ബാക്ടീരിയ മൂലമുള്ള നെല്‍ക്കതിര്‍ വാട്ടം

ലക്ഷണങ്ങൾ

കൃഷിയിടത്തില്‍ ഇവ വൃത്താകൃതിയിലാണ് വികസിക്കുന്നത്. നെന്മണി നിറയുന്ന സമയത്ത് കതിർക്കുലകളുടെ ചെറിയ കൂട്ടങ്ങള്‍ ശരിയായി വികസിക്കാതിരിക്കുകയും അവ നെന്മണികളുടെ ഭാരം മൂലം താഴേയ്ക്ക് വളയേണ്ടത്തിനു പകരം മുകളിലേക്ക് തന്നെ നിവര്‍ന്നു നിൽക്കുകയും ചെയ്യുന്നു. രോഗം ബാധിച്ച നെന്മണികള്‍ പൂങ്കുലയില്‍ ക്രമമില്ലാതെ വ്യാപിക്കുന്നു. രോഗബാധയേറ്റ കതിരുകൾക്ക് താഴെയുള്ള തണ്ട് പച്ച നിറമായിരിക്കും. പൂവിടുമ്പോഴാണ് വികസിച്ചു വരുന്ന നെന്മണികളെ ബാക്ടീരിയ ബാധിക്കുന്നത്, നെല്ല് പതിരായി മാറുന്നതിനോ പരാഗണത്തിന് ശേഷം നെന്മണി നിറയുന്ന സമയത്ത് അഴുകുന്നതിനോ ഇത് കാരണമാകുന്നു. നെന്മണികളുടെ പുറംതോടില്‍, താഴെ നിന്ന് മൂന്നിലൊന്നു ഭാഗം മുതല്‍ പകുതി വരെ ഇളം തവിട്ടു നിറമോ ഇടത്തരം തവിട്ടു നിറമോ ഉള്ള നിറംമാറ്റം കാണപ്പെടുന്നു. മറ്റു ബാക്ടീരിയ അല്ലെങ്കില്‍ കുമിളുകൾ ഈ പുറം തോടിനെ ബാധിച്ചാൽ നെന്മണികള്‍ പിന്നീട് ചാര നിറമോ കറുപ്പ് നിറമോ പിങ്ക് നിറമോ ആയി മാറുന്നു.