ചോളത്തിലെ മുരടിപ്പ്

ലക്ഷണങ്ങൾ

ഇലകൾ വാടുന്നതും അവയുടെ അരികുകൾ മഞ്ഞനിറമാകുന്നതുമാണ് സാധാരണയായി എസ്‌. കുൻകെലൈയുടെ ബാധിപ്പിൻ്റെ ആദ്യം പ്രകടമാകുന്ന ലക്ഷണം. ഇതിനെത്തുടർന്ന് മുതിർന്ന ഇലകളിൽ ചുവപ്പുനിറമാകുന്നു, ഇത് അഗ്രഭാഗത്തുനിന്നും ആരംഭിച്ച് പിന്നീട് ബാക്കിയുള്ള കലകളിലേക്കും വ്യാപിക്കുന്നു. ഈ ലക്ഷണങ്ങൾ പ്രത്യക്ഷപ്പെട്ട് 2-4 ദിവസങ്ങൾക്ക് ശേഷം, ചെറിയ ഹരിതവർണ്ണ നാശം സംഭവിച്ച പുള്ളിക്കുത്തുകൾ വികസിച്ചുകൊണ്ടിരിക്കുന്ന ഇളം ഇലകളുടെ ചുവട്ടിൽ പ്രത്യക്ഷപ്പെടുന്നു. ഇവ വളരുന്നതിനനുസരിച്ച് ഈ പുള്ളിക്കുത്തുകൾ കൂടിച്ചേർന്ന് പലപ്പോഴും അഗ്രഭാഗം വരെ നീളുന്ന വരകളായി സിരകൾക്ക് നീളെ വ്യാപിക്കുന്നു. വളർച്ചയുടെ ആദ്യ ഘട്ടങ്ങളിൽ ബാധിക്കപ്പെടുന്ന ചെടികളുടെ വളർച്ച വളരെ ചെറിയ ഇടമുട്ടുകളോടും വളഞ്ഞ് വിരൂപമായ ഇലകളോടും കൂടി സാരമായി മുരടിക്കുന്നു. അനേകം ചോളക്കതിർ തണ്ടുകൾ കൂടാതെ ചിലപ്പോൾ ഒരുചെടിയിൽ 6-7 വരെ പുതിയ നാമ്പുകളും വികസിച്ചേക്കാം, ഇത് ചെടിക്ക് ഒരു ഇടത്തൂർന്ന രൂപം നൽകുന്നു. ചോളക്കതിരുകൾ സാധരണഗതിയിൽ നിന്നും ചെറുതും, പലപ്പോഴും ഇടവിട്ടുള്ള ധാന്യങ്ങളോട് കൂടി ശരിയായി രൂപപ്പെടാത്തവയും ആയിരിക്കും.