മത്തങ്ങ
കോട്ടണി ലീക്ക്
Pythium aphanidermatum
കുമിൾ
ചുരുക്കത്തിൽ
- കായകളിൽ തവിട്ട്, മൃദുവായ, അഴുകിയ ഭാഗങ്ങൾ.
- കായ്കളിൽ പഞ്ഞി പോലെയുള്ള വെളുത്ത വളർച്ച.
- പുതുതായി മുളച്ച തൈച്ചെടികളുടെ മരണം.
കണ്ടെത്താൻ കഴിയുന്ന മറ്റ് വിളകൾ
മത്തങ്ങ
ലക്ഷണങ്ങൾ
മണ്ണുമായി നേരിട്ട് സമ്പർക്കം വരുന്ന കായകളിൽ മൃദുവായതും ചീഞ്ഞതുമായ ഭാഗങ്ങളായി വികസിക്കുന്ന തവിട്ടുനിറത്തിലുള്ള ഭാഗങ്ങളിൽ നിന്നാണ് ലക്ഷണങ്ങൾ ആരംഭിക്കുന്നത്. ഈർപ്പമുള്ള സാഹചര്യങ്ങളിൽ, വെളുത്തതും പഞ്ഞിപോലുള്ളതുമായ വളർച്ച പ്രത്യക്ഷപ്പെടുകയും കായയുടെ ഈ അഴുകിയ ഭാഗത്തെ മൂടുകയും ചെയ്യുന്നു. നഴ്സറിയിൽ, ഈ രോഗാണുക്കൾ മൂത്തതും മൂക്കാത്തതുമായ തൈച്ചെടികളെ ബാധിക്കുകയും അവയുടെ നാശത്തിന് കാരണമാവുകയും ചെയ്യും. രോഗാണുക്കൾ ചെടിയുടെ വേരുകളെയും ബാധിച്ചേക്കാം, ഇത് അവ അഴുകാൻ കാരണമാകും: ഇതുമൂലം ചെടിക്ക് പോഷകങ്ങൾ ആഗിരണം ചെയ്യാൻ കഴിയാത്തതിനാൽ ഇലകൾ മഞ്ഞനിറമായി മാറുന്നു. പൈത്തിയം മൂലമുണ്ടാകുന്ന കായകളുടെ അഴുകൽ ഫൈറ്റോഫ്തോറ, സ്ക്ലെറോട്ടിനിയ എന്നിവ മൂലമുണ്ടാകുന്ന അഴുകൽ പോലെ കാണപ്പെടും. അവയെ വേർതിരിച്ചറിയാൻ, ഓർക്കുക: പൈത്തിയം പഞ്ഞി അല്ലെങ്കിൽ ഷേവിംഗ് ക്രീം പോലെയാണ്. ഫൈറ്റോഫ്തോറ പൊടി രൂപത്തിൽ കാണപ്പെടുന്നു. തണ്ടിനെ ബാധിക്കുന്ന കറുത്ത, കടുപ്പമുള്ള പാടുകളുള്ള കട്ടിയുള്ള വെളുത്ത പഞ്ഞി വളർച്ചയാണ് സ്ക്ലിറോട്ടിനിയയ്ക്ക് ഉള്ളത്.
ശുപാർശകൾ
ജൈവ നിയന്ത്രണം
അംഗീകൃതവും പ്രയോഗിക്കാന്‍ കഴിയുന്നതുമായ ജൈവ നിയന്ത്രണ രീതികളൊന്നും ലഭ്യമല്ല.
രാസ നിയന്ത്രണം
രോഗലക്ഷണങ്ങൾ കണ്ടുകഴിഞ്ഞാൽ, ബാധിക്കപ്പെട്ട കായകളോ തൈച്ചെടികളോ സംരക്ഷിക്കാൻ കഴിയില്ല. ബാധിപ്പ് തടയുന്നതിന്, വിത്തുകളിലും തൈകളിലും രാസ പരിചരണ രീതികൾ പ്രയോഗിക്കുക. നടുന്നതിന് മുമ്പ് വിത്ത് പരിചരണം നടത്തുകയും, തൈച്ചെടികൾ ശുപാർശ ചെയ്യുന്ന സാന്ദ്രതയിൽ കുമിൾനാശിനിയിൽ മുക്കുകയും ചെയ്യുക. കൂടാതെ, ഉപരിതല മണ്ണ് പരിചരണരീതികൾ ഉപയോഗിക്കുക. ജലസേചനത്തിലൂടെയോ മഴയിലൂടെയോ മണ്ണിൻ്റെ മുകൾ ഭാഗത്തേക്ക് നീങ്ങുന്ന കുമിൾനാശിനിയെ ആശ്രയിച്ചാണ് ഈ പരിചരണങ്ങളുടെ ഫലപ്രാപ്തി.
