തക്കാളിയിലെ ബാക്ടീരിയ മൂലമുള്ള പുള്ളികളും പാടുകളും

ലക്ഷണങ്ങൾ

ഈ ബാക്റ്റീരിയകൾ തക്കാളിച്ചെടിയുടെ ഇലകളും, തണ്ടുകളും, ഫലങ്ങളും ആക്രമിക്കും. സാധാരണയായി വികൃതമായും ചുരുണ്ടും കാണപ്പെടുന്ന ഇളം ഇലകളില്‍ കാണപ്പെടുന്ന ചെറിയ, മഞ്ഞ കലർന്ന പച്ച നിറത്തിലുള്ള ക്ഷതങ്ങളാണ് ബാക്ടീരിയ മൂലമുള്ള പുള്ളികളുടെ ആദ്യലക്ഷണങ്ങൾ. ബാക്ടീരിയ മൂലമുള്ള പാടുകള്‍ മൂലം ഇടുങ്ങിയ മഞ്ഞ വലയങ്ങളോട് കൂടിയ കറുത്ത പൊട്ടുകളാണ് കാണപ്പെടുന്നത്. അവ സാധാരണ ഇലയുടെ അരികുകളിലും അഗ്രഭാഗത്തും എണ്ണത്തില്‍ കൂടുതലും വികൃതവും ചുരുണ്ടവയും ആയിരിക്കും. ഗുരുതരമാകുന്ന സാഹചര്യത്തില്‍ ബാക്ടീരിയ മൂലമുള്ള പാടുകള്‍ ഒരുമിച്ചു ചേരുകയോ അതിയായി വ്യാപിക്കുകയോ ചെയ്തേക്കാം, തത്ഫലമായി വലുതും ക്രമരഹിതവുമായ വടുക്കള്‍ ഉണ്ടാകാം. ബാക്ടീരിയ മൂലമുള്ള പുള്ളികള്‍ 0.25 മുതൽ 0.5 സെന്റിമീറ്റർ വരെ വീതിയിൽ ദ്രുതഗതിയില്‍ വളർന്ന് തവിട്ട് മുതൽ തവിട്ടു കലര്‍ന്ന ചുവപ്പ് വരെ നിറങ്ങളിലേക്ക് മാറുകയും ചെയ്യുന്നു, ക്രമേണ ഇവയുടെ മധ്യഭാഗം ഉണങ്ങി അടര്‍ന്നുപോകവേ , വെടിയുണ്ടയേറ്റത് പോലെ കാണപ്പെടും. ബാക്ടീരിയ മൂലമുള്ള പുള്ളികള്‍ കായകളിലും ഇലകളിലെ പോലെയുള്ള വടുക്കള്‍ ഉത്പാദിപ്പിക്കും, ക്രമേണ പരുപരുത്ത്, തവിട്ടു നിറവും ശല്ക്കം പോലെയുമായി മാറും. അതേ സമയം ബാക്ടീരിയ മൂലമുള്ള പാടുകളില്‍ ചെറിയ, ചെറുതായി ഉയര്‍ന്ന കറുത്ത വടുക്കളാണ് ഉണ്ടാകുന്നത്. പ്രത്യേകിച്ചും പ്രാരംഭ ഘട്ടത്തില്‍ ഈ രണ്ടു രോഗങ്ങളും തമ്മില്‍ തിരിച്ചറിയാന്‍ ബുദ്ധിമുട്ടാണ്.