തക്കാളി
ആന്ത്രാക്നോസ്
Colletotrichum spp.
കുമിൾ
ചുരുക്കത്തിൽ
- ഇലകൾ, കാണ്ഡം, കായ്കൾ അല്ലെങ്കിൽ വിത്തറകൾ എന്നിവയിൽ വെള്ളത്തിൽ കുതിർത്ത ക്ഷതങ്ങൾ.
- വ്യക്തമായ നിറത്തിലുള്ള അരികുകളാൽ ചുറ്റപ്പെട്ട അണ്ഡാകൃതിയിലുള്ള ക്ഷതങ്ങൾ.
- കാണ്ഡത്തിൻ്റെ താഴ്ഭാഗം ഇരുണ്ട-തവിട്ട് നിറത്തിൽ പരുപരുത്തതാകും.
- ഇലപൊഴിയൽ, ചെടികളുടെ മറിഞ്ഞുവീഴൽ അല്ലെങ്കിൽ ഗുരുതരമായ സാഹചര്യത്തില്‍ മുകളിലുള്ള ശാഖകള്‍ അഗ്രഭാഗത്തു നിന്നും ഉണങ്ങിത്തുടങ്ങുന്നു.
തക്കാളി
ലക്ഷണങ്ങൾ
വിളയുടെ തരം, ഇനം, പാരിസ്ഥിതിക അവസ്ഥകൾ എന്നിവ രോഗലക്ഷണങ്ങളുടെ തീവ്രതയെ സ്വാധീനിക്കും. ചാരനിറം മുതൽ തവിട്ട് നിറമുള്ള ക്ഷതങ്ങൾ ഇലകൾ, കാണ്ഡം, കായ്കൾ അല്ലെങ്കിൽ വിത്തറകളിൽ പ്രത്യക്ഷപ്പെടുന്നു. ഈ പാടുകൾ വൃത്താകൃതിയിലോ അണ്ഡാകൃതിയിലോ അല്ലെങ്കിൽ ക്രമരഹിതമായ ആകൃതിയിലോ ഇരുണ്ട തവിട്ട്, ചുവപ്പ് അല്ലെങ്കിൽ പർപ്പിൾ നിറത്തിലുള്ള അരികുകളോടുകൂടിയോ ആകാം. അനുകൂലമായ കാലാവസ്ഥയിൽ, അവയുടെ എണ്ണം വളരെയധികം വർദ്ധിക്കുകയും, വലുതായി ഒന്നിച്ചു ചേര്‍ന്ന് ഇരുണ്ട തവിട്ടോ കറുപ്പോ നിറമായി മാറും. അവയുടെ കേന്ദ്രഭാഗം ക്രമേണ ചാരനിറമാവുകയും, ബാധിപ്പിന്‍റെ പിന്നീടുള്ള ഘട്ടങ്ങളിൽ, ഇതില്‍ ചെറിയ ചിതറിയ കറുത്ത അടയാളങ്ങൾ ദൃശ്യമാകുകയും ചെയ്യും. ചില വിളകളിൽ ഇലകളുടെ മധ്യസിരയിൽ ചുവപ്പ് നിറംമാറ്റം സാധാരണമാണ്. ഗുരുതരമായ സാഹചര്യങ്ങളിൽ, ഇലകൾ വാടിപ്പോകുകയും ഉണങ്ങി അകാലത്തിൽ ഇലപൊഴിയുന്നതിന് കാരണമാകുകയും ചെയ്യും. കാണ്ഡത്തിൽ, ക്ഷതങ്ങൾ നീളമേറിയതും, കുഴിഞ്ഞതും, ഇരുണ്ട അരികുകളോടുകൂടി തവിട്ടുനിറത്തിലും ആണ്. അവ വലുതാകുമ്പോൾ, ക്ഷതങ്ങൾ തണ്ടിനെ ചുറ്റുകയും, ചെടി വാടിപ്പോകുകയും ചെയ്യും. തണ്ടുകളുടെയോ അല്ലെങ്കിൽ ശാഖകളുടെയോ കൊമ്പുണക്കം സാധാരണമാണ്.
