കോളിഫ്ലവർ
വൈറ്റ് റസ്ററ്
Albugo candida
കുമിൾ
ചുരുക്കത്തിൽ
- മങ്ങിയ ഇലപ്പുള്ളികൾ വെളുത്തതും തിളക്കമുള്ളതുമായ ഉയർന്ന കുരുക്കളായി വികസിക്കുന്നു.
- ഇലകളുടെ അടിവശത്ത് ചെറിയ പൊടിരൂപത്തിലുള്ള ബീജകോശങ്ങൾ.
- തണ്ടുകളും പൂക്കളും വരെ ബാധിക്കപ്പെടുന്നു.
- ഗുരുതരമായി ബാധിക്കപ്പെട്ട ചെടികളുടെ ഭാഗങ്ങൾ ചുരുങ്ങി നശിക്കും.
കണ്ടെത്താൻ കഴിയുന്ന മറ്റ് വിളകൾ
കോളിഫ്ലവർ
ലക്ഷണങ്ങൾ
വൈറ്റ് റസ്ററ് ഒരു ചെടിയുടെ ഭാഗങ്ങളിലോ വ്യവസ്ഥാപരമായോ ബാധിക്കും. ബാധിപ്പിൻ്റെ തരം അടിസ്ഥാനമാക്കി രോഗലക്ഷണങ്ങൾ വ്യത്യാസപ്പെടുന്നു. ചെടിയുടെ പ്രത്യേക ഭാഗങ്ങളിലുള്ള ബാധിപ്പ് കുമിളകളുടെ രൂപത്തിൽ ദൃശ്യമാകുന്നു, ഇത് ആദ്യഘട്ടത്തിൽ ഇലകൾ, ചെറിയ തണ്ടുകൾ, പുഷ്പ ഭാഗങ്ങൾ എന്നിവയുടെ അടിഭാഗത്ത് കാണപ്പെടും. ഏകദേശം 1 മുതൽ 2 മില്ലീമീറ്റർ വരെ വ്യാസമുള്ള കുരുക്കൾ വെളുത്തതോ ക്രീം മഞ്ഞയോ നിറത്തിൽ ആയിരിക്കും. രോഗലക്ഷണങ്ങൾ പുരോഗമിക്കുമ്പോൾ, ഇലകളുടെ ഉപരിതലത്തിൽ വൃത്താകൃതിയിലുള്ള നേരിയ പച്ച മുതൽ മഞ്ഞ വരെയുള്ള നിറംമാറ്റം സംഭവിച്ച ഭാഗങ്ങൾ, ഇലകളുടെ അടിഭാഗത്ത് വെളുത്ത കുമിളകളോട് ചേർന്ന് പ്രത്യക്ഷപ്പെടുന്നു. വ്യവസ്ഥാപരമായ ബാധിപ്പിൽ, രോഗം ചെടിയുടെ കലകളിലുടനീളം വളരുന്നു, അതിൻ്റെ ഫലമായി അസാധാരണമായ വളർച്ച, ബാധിക്കപ്പെട്ട ചെടികളുടെ രൂപവൈകൃതം അല്ലെങ്കിൽ മുഴകൾ എന്നിവ ഉണ്ടാകുന്നു.
ശുപാർശകൾ
ജൈവ നിയന്ത്രണം
വേപ്പ്, ഉള്ളി, വെളുത്തുള്ളി എന്നിവയുടെ ചെടി സത്ത് ഉപയോഗിക്കുക. യൂക്കാലിപ്റ്റസിൽ നിന്നുള്ള സുഗന്ധതൈലം കുമിൾനാശിനി ഗുണങ്ങൾ ഉള്ളവയാണ്, ഇത് ഇലയിലും സ്റ്റേജ് ഹെഡ് ഘട്ടത്തിലും വൈറ്റ് റസ്ററ് രോഗത്തിനെതിരെ ഫലപ്രദമാണ്.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. വിത്ത് പരിചരണത്തിനായി മാങ്കോസെബ് അല്ലെങ്കിൽ മെറ്റലാക്സിൽ, മാങ്കോസെബ് എന്നിവയുടെ ഡോസുകൾ ഉപയോഗിക്കുക. മണ്ണിലും ഇലകളിലും പ്രയോഗിക്കുകയും വേണം. വിളകളുടെ ദൈർഘ്യവും അനുഭവപ്പെടുന്ന മഴയുടെ അളവും അനുസരിച്ച് പ്രയോഗത്തിൻ്റെ ആവൃത്തി വ്യത്യാസപ്പെടും. മിതശീതോഷ്ണ അന്തരീക്ഷത്തിൽ ഒരു പ്രാവശ്യം മണ്ണിലും വിളചക്രത്തിൽ കുറഞ്ഞത് 1-2 പ്രാവശ്യം ഇലകളിലുള്ള പ്രയോഗവും നിർദ്ദേശിക്കുന്നു.
