപ്പുകാലം കഴിച്ചുകൂട്ടുന്നത്. വസന്ത കാലത്ത് അവ പ്യൂപ്പയില്‍ നിന്നു പുറത്തുവരികയും ഇളം ചെടികളെ തിന്നാന്‍ ആരംഭിക്കുകയും ചെയ്യും. പെണ്‍വണ്ടുകള്‍ ഓറഞ്ച് നിറമുള്ള നീണ്ട ഓവല്‍ രൂപത്തിലുള്ള മുട്ടകള്‍ 20 മുതല്‍ 60 വരെയുള്ള കൂട്ടമായി ഇലകളുടെ അടിഭാഗത്തിടുന്നു. വിരിഞ്ഞു വരുമ്പോള്‍ ലാര്‍വകള്‍ മിക്കവാറും തുടര്‍ച്ചയായി ഇലകളാണ് തിന്നുന്നത്. അവയുടെ വളര്‍ച്ച അവസാനിക്കുമ്പോള്‍, അവ ഇലയില്‍ നിന്നു താഴെ മണ്ണിലേക്ക് വീഴുകയും അവിടെ മാളമുണ്ടാക്കി ഒരു ഗോളാകൃതിയിലുള്ള അറയുണ്ടാക്കി മഞ്ഞ നിറമുള്ള പ്യൂപ്പയായി മാറുകയും ചെയ്യുന്നു.
പ്രതിരോധ നടപടികൾ
- ലഭ്യമെങ്കില്‍, മാറ്റങ്ങളെ ഉള്‍ക്കൊള്ളാന്‍ കഴിയുന്ന ഇനങ്ങള്‍ ഉപയോഗിക്കുക.
- ലാര്‍വയുടെ പെരുപ്പത്തോത് കുറയ്ക്കുന്നതിന് നേരത്തെ നടുക.
- മഞ്ഞ നിറമുള്ള ഒട്ടിപ്പിടിക്കുന്ന കെണികള്‍ വണ്ടിനെ നിരീക്ഷിക്കാനും കൂട്ടത്തോടെ പിടിക്കാനും ഉപയോഗിക്കുക.
- 45% ചെരിവുള്ള കിടങ്ങുകള്‍ അല്ലെങ്കില്‍ പ്ലാസ്റിക്/ജൈവ പുതകള്‍ ഉപയോഗിക്കുക.
- വണ്ടുകളെ നിരീക്ഷിച്ച് കൈകളാല്‍ അവയെ നീക്കം ചെയ്യുകയോ ചെടികളില്‍ നിന്നും കുലുക്കി ഓടിക്കുകയോ ചെയ്യുക.
- ഉരുളക്കിഴങ്ങില്‍ ആഹാരം തേടുന്ന ഉരുളക്കിഴങ്ങ് വണ്ടിനെ പ്രതിരോധിക്കുന്നതിനും പിന്തിരിപ്പിക്കുന്നതിനും സമ്മിശ്ര കൃഷി ചെയ്യാം.
- ലേഡി ബഗ്, റേന്തച്ചിറകന്‍, സ്പൈന്‍ഡ് സോള്‍ജിയര്‍ എന്നിവ പോലെയുള്ള പ്രയോജനകരമായ പ്രാണികളുടെ പെരുപ്പത്തെ പ്രോത്സാഹിപ്പിക്കുക.
- ഇവയ്ക്കു ആതിഥ്യമേകാത്ത ചെടികളുമായി മാറ്റകൃഷി നടത്തുക.
- വിളവെടുപ്പിനു ശേഷം ഉഴുതു മറിക്കുകയും കൃഷിയിടത്തില്‍ നിന്ന് അവശിഷ്ടങ്ങള്‍ നീക്കം ചെയ്യുകയും ചെയ്യുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
