ആംഗുലാര്‍ ഇലപ്പുള്ളി രോഗം

ലക്ഷണങ്ങൾ

തുടക്കത്തിൽ ഇലകളില്‍ ചെറിയ, വൃത്താകൃതിയിലുള്ള പുള്ളികള്‍ പ്രത്യക്ഷപ്പെടുന്നു. ഈ പുള്ളികൾ പിന്നീട് വലിയ കോണാകൃതിയിലുള്ള വെള്ളത്തില്‍ കുതിര്‍ന്ന ഭാഗങ്ങളായി മാറുന്നു. ഈര്‍പ്പമുള്ള കാലാവസ്ഥയില്‍, ഇലകളുടെ അടിവശത്ത് ബാക്ടീരിയയുടെ സ്രവങ്ങള്‍ തുള്ളികളായി പുള്ളികളില്‍ നിന്ന് ഒലിച്ചിറങ്ങുന്നു. വരണ്ട കാലാവസ്ഥയിൽ ഈ തുള്ളികളിലെ ജലാംശം നഷ്ടപ്പെട്ട് വെളുത്ത നിറമുള്ള ദൃഢമായ ഭാഗങ്ങൾ രൂപപ്പെടുന്നു. പിന്നീട്, ബാധിക്കപ്പെട്ട ഭാഗങ്ങൾ നിർജീവമായി, ചാര നിറത്തിൽ ചുരുങ്ങി, പലപ്പോഴും ആരോഗ്യമുള്ള ഇലകളില്‍ നിന്ന് കൊഴിഞ്ഞു വീഴുന്നു. ഈ ക്ഷതങ്ങളിൽ പൊതുവേ മഞ്ഞ നിറത്തിലുള്ള അരികുകൾ കാണാം. വലിയ ക്രമരഹിതമായ ദ്വാരങ്ങള്‍ ഇലകള്‍ക്ക് കീറിപ്പറിഞ്ഞ രൂപം നല്‍കുന്നു. പ്രതിരോധശേഷിയുള്ള ചില ഇനങ്ങളില്‍, ക്ഷതങ്ങൾ ചെറുതും മഞ്ഞ അതിരുകള്‍ ഇല്ലാത്തതുമായിരിക്കും. ബാധിക്കപ്പെട്ട ഫലങ്ങളില്‍ ചെറിയ, ഏകദേശം വൃത്താകൃതിയിലുള്ള പുള്ളികള്‍ ഉപരിതലത്തിൽ കാണപ്പെടും. ബാധിക്കപ്പെട്ട കലകൾ നശിക്കുമ്പോള്‍, അവ വെള്ള നിറമായി മാറി, വിണ്ടുകീറി, അവസരം കാത്തിരിക്കുന്ന കുമിളുകളും ബാക്ടീരിയകളും പെരുകി ഫലം മുഴുവനായും അഴുകുന്നതിന് കാരണമാകുന്നു. ഇളം ഫലങ്ങളെ രോഗം ബാധിക്കുന്നത് ഫലങ്ങള്‍ കൊഴിഞ്ഞു വീഴുന്നത് വര്‍ദ്ധിക്കാന്‍ കാരണമാകുന്നു.