അതിന് എന്താണ് കാരണം
ആൽ‌ബുഗോ അല്ലെങ്കിൽ പുസ്റ്റുല എന്ന കുമിളാണ് ഇലകളെ ബാധിക്കുന്ന രോഗത്തിന് കാരണം. ബ്രാസിക്കാസ് പോലെയുള്ള ചില ചെടികളിൽ, വൈറ്റ് ബ്ലിസ്റ്റർ, ഡൗണി മിൽഡ്യൂ എന്നിവ ഒരുമിച്ച് സംഭവിക്കാം. സ്വാതന്ത്രമാക്കപ്പെടുമ്പോൾ കാട്ടിലൂടെ വ്യാപിക്കുന്ന വെളുത്ത പൊടി രൂപത്തിലുള്ള ബീജകോശങ്ങൾ കുമിളകളിൽ അടങ്ങിയിരിക്കുന്നു. വൈറ്റ് റസ്ററ് മുളയ്ക്കുന്നതിന് 13°C മുതൽ 25°C വരെയുള്ള താപനിലയും, കുറഞ്ഞത് രണ്ട് മുതൽ മൂന്ന് മണിക്കൂർ വരെ നീണ്ടുനിൽക്കുന്ന ഇലകളിലെ നനവും, 90% -ൽ കൂടുതൽ ഉള്ള ആപേക്ഷിക ആർദ്രത, മണ്ണിലെ ഉയർന്ന ഈർപ്പം, ഇടയ്ക്കിടെയുള്ള മഴ എന്നിവ ആവശ്യമാണ്. മണ്ണിലെ കുമിൾ ഘടനകളായ ഊസ്പോറും സമീപത്തുള്ള ആതിഥേയ കള സസ്യങ്ങളിലുള്ള കുമിളഘടനകളായ സ്പൊറാൻജിയയും പ്രാഥമിക വ്യാപനത്തെ അനുകൂലിക്കുന്നു. സമീപത്തുള്ള ചെടികളെ ബാധിക്കുന്ന കാറ്റിലൂടെയും മഴവെള്ളം തെറിക്കുന്നതുമൂലവും വ്യാപിക്കുന്ന കുമിളഘടനകൾ (സ്‌പോറാൻജിയ) അല്ലെങ്കിൽ സൂസ്പോറുകൾ (പ്രാണികൾ) ദ്വിതീയ വ്യാപനത്തെ പ്രോത്സാഹിപ്പിക്കുന്നു. ഇത് ബ്രാസിക്ക കുടുംബത്തിലെ പല ഇനങ്ങളെയും ബാധിക്കുന്നു, മാത്രമല്ല ക്രൂസിഫെർ കുടുംബത്തിലെ പച്ചക്കറി വിളകൾ, അലങ്കാര സസ്യങ്ങൾ, നിരവധി കളകൾ എന്നിവയും ബാധിക്കപ്പെടാം. ബീജകോശങ്ങൾ കുറഞ്ഞത് മൂന്ന് വർഷമെങ്കിലും മണ്ണിൽ അതിജീവിക്കാൻ കഴിവുള്ളതാണ്.
പ്രതിരോധ നടപടികൾ
- രോഗരഹിതവും സാക്ഷ്യപ്പെടുത്തിയതുമായ വിത്തുകൾ കൃഷിചെയ്യുക, ലഭ്യമെങ്കിൽ പ്രതിരോധശേഷിയുള്ള ഇനങ്ങൾ ഉപയോഗിക്കുക.
- ആഴത്തിലുള്ള ഉഴുതുമറിക്കലും നേരത്തെയുള്ള വിതയ്ക്കലും പരിശീലിക്കുക.
- ഉയർന്ന ഈർപ്പം, അണുബാധ എന്നിവയ്ക്ക് കാരണമായേക്കാം എന്നുള്ളതിനാൽ ചെടികൾ അടുത്തടുത്തായി നടുന്നത് ഒഴിവാക്കുക.
- ബാധിപ്പിനുള്ള സാധ്യത കുറയ്ക്കുന്നതിന് മികച്ച ശുചിത്വ രീതികൾ ഉറപ്പുവരുത്തുക.
- ബാധിക്കപ്പെട്ട ചെടി ഭാഗങ്ങൾ നീക്കം ചെയ്യുക, സാരമായി ബാധിക്കപ്പെട്ട ചെടികൾ നീക്കം ചെയ്യുക.
- കള നിയന്ത്രണവും മറ്റ് ശുചിത്വ നടപടികളും പ്രയോഗിക്കണം.
- ക്രൂസിഫറസ് അല്ലാത്ത ആതിഥേയ വിളകൾ ഉപയോഗിച്ച് മൂന്ന് വർഷത്തെ വിളപരിക്രമം സാധാരണയായി ഫലപ്രദമാണ്.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
