പുകയിലച്ചെടി
വൈൽഡ്ഫയർ രോഗം
Pseudomonas syringae pv. tabaci
ബാക്ടീരിയ
ചുരുക്കത്തിൽ
- പ്രധാനമായും ഇലകളിൽ തവിട്ട് നിറത്തിലുള്ള ഉണങ്ങിയ പാടുകൾ.
- പാടുകൾ സാധാരണ ഒരു മഞ്ഞ വലയത്താൽ ചുറ്റപ്പെട്ടിരിക്കുന്നു.
- രോഗം ബാധിക്കപ്പെട്ട ഇലകൾ വാടിപ്പോകുകയും മഞ്ഞനിറമാവുകയും കൊഴിയുകയും ചെയ്യുന്നു.
- മന്ദഗതിയിലുള്ള വളർച്ച അല്ലെങ്കിൽ വളർച്ച മുരടിപ്പ്.
കണ്ടെത്താൻ കഴിയുന്ന മറ്റ് വിളകൾ
പുകയിലച്ചെടി
ലക്ഷണങ്ങൾ
രോഗലക്ഷണങ്ങൾ ദ്രുതഗതിയില്‍ വികസിച്ചേക്കാം. പാടുകൾ പ്രധാനമായും ഇലകളിൽ കാണപ്പെടുന്നു, എന്നാൽ കാണ്ഡം, പൂക്കൾ, പുകയില കായകൾ എന്നിവയിലും ഉണ്ടാകാം. പാടുകൾ സാധാരണയായി ഒരു മഞ്ഞ വലയത്താൽ ചുറ്റപ്പെട്ടിരിക്കുന്നു. പാടുകൾ ചെറിയ, ഇളം-പച്ച വൃത്താകൃതിയിലുള്ള ഭാഗമായി ആരംഭിക്കുന്നു, കോശങ്ങൾ നശിക്കുന്നതിലൂടെ മധ്യഭാഗത്ത് ഇത് തവിട്ടുനിറമാകും. പാടുകൾ കൂടിച്ചേർന്നേക്കാം. ഗുരുതരമായ സാഹചര്യങ്ങളിൽ, ഇലകളുടെ കേടായ ഭാഗങ്ങൾ അടര്‍ന്നു വീണ് ഇലയുടെ സിരകൾ മാത്രം അവശേഷിക്കുന്നു. നഴ്സറിയിലെ തൈകൾ ഉൾപ്പെടെ വളർച്ചയുടെ ഏത് ഘട്ടത്തിലും വൈൽഡ്ഫയർ രോഗം വിളയെ ബാധിക്കും.
ശുപാർശകൾ
ജൈവ നിയന്ത്രണം
വൈൽഡ്ഫയർ രോഗം നിയന്ത്രിക്കുന്നതിനുള്ള ഇതര ഓപ്ഷനുകൾ പ്രതിരോധ നടപടികളും, മികച്ച വിളപരിപാലന നടപടികളുമാണ്.
രാസ നിയന്ത്രണം
രോഗകാരിയെ നിയന്ത്രിക്കുന്നതിൽ ചെടികളുടെ വളർച്ചയുടെ പ്രാരംഭ ഘട്ടത്തിൽ ബോർഡോ മിശ്രിതം പോലെ ചെമ്പ് അടിസ്ഥാനമാക്കിയുള്ള രാസവസ്തുക്കൾ പ്രയോഗിക്കുന്നത് ഉൾപ്പെടാം. കാർഷിക ഉപയോഗം അംഗീകരിച്ചിട്ടുള്ള പ്രദേശങ്ങളിൽ, ആൻ്റിബയോട്ടിക് സ്ട്രെപ്റ്റോമൈസിൻ ഒരു ബദലായി കണക്കാക്കാം. എന്നിരുന്നാലും, സ്ട്രെപ്റ്റോമൈസിൻ്റെ ഫലപ്രാപ്തി പിന്നീട് കുറഞ്ഞേക്കും, കാരണം ബാക്ടീരിയയ്ക്ക് അതിനോടുള്ള പ്രതിരോധം അതിവേഗം വികസിപ്പിക്കാൻ കഴിയും. കീടനാശിനികൾ അല്ലെങ്കിൽ ഏതെങ്കിലും രാസവസ്തുക്കൾ ഉപയോഗിക്കുമ്പോൾ, സംരക്ഷണം നല്‍കുന്ന വസ്ത്രങ്ങൾ ധരിക്കുന്നതും ലേബൽ നിർദ്ദേശങ്ങൾ ശ്രദ്ധാപൂർവ്വം വായിക്കുന്നതും പ്രധാനമാണ്. രാജ്യത്തിനനുസരിച്ച് നിയന്ത്രണങ്ങൾ വ്യത്യാസപ്പെടുന്നു, അതിനാൽ നിങ്ങളുടെ പ്രദേശത്തെ നിർദ്ദിഷ്ട മാർഗ്ഗനിർദ്ദേശങ്ങൾ നിര്‍ബന്ധമായും പാലിക്കുക. ഇത് സുരക്ഷ ഉറപ്പുനൽകുകയും വിജയകരമായ പ്രയോഗത്തിന്റെ സാധ്യത വർദ്ധിപ്പിക്കുകയും ചെയ്യുന്നു.
