ചോളം
ചോളം ഇലകളിലെ സ്ട്രീക്ക് വൈറസ്
MSV
വൈറസ്
ചുരുക്കത്തിൽ
- ബാധിപ്പിൻ്റെ ആരംഭ ഘട്ടങ്ങളില്‍, ചെറിയ, ഹരിത നാശം സംഭവിച്ച, വൃത്താകൃതിയിലുള്ള പുള്ളികള്‍ ഇളം ഇലകളുടെ ചുവട്ടില്‍ കാണപ്പെടുന്നു.
- പിന്നീട് പുള്ളികളുടെ എണ്ണം വർദ്ധിച്ച്, അവ ഒരുമിച്ചു ചേരുന്നു.
- അവ വികസിച്ച് വെള്ള മുതല്‍ മഞ്ഞ വരെ നിറങ്ങളിലുള്ള കനംകുറഞ്ഞ രേഖകളായി ഇലകളുടെ സിരകള്‍ക്ക് സമാന്തരമായി വളരുന്നു.
- ഇവ ഇലയെ പൂര്‍ണ്ണമായും ആവരണം ചെയ്ത് ചെടിയുടെ വളര്‍ച്ചാ മുരടിപ്പ്, ചോളക്കതിരിൻ്റെ അപൂര്‍ണ്ണമായ വികസനം, ധാന്യമണികളുടെ നിറയലിന് തടസ്സം എന്നിവയും ഉണ്ടായേക്കാം.
ചോളം
ലക്ഷണങ്ങൾ
ചെടിയുടെ ഇനവും പാരിസ്ഥിതിക വ്യവസ്ഥകളും ആശ്രയിച്ച് ലക്ഷണങ്ങളിലും നേരിയ വ്യത്യാസം ഉണ്ടാകും. രോഗബാധയുടെ ആരംഭ ഘട്ടങ്ങളില്‍ ഇളം ഇലകളുടെ ചുവട്ടില്‍ ചെറിയ, ഹരിത നാശം സംഭവിച്ച വൃത്താകൃതിയിലുള്ള പുള്ളികള്‍ കാണപ്പെടുന്നു. രോഗം മൂർച്ഛിക്കവേ, പുള്ളികളുടെ എണ്ണം വര്‍ദ്ധിച്ച് അവ ഒരുമിച്ചുകൂടുന്നു. രോഗബാധ സംശയിക്കപ്പെടുന്ന ഇനങ്ങളിൽ, ഈ പുള്ളികള്‍ വെള്ള മുതല്‍ മഞ്ഞ വരെ നിറങ്ങളിലുള്ള കനംകുറഞ്ഞ രേഖകളായി ഇലകളിലെ സിരകള്‍ക്ക് സമാന്തരമായി വളരുന്നു. ചെടി വളര്‍ച്ചയുടെ ആദ്യ ഘട്ടത്തില്‍ ബാധിപ്പ് ഉണ്ടായാല്‍ ഈ രേഖകള്‍ ഇലയെ പൂര്‍ണ്ണമായും ആവരണം ചെയ്ത് ചെടിയുടെ വളര്‍ച്ചാ മുരടിപ്പ്, ചോളക്കതിരിൻ്റെ അപൂര്‍ണ്ണമായ വികസനം, ധാന്യമണികളുടെ നിറയലിന് തടസ്സം എന്നിവയും ഉണ്ടായേക്കാം.
ശുപാർശകൾ
ജൈവ നിയന്ത്രണം
ക്ഷമിക്കണം, എം എസ് വി -യ്ക്ക് എതിരായി ഞങ്ങള്‍ക്ക് ജൈവിക പരിചരണങ്ങൾ അറിയില്ല. താങ്കള്‍ക്ക് ഈ രോഗത്തിനെതിരെ പൊരുതാന്‍ സഹായിക്കുന്ന എന്തെങ്കിലും അറിയുമെങ്കില്‍ ദയവായി ഞങ്ങളുമായി ബന്ധപ്പെടുക. താങ്കളില്‍ നിന്ന് കേള്‍ക്കാന്‍ ഞങ്ങള്‍ ആഗ്രഹിക്കുന്നു.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. വൈറസ് രോഗങ്ങള്‍ക്ക് രാസ പരിചരണരീതികൾ ലഭ്യമല്ല. രോഗാണുവാഹികളുടെ പെരുപ്പം കുറയ്ക്കുന്നത് സാധാരണ രോഗവ്യാപന നിരക്ക് കുറയുന്നതിലേക്ക് നയിക്കും. ഡൈമെതോയെറ്റ് അല്ലെങ്കില്‍ മലാതിയോന്‍ അടിസ്ഥാനമായ ഉത്പന്നങ്ങള്‍ ഇലപ്പടർപ്പുകളില്‍ പ്രയോഗിക്കാം, പക്ഷേ അവയുടെ അളവ് വിളവിൻ്റെ സാധ്യതാ നഷ്ടം, രോഗം പൊട്ടിപ്പുറപ്പെടുന്നത് സംബന്ധിച്ച അനിശ്ചിതത്വം മുതലായവയുമായി തട്ടിച്ചു നോക്കിയിട്ടായിരിക്കണം.
