നാരക വിളകൾ
നാരകവര്‍ഗ്ഗങ്ങളിലെ ചുവന്ന പുഴു
Panonychus citri
ചാഴി
ചുരുക്കത്തിൽ
- ഇലകളില്‍ ചാര നിറമോ വെള്ളി നിറമോ ഉള്ള വടുക്കള്‍ പ്രത്യക്ഷപ്പെടുന്നു.
- ആക്രമിക്കപ്പെട്ട കോശങ്ങള്‍ സാധാരണ വെള്ളിയോ ചെമ്പോ നിറമുള്ള രൂപമാകുന്നു.
- ഗുരുതരമായ ആക്രമണങ്ങള്‍ മൂപ്പെത്താതെയുള്ള ഇലകൊഴിയല്‍, തളിരുകള്‍ അഗ്രഭാഗം മുതല്‍ നശിച്ചു തുടങ്ങല്‍, കായകളുടെ ഗുണമേന്മ കുറവ്, മരങ്ങളുടെ ഓജസ് നഷ്ടപ്പെടല്‍ എന്നിവയിലേക്ക് നയിക്കുന്നു.
- ശരിയായ ജലസേചനം അനന്തര ഫലങ്ങളും കീടങ്ങള്‍ മൂലമുള്ള കേടുപാടുകളും കുറയ്ക്കും.
കണ്ടെത്താൻ കഴിയുന്ന മറ്റ് വിളകൾ
നാരക വിളകൾ
ലക്ഷണങ്ങൾ
മരത്തിന്റെ പുറം ഭാഗത്തെ ഇളം ഇലകളില്‍ കുത്തുകുത്തുകള്‍ എന്ന് അറിയപ്പെടുന്ന ചെറിയ ചാര നിറമോ വെള്ളി നിറമോ ഉള്ള വടുക്കള്‍ ആണ് ഈ കേടുപാടിന്റെ സവിശേഷത. ചില സന്ദര്‍ഭങ്ങളില്‍ കായകളിലും തളിരുകളിലും ബാധിച്ചേക്കാം. ഗുരുതരമായ രോഗബാധയില്‍ ഈ വടുക്കള്‍ ഇലകള്‍ക്കും ഫലങ്ങള്‍ക്കും വെള്ളി നിറമോ വെങ്കല നിറമോ നല്‍കുന്ന പുള്ളികളായി മാറുന്നു. ഇലയുടെ കോശങ്ങളുടെ കേടുപാടുകള്‍ പ്രകാശസംശ്ലേഷണത്തിനുപയോഗിക്കുന്ന ഭാഗങ്ങളെ കുറയ്ക്കുകയും ആക്രമിക്കപ്പെട്ട കോശങ്ങള്‍ ക്രമേണ ദ്രവിക്കുകയും ചെയ്യുന്നു. മൂപ്പെത്താതെ ഇലകൊഴിയല്‍, തളിരുകള്‍ അഗ്രഭാഗം മുതല്‍ നശിച്ചു തുടങ്ങല്‍, കായകളുടെ ഗുണമേന്മ കുറവ്, മരങ്ങളുടെ ഓജസ് നഷ്ടപ്പെടല്‍ എന്നിവ ഉറപ്പാണ്. ഇത് പ്രത്യേകിച്ചും പ്രതികൂല കാലാവസ്ഥകളില്‍ സംഭവിക്കും, ഉദാഹരണത്തിന് വരണ്ട, കാറ്റുള്ള കാലാവസ്ഥ. ഇതിനു വിരുദ്ധമായി ഒരു നല്ല ജലസേചനം അനന്തരഫലങ്ങളും കീടങ്ങള്‍ മൂലമുള്ള കേടുപാടുകളും കുറയ്ക്കും.
ശുപാർശകൾ
ജൈവ നിയന്ത്രണം
പാനോനിക്കാസ് സിട്രിയ്ക്ക് വളരെയധികം ഇരപിടിയന്‍മാരും മറ്റു സ്വാഭാവിക ശത്രുക്കളുമുണ്ട്, അവ തൃപ്തികരമാംവിധം ഇവയുടെ വ്യാപനം തടയുന്നു. ഇവയുടെ പെരുപ്പം കുറവാണെങ്കില്‍ നിരവധി പൈറ്റോസീഡ് പുഴുക്കള്‍ (ഉദാഹരണത്തിന് യൂസിയസ് സ്റ്റിപുലാറ്റസ്) അനേകം രാജ്യങ്ങളില്‍ നാരക വര്‍ഗ്ഗത്തിലെ ചുവന്ന പുഴുവിനെ നിയന്ത്രിക്കാന്‍ ഫലപ്രദമായി ഉയോഗിച്ചു വരുന്നുണ്ട്. സ്റ്റെതോറസ് ജനുസിലെ ചില ഇനം ലേഡിബേര്‍ഡ് ഈ കീടത്തെ അത്യാവേശത്തോടെ ഭക്ഷിക്കാറുണ്ട്. കുമിളുകള്‍, പ്രത്യേകിച്ചും വൈറസുകള്‍ കൃഷിയിടങ്ങളിലെ പാനോനിക്കാസ് സിട്രിയുടെ പെരുപ്പം നിയന്ത്രിക്കുന്നതില്‍ ഒരു പ്രധാന പങ്കു വഹിക്കുന്നുണ്ട്, അവ താപനിലയാല്‍ സ്വാധീനിക്കപ്പെട്ടേക്കാം.
രാസ നിയന്ത്രണം
ലഭ്യമെങ്കില്‍ ജൈവശാസ്ത്ര ചികിത്സകളെ പ്രതിരോധ മാര്‍ഗ്ഗങ്ങളുമായി ഏകീകരിച്ച ഒരു സമീപനം എപ്പോഴും പരിഗണിക്കുക. തിരഞ്ഞെടുത്ത കീടനാശിനികള്‍ ശുപാര്‍ശ ചെയ്യുന്നു, കാരണം വളരെയധികം കീടങ്ങളെ നശിപ്പിക്കാന്‍ കഴിവുള്ള കീടനാശിനികള്‍ സാഹചര്യം കൂടുതല്‍ വഷളാക്കും. ഉദാഹരണത്തിന്, സിന്തറ്റിക് പൈറത്രോയ്ഡ് ഈ പുഴുക്കളുടെ പ്രജനനം പ്രോത്സാഹിപ്പിക്കും. നിരവധി ഇനം അക്കാരസൈഡ്സ് പ്രതിരോധ ശക്തിയുടെ വളര്‍ച്ച ഒഴിവാക്കുന്നു.
അതിന് എന്താണ് കാരണം
നാരകവര്‍ഗ്ഗങ്ങളിലെ ചുവന്ന പുഴു പാനോനിക്കാസ് സിട്രിയുടെ മുതിര്‍ന്നവയുടെയും പുഴുക്കളുടെയും തീറ്റ മൂലമാണ് കേടുപാടുകള്‍ ഉണ്ടാകുന്നത്. ഇവ പിയര്‍ പഴത്തിന്റെ ആകൃതിയില്‍ ചെങ്കല്ലിന്റെ ചുവപ്പ് നിറത്തില്‍ ശരീരവും പുറകിലെ മുത്തുപോലെയുള്ള സ്ഥാനങ്ങളില്‍ നിന്നും പുറത്തേക്ക് ഉന്തിനില്‍ക്കുന്ന ശക്തിയുള്ള വെളുത്ത രോമങ്ങളും ഉള്ളവയാണ്. നാരക മരങ്ങളെയും പപ്പായ, മരിച്ചീനി, മുന്തിരി എന്നിങ്ങനെ മറ്റു ചെടികളെയുംചിലപ്പോഴൊക്കെ ഇവ ആക്രമിക്കും. ഇവയെ ഇലകളുടെ ഇരു വശത്തും കാണാമെങ്കിലും തീറ്റയ്ക്കായി കൂടുതലും ഇലയുടെ മുകള്‍ ഭാഗത്താണ് കാണുന്നത്. പട്ടു നൂലുകളുടെ ഉത്പാദനത്തിനു നന്ദി, അത് കാറ്റിലൂടെ വേഗം മറ്റു മരങ്ങളിലേക്ക് കൈമാറ്റം ചെയ്യും. കീടങ്ങളും പക്ഷികളും വ്യാപനത്തിനുള്ള മറ്റു മാര്‍ഗ്ഗങ്ങളാണ്. മരങ്ങള്‍ക്ക് മതിയായ രീതിയില്‍ വെള്ളം ലഭിക്കുന്ന ഒരു നല്ല ജലസേചന പദ്ധതി അനന്തര ഫലങ്ങളെയും കീടങ്ങള്‍ ഉണ്ടാക്കുന്ന കേടുപാടുകളെയും കര്‍ക്കശമായി കുറയ്ക്കും. ഇതിനു വിപരീതമായി കുറഞ്ഞതും കൂടിയതുമായ ആര്‍ദ്രത, ഉയര്‍ന്ന കാറ്റ്, വരള്‍ച്ച അല്ലെങ്കില്‍ ശരിയായി വികസിക്കാത്ത വേര് പടലങ്ങള്‍ എന്നിവ ഈ സാഹചര്യത്തെ വഷളാക്കിത്തീര്‍ക്കും. നാരകവര്‍ഗ്ഗങ്ങളിലെ ചുവന്ന പുഴുക്കള്‍ക്ക്‌ ഏറ്റവും അനുകൂലമായ സാഹചര്യങ്ങള്‍ 25 °C താപനിലയും 50-70% ആര്‍ദ്രതയുമാണ്.
പ്രതിരോധ നടപടികൾ
- പുഴുക്കളുടെ എണ്ണം നിര്‍ണ്ണയിക്കുന്നതിന് ഒരു ലെന്‍സ്‌ ഉപയോഗിച്ച് പതിവായി തോട്ടങ്ങള്‍ നിരീക്ഷിക്കുക.
- കീടനാശിനികളുടെ അധിക ഉപയോഗം ഒഴിവാക്കുക, കാരണം ഇത് മിത്രകീടങ്ങളുടെ പെരുപ്പത്തെ വിപരീതമായി ബാധിക്കും.
- വരള്‍ച്ച മൂലമുള്ള ഞെരുക്കം ഒഴിവാക്കാന്‍ മരങ്ങള്‍ക്ക് ശരിയാംവണ്ണം ജലസേചനം നല്‍കണം.
- ശിഖരങ്ങള്‍ക്ക് താഴെയുള്ള പുല്ലുമായും കളകളുമായും സമ്പര്‍ക്കമുണ്ടാകുന്നത് ഒഴിവാക്കണം.
- തോട്ടത്തില്‍ നിന്ന് മാലിന്യങ്ങളും അവശിഷ്ടങ്ങളും നീക്കം ചെയ്ത് വൃത്തിയായി സൂക്ഷിക്കണം.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
