കാപ്സിക്കവും മുളകും
മുളകിലെ ബാക്ടീരിയ മൂലമുള്ള പുള്ളിക്കുത്തുകള്‍
Xanthomonas sp.
ബാക്ടീരിയ
ചുരുക്കത്തിൽ
- ഇളം ഇലകളിൽ ചെറിയ, മഞ്ഞ കലര്‍ന്ന-പച്ച നിറമുള്ള ക്ഷതങ്ങൾ പ്രത്യക്ഷപ്പെടുന്നു.
- മൂത്ത ഇലവിതാനങ്ങളിൽ മഞ്ഞ വലയങ്ങളോടെ ഇരുണ്ട, വെള്ളത്തിൽ കുതിർന്ന ക്ഷതങ്ങൾ.
- ഇലകള്‍ വികൃതരൂപമായി ചുരുളുന്നു.
- ഫലങ്ങളിലെ വെള്ളത്തിൽ കുതിർന്ന ഭാഗങ്ങൾ പരുപരുത്ത തവിട്ടുനിറമുള്ള പൊറ്റയായി മാറുന്നു.
കണ്ടെത്താൻ കഴിയുന്ന മറ്റ് വിളകൾ
കാപ്സിക്കവും മുളകും
ലക്ഷണങ്ങൾ
ഇളം ഇലകളിൽ സാധാരണയായി വിരൂപമായും ചുരുണ്ടും പ്രത്യക്ഷപ്പെടുന്ന മഞ്ഞ കലര്‍ന്ന പച്ച നിറമുള്ള ചെറിയ ക്ഷതങ്ങളാണ് ആദ്യ ലക്ഷണങ്ങള്‍. മുതിര്‍ന്ന ഇലവിതാനങ്ങളിൽ, ക്ഷതങ്ങൾ കൂടുതല്‍ മുനയുള്ളതും ഇരുണ്ട പച്ച നിറത്തോടെ കാഴ്ചയില്‍ വഴുവഴുപ്പോടെ, പലപ്പോഴും മഞ്ഞ വലയത്താല്‍ ചുറ്റപ്പെട്ടിരിക്കുന്നതുമായിരിക്കും. അവ ഇലകളുടെ അരികിലും അഗ്രഭാഗത്തുമായിരിക്കും പലപ്പോഴും കൂടുതൽ. മധ്യഭാഗം ഉണങ്ങി ജീര്‍ണ്ണിച്ച് പോകുന്നതിനാല്‍, ക്രമേണ പുള്ളിക്കുത്തുകള്‍ വെടിയുണ്ടയേറ്റ ദ്വാരം പോലെ കാണപ്പെടും. ഫലങ്ങളിലെ പുള്ളിക്കുത്തുകള്‍ (0.5 സെന്റിമീറ്റർ വരെ) വിളറിയ പച്ച നിറത്തില്‍ തുടങ്ങി വെള്ളത്തിൽ കുതിർന്ന ഭാഗങ്ങളായി, ക്രമേണ പരുപരുത്ത തവിട്ടുനിറമുള്ള പൊറ്റയായി മാറുന്നു.
ശുപാർശകൾ
ജൈവ നിയന്ത്രണം
പരിചരിക്കാൻ വളരെ പ്രയാസമുള്ളതും ചിലവേറിയതുമാണ് ബാക്ടീരിയ മൂലമുള്ള പുള്ളിക്കുത്തുകള്‍. കാർഷിക സീസണിൻ്റെ തുടക്കത്തിലാണ്‌ രോഗം ബാധിക്കുന്നതെങ്കില്‍,മുഴുവന്‍ വിളയും നശിപ്പിക്കുന്നത് പരിഗണിക്കുക. കോപ്പര്‍ അടങ്ങിയ ബാക്ടീരിയനാശിനികള്‍ ഇലപ്പടർപ്പുകൾക്കും ഫലങ്ങള്‍ക്കും പരിരക്ഷ നല്‍കുന്നു. നിയതമായി ബാക്ടീരിയയെ നശിപ്പിക്കുന്ന ബാക്ടീരിയല്‍ വൈറസുകള്‍ (ബാക്ടീരിയോഫാഗേസ്) ലഭ്യമാണ്. വിത്തുകള്‍ 1.3% സോഡിയം ഹൈപ്പോക്ലോറൈറ്റില്‍ ഒരു മിനിറ്റോ അല്ലെങ്കിൽ ചൂട് വെള്ളത്തില്‍ (50°C) 25 മിനിറ്റോ മുക്കിവയ്ക്കുക.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. കോപ്പര്‍ അടങ്ങിയ ബാക്ടീരിയനാശിനികള്‍ പ്രതിരോധമായി ഉപയോഗിക്കാം, അവ ഭാഗികമായ രോഗനിയന്ത്രണം നൽകും. രോഗത്തിൻ്റെ ആദ്യലക്ഷണം കാണുമ്പോള്‍ പ്രയോഗിച്ച്, പിന്നീട് ഊഷ്മളവും ഈര്‍പ്പമുള്ളതുമായ അവസ്ഥകള്‍ പ്രബലമാകുമ്പോള്‍ 10- മുതല്‍ 14 ദിവസ ഇടവേളകളില്‍ പ്രയോഗിക്കണം. സജീവ ചേരുവയായ കോപ്പറും മന്‍കൊസേബും മികച്ച സംരക്ഷണം നല്‍കും.