ശുപാർശകൾ
ജൈവ നിയന്ത്രണം
വിത്ത് വിതയ്ക്കുന്നതിന് മുൻപ് ഒരു ചെറുചൂടുള്ള വെള്ളത്തിൽ മുക്കിവയ്ക്കുന്നതിലൂടെ രോഗം വ്യാപിക്കുന്നത് തടയാം (താപനിലയും സമയവും വിളയെ ആശ്രയിച്ചിരിക്കുന്നു). വേപ്പണ്ണയും തളിക്കാം. രോഗബാധ നിയന്ത്രിക്കാൻ ജൈവിക ഏജന്റുമാരും സഹായിച്ചേക്കാം. ട്രൈക്കോഡെർമ ഹാർസിയാനം എന്ന മിത്രകുമിളും, സ്യൂഡോമോണസ് ഫ്ലൂറസെൻസ്, ബാസിലസ് സബ്സ്റ്റൈലിസ് അല്ലെങ്കിൽ ബി. മൈലോലിക്യുഫാസിയൻസ് എന്ന ബാക്റ്റീരിയയും വിത്ത് പരിചരണത്തിന്‍റെ ഭാഗമായി ഉപയോഗിക്കാം. രോഗലക്ഷണങ്ങൾ കണ്ടെത്തിക്കഴിഞ്ഞാൽ ജൈവിക അംഗീകാരമുള്ള കോപ്പർ അടിസ്ഥാന തയ്യാരിപ്പുകൾ ഈ രോഗത്തിനെതിരെ വിവിധ വിളകളിൽ തളിക്കാം.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. ദിവസാരംഭത്തില്‍ തളിക്കുകയും ചൂടുള്ള കാലാവസ്ഥയില്‍ പ്രയോഗിക്കുന്നത് ഒഴിവാക്കുകയും ചെയ്യണം. കൂടാതെ വിതയ്ക്കുന്നതിന് മുൻപ് വിത്ത് പരിചരണംവും നടത്തണം. വിതയ്ക്കുന്നതിനു മുമ്പായി കുമിളിനെ നശിപ്പിക്കാന്‍ വിത്തുകള്‍ പൊതിയുകയും ചെയ്യാം. ബാധിപ്പിന്‍റെ സാധ്യത കുറയ്ക്കുന്നതിന് അസോക്സിസ്ട്രോബിൻ, ബോസ്കാലിഡ്, ക്ലോറോത്തലോണിൻ, മാനെബ്, മാങ്കോസെബ് അല്ലെങ്കിൽ പ്രോത്തിയോകോണസോൾ എന്നിവ അടങ്ങിയ കുമിൾനാശിനികൾ പ്രതിരോധമാർഗ്ഗമായി തളിക്കാം (ദയവായി താങ്കളുടെ വിളയ്ക്കുള്ള നിർദ്ദിഷ്ട തയ്യാരിപ്പുകളും ശുപാർശകളും പരിശോധിക്കുക). ഈ ഉത്പന്നങ്ങളിൽ ചിലതിനെ പ്രതിരോധിക്കുന്ന ചില സാഹചര്യങ്ങളും കണ്ടെത്തിയിട്ടുണ്ട്. ചില വിളകളിൽ ഫലപ്രദമായ പരിചരണങ്ങളൊന്നും ലഭ്യമല്ല. അവസാനമായി, വിളവെടുപ്പിനു ശേഷം ഭക്ഷ്യ യോഗ്യമായ(ഫുഡ്-ഗ്രേഡ്) മെഴുകും ചേര്‍ന്ന പരിചരണങ്ങള്‍ പ്രയോഗിച്ച് വിദേശത്തേക്ക് കയറ്റി അയയ്ക്കേണ്ട ഫലങ്ങളിലെ ബാധിപ്പ് കുറയ്ക്കാൻ കഴിയും.
അതിന് എന്താണ് കാരണം
കൊളോട്രിക്കം ജനുസ്സിലെ നിരവധി ഇനം കുമിളുകളാണ് ഈ രോഗലക്ഷണങ്ങൾക്ക് കാരണം. വിത്തുകളുമായി ബന്ധപ്പെട്ട മണ്ണിൽ അല്ലെങ്കിൽ ചെടി അവശിഷ്ടങ്ങളിലും ഇതര ആതിഥേയ വിളകളിലും നാലുവർഷം വരെ അവ അതിജീവിക്കുന്നു. പുതിയ ചെടികളിലേക്ക് അണുബാധ എത്തുന്നതിന് രണ്ട് വഴികളുണ്ട്. മണ്ണ് അല്ലെങ്കിൽ വിത്തിലൂടെ വ്യാപിക്കുന്ന ബീജകോശങ്ങൾ ബീജാങ്കുരണം നടക്കുമ്പോൾ തൈകളെ ബാധിച്ച്, ചെടിയുടെ കലകളിൽ വ്യവസ്ഥാപിതമായി വളർന്നാണ് പ്രാഥമിക അണുബാധ സംഭവിക്കുന്നത്. മറ്റ് സന്ദർഭങ്ങളിൽ, ബീജകോശങ്ങൾ താഴ്ഭാഗത്തെ ