കോഡ്ലിങ് ശലഭം

ലക്ഷണങ്ങൾ

ഫലങ്ങളിൽ ലാർവകൾ ആഹരിക്കുന്നതാണ് കേടുപാടുകൾക്ക് കാരണം. ആഴമില്ലാത്ത പ്രവേശന മാർഗ്ഗങ്ങൾ ഫലങ്ങളുടെ പുറംതൊലിയിൽ കാണാം, മാത്രമല്ല ഇവ ലാർവകൾ ചത്തതിനാലോ അല്ലെങ്കിൽ ഉപേക്ഷിച്ച് മറ്റൊരു സ്ഥലത്തേക്ക് നീങ്ങിയതിനാലോ ഉപേക്ഷിച്ച പ്രവേശന ദ്വാരങ്ങളുമായി യോജിക്കുകയും ചെയ്യുന്നു. വിജയകരമായ പ്രവേശനത്തിൻ്റെ കാര്യത്തിൽ, ലാർവകൾ ഫലത്തിന്‍റെ ഉൾക്കാമ്പിലേക്ക് തുളച്ചുകയറുകയും വിത്തുകൾ ആഹരിക്കുന്നതിനായി മധ്യഭാഗം വരെ എത്തുകയും ചെയ്യും. പ്രവേശന ദ്വാരങ്ങൾക്ക് ചുറ്റും ചുവന്ന വലയവും, ഫ്രാസ് എന്നറിയപ്പെടുന്ന ചുവപ്പ് കലർന്ന തവിട്ട് നിറമുള്ള ലാർവ വിസർജ്ജ്യങ്ങളും കാണപ്പെടുന്നു. ഫലങ്ങൾ മുറിക്കുമ്പോൾ, ചെറിയ വെളുത്ത പുഴുക്കളെ ചിലപ്പോൾ കാമ്പിനടുത്ത് കാണാം. കേടായ ഫലങ്ങൾ നേരത്തെ പാകമാവുകയും അവ പൊഴിയുകയും ചെയ്യുന്നു അല്ലെകിൽ അവ വിപണനയോഗ്യം ആയിരിക്കില്ല. നിയന്ത്രിക്കാതെ വിടുകയാണെങ്കിൽ, ഇനത്തേയും പ്രദേശത്തെയും ആശ്രയിച്ച് പലപ്പോഴും 20 മുതൽ 90% വരെ ഫലങ്ങളെ ബാധിച്ച് കാര്യമായ നാശമുണ്ടാക്കാൻ ഇവയ്ക്കു കഴിയും. സംഭരിച്ച ഫലങ്ങളിൽ ആഴത്തിലുള്ള പ്രവേശന മാർഗ്ഗങ്ങൾ ഒരു ഗുരുതരമായ പ്രശ്‌നമാണ്, കാരണം അവയിൽ ബാക്ടീരിയയും കുമിളും പെരുകി ചീഞ്ഞഴുകിപ്പോകും. വേഗത്തിൽ പാകമാകുന്ന ഇനങ്ങളെ അപേക്ഷിച്ച് വൈകി പാകമാകുന്ന ഇനങ്ങൾക്ക് കനത്ത നാശനഷ്ടമുണ്ടാകാൻ സാധ്യതയുണ്ട്.