അതിന് എന്താണ് കാരണം
ബാക്ടീരിയ മൂലമുള്ള പുള്ളിക്കുത്ത് ലോകവ്യാപകമായി കാണപ്പെടുന്ന, ഊഷ്മളവും ഈര്‍പ്പവുമുള്ള ചുറ്റുപാടുകളില്‍ വളരുന്ന മുളകുകളിലും തക്കാളിയിലും ഉണ്ടാകുന്ന ഏറ്റവും വിനാശകാരിയായ രോഗങ്ങളില്‍ ഒന്നാണ്. ഈ രോഗം ചില പ്രത്യേക പാഴ്ചെടികളിലൂടെ എന്നതുപോലെ തന്നെ വിത്തിലൂടെ ബാഹ്യമായും ആന്തരികമായും അതിജീവിച്ച് പിന്നീട് മഴയിലൂടെയും ചെടികൾക്ക് മുകളിലൂടെയുള്ള ജലസേചനത്തിലൂടെയും വ്യാപിക്കുന്നു. അവ ഇലകളിലെ സുഷിരങ്ങളിലൂടെയും മുറിവുകളിലൂടെയും ചെടിയില്‍ പ്രവേശിക്കുന്നു. അനുകൂലമായ കാലാവസ്ഥ 25 മുതല്‍ 30°C വരെയാണ്. വിളയില്‍ ഒരിക്കല്‍ അണുബാധയുണ്ടായാല്‍, രോഗം നിയന്ത്രിക്കാന്‍ വളരെ പ്രയാസമേറിയതാണ്, മാത്രമല്ല ഇത് പൂര്‍ണ്ണ വിളനാശത്തിലേക്ക് നയിച്ചേക്കാം.
പ്രതിരോധ നടപടികൾ
- സാക്ഷ്യപ്പെടുത്തിയ രോഗവിമുക്തമായ വിത്തുകള്‍ നടുക.
- താങ്കളുടെ പ്രദേശത്ത് ലഭ്യമെങ്കില്‍ പ്രതിരോധ ശേഷിയുള്ള ഇനങ്ങള്‍ ഉപയോഗിക്കുക.
- രോഗലക്ഷണങ്ങൾക്കായി കൃഷിയിടം പതിവായി നിരീക്ഷിക്കുക.
- ഇലപ്പുള്ളികളുള്ള ചെടികൾ അല്ലെങ്കിൽ തൈച്ചെടികൾ സമീപമുള്ള ചെടികളോടൊപ്പം നീക്കം ചെയ്‌ത്‌ കത്തിക്കുക.
- കൃഷിയിടത്തിലും അതിനുചുറ്റുമുള്ള കളകൾ നീക്കം ചെയ്യുക.
- മണ്ണില്‍ നിന്നും ചെടിയിലേക്ക് അണുബാധ ഉണ്ടാകുന്നത് ഒഴിവാക്കാന്‍, ചെടിയ്ക്ക്‌ ചുറ്റും പുതയിടുക.
- വ്യത്യസ്ത കൃഷിയിടങ്ങളിൽ പണിയെടുക്കുമ്പോൾ, ഉപയോഗത്തിനുശേഷം ആയുധങ്ങളും ഉപകരണങ്ങളും വൃത്തിയാക്കുക.
- ചെടികൾക്ക് മുകളിലൂടെയുള്ള ജലസേചനം ഒഴിവാക്കുക, മാത്രമല്ല ഇലവിതാനങ്ങളിൽ നനവുള്ളപ്പോള്‍ കൃഷിയിടത്തില്‍ പണിയെടുക്കുന്നത് ഒഴിവാക്കുക.
- വിളവെടുപ്പിനു ശേഷം ചെടിയുടെ അവശിഷ്ടങ്ങള്‍ ആഴത്തില്‍ ഉഴുതുമറിച്ചു മണ്ണിനടിയിലാക്കുക.
- മറ്റൊരുവിധത്തിൽ, നീക്കം ചെയ്‌ത്‌ കത്തിക്കുക.
- രോഗബാധ സംശയിക്കാത്ത ചെടികൾ ഉപയോഗിച്ച് 2-3 വര്‍ഷത്തില്‍ വിളപരിക്രമം ആസൂത്രണം ചെയ്യുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
