ഫലവൃക്ഷത്തിലെ പുറംതൊലിയിലെ വണ്ട്

അതിന് എന്താണ് കാരണം

ഫലവൃക്ഷങ്ങളിൽ കാണപ്പെടുന്ന ലക്ഷണങ്ങൾ സ്കോലൈറ്റസ് മലി എന്ന വണ്ട് മൂലമാണ്. ഈ പ്രാണികളുടെ ലാർവ സൈലോഫേഗസ് ആണ്, അതിനർത്ഥം അവ പുറംതൊലിയുടെ അടിയിലുള്ള കാതലിനു പുറത്തുള്ള ഭാഗം ഭക്ഷിക്കുന്നു. പൂർണ്ണ വളർച്ച എത്തിയവ തിളങ്ങുന്ന ഏറെക്കുറെ ചുവന്ന തവിട്ട് നിറവും, കറുത്ത തലയും, 2.5-4.5 മില്ലീമീറ്റർ നീളവും ഉള്ളതാണ്. പെൺവണ്ടുകൾ സാധാരണയായി ദുർബലമായ മരങ്ങളെ തിരഞ്ഞെടുക്കുന്നു, അവ പുറംതൊലിയിലൂടെ ഒരു ദ്വാരം ഉണ്ടാക്കുകയും കാതലിനു പുറത്തുള്ള ഭാഗത്തേക്ക് തുരങ്കം നിർമ്മിക്കുകയും ചെയ്യുന്നു. 10 സെന്റീമീറ്ററോളം നീളമുള്ള ഈ പ്രഥമ പാതയിൽ നീളത്തിൽ മുട്ടയിടുന്നു. വിരിഞ്ഞതിന് ശേഷം, ലാർവകൾ പുറംതൊലിക്ക് താഴെയായി ചെറുതും ഇടുങ്ങിയതുമായ പാതകൾ ഉണ്ടാകുന്നു, അവ ഉത്ഭവ തുരങ്കത്തിൽ നിന്ന് തുടങ്ങുന്നതും ഏകദേശം അതിന് ലംബമായതുമാണ്. വസന്തകാലത്ത്, അവിടെ ഒരു കൂട്ടിൽ ലാർവ പ്യൂപ്പ ആയി മാറുന്നു. സ്ഥിരമായ ഊഷ്മളമായ താപനിലയിൽ (18-20 °C), പൂർണ്ണ വളർച്ച എത്തിയ വണ്ടുകൾ വിരിയുകയും, പുറംതൊലിയിലൂടെ ഒരു തുരങ്കം ഉണ്ടാക്കുകയും പുതിയ ചക്രം ആരംഭിക്കുന്നതിന് അനുയോജ്യമായ മറ്റു മരങ്ങളിലേക്ക് പറക്കുകയും ചെയ്യുന്നു. രോഗബാധ ഒരു വൃക്ഷത്തിൻ്റെ ദുർബലതയുടെ അടയാളമാണ്, ഉദാഹരണത്തിന് ഫംഗസ് അണുബാധയോ അല്ലെങ്കിൽ അനുകൂലമല്ലാത്ത അവസ്ഥയിലുള്ള മണ്ണോ ആയിരിക്കാം അതിനുള്ള കാരണം.