കാബേജ് ശലഭം

അതിന് എന്താണ് കാരണം

കാബേജ് ശലഭത്തിൻ്റെ (മാമെസ്‌ട്രാ ബ്രാസിക്കെ) പുഴുക്കളാണ് പ്രധാനമായും ലക്ഷണങ്ങൾക്ക് കാരണം. പൂർണ്ണ വളർച്ച എത്തിയ ലാർവകൾ മണ്ണിൽ പ്യൂപ്പ ഘട്ടത്തിൽ ശൈത്യകാലം അതിജീവിക്കുന്നു. മുതിർന്ന ശലഭങ്ങൾക്ക് തവിട്ടുനിറത്തിലുള്ള മുൻ ചിറകുകൾ ഉണ്ട്, അവയിൽ കുറുകെ തെളിഞ്ഞ ഭാഗങ്ങൾ ഇടവിട്ട് വരുന്നവിധം കറുപ്പുകലർന്ന-തവിട്ടുനിറത്തിലുള്ള ഉയര്‍ച്ചതാഴ്‌ചകളും കാണപ്പെടുന്നു. പിൻചിറകുകൾക്ക് ഇളം ചാരനിറമാണ്. പുറത്തുവന്ന് കുറച്ച് ആഴ്ചകൾക്ക് ശേഷം പെൺവർഗ്ഗം വെളുത്ത ഗോളാകൃതിയിലുള്ള മുട്ടകൾ കൂട്ടങ്ങളായി ഇലകളുടെ ഇരുപ്രതലത്തിലും നിക്ഷേപിക്കുന്നു. മുട്ടകൾ വിരിഞ്ഞതിന് ശേഷം, പുഴുക്കൾ ഇലകളിലെ കലകൾ ഭക്ഷിക്കാൻ തുടങ്ങുന്നു, ഇത് ഇലകളിലും ക്രമേണ കാബേജിൻ്റെ ഹെഡിലും ദ്വാരങ്ങൾ ഉണ്ടാക്കുന്നു. അവ മഞ്ഞകലർന്ന പച്ചനിറമോ അല്ലെങ്കിൽ തവിട്ടുകലർന്ന പച്ചനിറമോ ആയിരിക്കും, അവയുടെ ശരീരത്തിൽ വ്യക്തമായ രോമങ്ങൾ ഒന്നുമുണ്ടാകില്ല. കാബേജ് ശലഭം പ്രതിവർഷം രണ്ടു തലമുറകൾ സൃഷ്ടിക്കുന്നു. വസന്തകാലത്ത് വൈകി, ശലഭത്തിൻ്റെ ആദ്യ തലമുറ മണ്ണിൽ നിന്നും വിരിയുകയും, ബാധിക്കപ്പെട്ട ചെടികളിൽ പുഴുക്കളേയും കാണാവുന്നതുമാണ്. വേനൽകാലത്ത് വൈകി, രണ്ടാം തലമുറ പ്രത്യക്ഷപ്പെടുന്നു.