അതിന് എന്താണ് കാരണം
ചോളം ഇലകളിലെ സ്ട്രീക്ക് വൈറസ് മുഖ്യമായും ഒരു ആഫ്രിക്കന്‍ രോഗമാണ്, പക്ഷേ തെക്ക് കിഴക്കന്‍ ഏഷ്യയിലും കണ്ടെത്തിയിട്ടുണ്ട്. ചിലയിനം സിക്കാഡുലിന ഇലച്ചാടികള്‍ വ്യാപിപ്പിക്കുന്ന വൈറസ് ആണ് ഇതിന് കാരണം. വളരുന്ന ഇളം ഇലകളിൽ ആഹരിക്കുമ്പോഴാണ് ഈ വൈറസ് അവയിലേക്ക് കടക്കുന്നത്. ഈ കീടങ്ങളുടെ ജീവിതചക്രം കാലാവസ്ഥയെ ആശ്രയിച്ച് 22 മുതല്‍ 45 ദിവസം വരെയാണ്. ഏകദേശം 20 - 35°C വരെയുള്ള താപനില ഇവയുടെ വളര്‍ച്ചയ്ക്ക് അനുകൂലമാണ്, തത്ഫലമായി വിളകളില്‍ രോഗ സാധ്യത വര്‍ദ്ധിക്കും. നിരവധി ധാന്യവർഗ്ഗങ്ങൾ ഈ വൈറസിന് ആതിഥ്യമേകുന്നവയാണ് (ഗോതമ്പ്, ഓട്ട്സ്, വരക്, ബാര്‍ലി, അരിച്ചോളം... മുതലായവ).
പ്രതിരോധ നടപടികൾ
- ആരോഗ്യമുള്ള ചെടികളില്‍ നിന്നോ സാക്ഷ്യപ്പെടുത്തിയ സ്രോതസുകളില്‍ നിന്നോ ഉള്ള വിത്തുകള്‍ ഉപയോഗിക്കുക.
- ലഭ്യമെങ്കില്‍ സഹനശക്തിയോ അല്ലെങ്കിൽ പ്രതിരോധശേഷിയോ ഉള്ള ഇനങ്ങള്‍ ഉപയോഗിക്കുക.
- പുല്‍ച്ചാടിയെ ആകര്‍ഷിക്കുന്ന ആതിഥ്യമേകുന്ന ഇതര വിളകള്‍ ഇടവിളയായി കൃഷി ചെയ്ത് വിളകളിലെ ബാധിപ്പ് കുറയ്ക്കുക.
- ഇലച്ചാടികളുടെ നീക്കം പരിമിതപ്പെടുത്താന്‍ തടസങ്ങള്‍ ഉപയോഗിക്കുക.
- കൃഷിയിടം നിരീക്ഷിച്ച് രോഗം ബാധിക്കപ്പെട്ട ചെടികള്‍ പിഴുതെടുത്ത്‌ നശിപ്പിക്കുക.
- കൃഷിയിടത്തിലും അതിനുചുറ്റുമുള്ള കളകള്‍ നിയന്ത്രിക്കുക.
- ഒരേ കൃഷിയിടത്തില്‍ തുടർച്ചയായി ചോള കൃഷി നടത്തുന്നത് ഒഴിവാക്കണം.
- ബീന്‍സ്, വന്‍പയര്‍ എന്നിവ പോലെയുള്ള പയർ വര്‍ഗ്ഗ ചെടികള്‍, അല്ലെങ്കിൽ ആതിഥ്യമേകാത്ത ഇതര വിളകള്‍ എന്നിവ ഉപയോഗിച്ച് വിളപരിക്രമം നടത്തുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