അതിന് എന്താണ് കാരണം
കോട്ടണി ലീക്കിന് കാരണമാകുന്ന രോഗകാരി മണ്ണിൽ വസിക്കുന്നു! ചൂടുള്ളതും ഈർപ്പമുള്ളതുമായ കാലാവസ്ഥയാണ് ഇത് ഇഷ്ടപ്പെടുന്നത്, ഇത് കെട്ടിക്കിടക്കുന്ന വെള്ളം ഇഷ്ടപ്പെടുന്നു. ഇത് ജലസേചന വെള്ളത്തിലൂടെ വ്യാപിക്കുന്നു. ഇത് ചെടിയുടെ കോശങ്ങളിലേക്ക് പ്രവേശിച്ച് ചെടിയെ പോഷകങ്ങൾ ആഗിരണം ചെയ്യുന്നതിൽ നിന്നും തടയുകയും ബാധിക്കപ്പെട്ട ഭാഗങ്ങൾ അഴുകുന്നതിനും കാരണമാകും. പ്രൂണിങ് മൂലമുള്ള മുറിവുകളോ, ചെടികളുടെ എണ്ണം കുറയ്ക്കുന്നതോ അല്ലെങ്കിൽ ഇലകൾ നീക്കം ചെയ്യുന്നതോ ചെടികളെ രോഗകാരികളാൽ ബാധിക്കപ്പെടുന്നതിനുള്ള സാധ്യത കൂട്ടുകയും, രോഗകാരിയെ എളുപ്പത്തിൽ വ്യാപിക്കാൻ അനുവദിക്കുകയും ചെയ്യുന്നു.
പ്രതിരോധ നടപടികൾ
- മണ്ണില്‍ ശരിയായ നീർവാർച്ച ഉറപ്പാക്കുക.
- സാധ്യമെങ്കിൽ ഉയർന്ന നടീൽ ബെഡ്ഡുകളും തുള്ളിനന സംവിധാനവും ഉപയോഗിക്കുക.
- പുല്ലുകളും ധാന്യങ്ങളും പോലെയുള്ള കീടങ്ങൾക്ക് ആതിഥ്യമേകാത്ത ചെടികൾ ഉപയോഗിച്ച് വിളപരിക്രമം നടത്തുക.
- തണുപ്പുള്ള ദിവസങ്ങളിൽ നടുക.
- ചെടിയുടെ വള്ളികൾ ഇടതൂർന്ന് വളരുന്നത് ഒഴിവാക്കാൻ ഇടയകലം കൂട്ടി നടുക.
- കായകൾ മണ്ണില്‍ സ്പര്‍ശിക്കാത്തവിധം തടസ്സങ്ങൾ സൃഷ്ടിക്കുക, ഇത് ചെറുകിട കർഷകർക്ക് പ്രായോഗികമാണ്.
- കായകൾ കമ്പിയിലോ, തടിയിലോ, ചെടിയുടെ വള്ളിയുടെ മുകളിലോ വയ്ക്കുക.
- വരണ്ട പ്രദേശങ്ങളിൽ തുള്ളിനന സംവിധാനവും പ്ലാസ്റ്റിക് പുതയും ഉപയോഗിക്കുക, എന്നാൽ മഴയുള്ള പ്രദേശങ്ങളിൽ ജാഗ്രത പാലിക്കുക, കാരണം ഇത് വെള്ളം കെട്ടിനിൽക്കുന്നതിനും കായകൾ ജീർണിക്കുന്നതിനും കാരണമാകും.
- ബ്ലീച്ച് ലായനി ഉപയോഗിച്ച് നിങ്ങളുടെ ഉപകരണങ്ങൾ, പാത്രങ്ങൾ, ട്രേകൾ എന്നിവ പതിവായി വൃത്തിയാക്കുകയും അണുവിമുക്തമാക്കുകയും ചെയ്യുക, അണുബാധയേറ്റ മണ്ണ് ഉപയോഗിക്കുന്നത് ഒഴിവാക്കുക.
- നനഞ്ഞ കാലാവസ്ഥയിൽ വിളവെടുത്ത കായകൾ പായ്ക്ക് ചെയ്യരുത്.
- ആരോഗ്യമുള്ളവ മാത്രം വിളവെടുത്ത് പായ്ക്ക് ചെയ്യുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