അതിന് എന്താണ് കാരണം
രോഗത്തിന് കാരണമാകുന്ന ബാക്ടീരിയ ചൂടുള്ളതും ഈർപ്പമുള്ളതുമായ അവസ്ഥയിൽ വളരുന്നു, പലപ്പോഴും മഴക്കുശേഷം വ്യാപിക്കുന്നു. രോഗം എങ്ങനെ, എവിടേക്ക് നീങ്ങുന്നു എന്നതിൽ കാറ്റിന് വലിയ പങ്കുണ്ട്. സ്പ്രിംഗളറുകൾ ഉപയോഗിച്ച് ചെടികൾ നനയ്ക്കുന്നതും സമാനമായ രീതിയിൽ ബാക്ടീരിയയെ വ്യാപിപ്പിക്കും. സ്വാഭാവിക സുഷിരങ്ങളിലൂടെയോ പ്രാണികൾ ഉണ്ടാക്കുന്ന മുറിവുകളിലൂടെയോ ബാക്ടീരിയയ്ക്ക് പുകയില ചെടികളിൽ പ്രവേശിക്കാം. ഒരിക്കല്‍ ഉള്ളില്‍ കടന്നാൽ, ബാക്ടീരിയ വളരുകയും ചെടിക്കുള്ളിൽ വ്യാപിക്കുകയും ചെയ്യുന്നു. ചെടി ചീഞ്ഞഴുകിപ്പോകാൻ തുടങ്ങുമ്പോൾ, ബാക്ടീരിയം പരിസ്ഥിതിയിലേക്ക് തിരികെ കടക്കുന്നു, അവിടെ അത് മറ്റ് സസ്യങ്ങളെ ബാധിക്കുകയോ രണ്ട് വർഷം വരെ മണ്ണിൽ നിലനില്‍ക്കുകയോ ചെയ്യും. രോഗബാധിതമായ സസ്യാവശിഷ്ടങ്ങൾ, മണ്ണ്, അല്ലെങ്കിൽ കാർഷിക ഉപകരണങ്ങൾ എന്നിവയിലൂടെ ബാക്ടീരിയയ്ക്ക് പുതിയ പ്രദേശങ്ങളിലേക്ക് നീങ്ങാൻ കഴിയും.
പ്രതിരോധ നടപടികൾ
- തുടക്കത്തിൽ തന്നെ ബാക്ടീരിയ ബാധിക്കാനുള്ള സാധ്യത കുറയ്ക്കുന്നതിന് ആരോഗ്യമുള്ള തൈകൾ ഉപയോഗിച്ച് കൃഷി ചെയ്യുക.
- കൃഷിയിടം വൃത്തിയായി സൂക്ഷിക്കുക, ബാക്ടീരിയ മറഞ്ഞിരിക്കാൻ സാധ്യതയുള്ള വിള അവശിഷ്ടങ്ങൾ ഒഴിവാക്കുക.
- ഉയർന്ന ഈർപ്പം രോഗത്തിന് അനുകൂലമായതിനാൽ വിളകള്‍ അമിതമായി നനയ്ക്കുന്നത് ഒഴിവാക്കുക.
- പ്രാണികൾ ഉണ്ടാക്കുന്ന മുറിവുകളിലൂടെ ബാക്ടീരിയ പടരാനുള്ള സാധ്യത കുറയ്ക്കുന്നതിന് പ്രാണികളുടെ പെരുപ്പം നിയന്ത്രിക്കുക.
- രോഗലക്ഷണങ്ങള്‍ക്കായി നിങ്ങളുടെ വിളകൾ ഇടയ്ക്കിടെ പരിശോധിക്കുക, പ്രത്യേകിച്ച് മഴയ്ക്ക് ശേഷം.
- ആരോഗ്യമുള്ള ചെടികളിലേക്ക് ബാക്ടീരിയ പടരുന്നത് തടയാൻ രോഗബാധിതമായ ഏതെങ്കിലും സസ്യ വസ്തുക്കൾ ഉണ്ടെങ്കിൽ അവ നീക്കം ചെയ്യുകയും നശിപ്പിക്കുകയും ചെയ്യുക.
- മണ്ണിൽ ബാക്ടീരിയ അടിഞ്ഞുകൂടുന്നത് തടയാൻ വിള പരിക്രമം നടത്തുക.
- രോഗം പൊട്ടിപ്പുറപ്പെട്ടതിന് ശേഷം ഏറ്റവും കുറഞ്ഞത് രണ്ട് വര്‍ഷം എങ്കിലും അതേ കൃഷിയിടത്തിൽ പുകയില നടരുത്.
- ഇത് ബാക്ടീരിയം മണ്ണിൽ നിലനിൽക്കുന്നില്ലെന്ന് ഉറപ്പാക്കാൻ സഹായിക്കും.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
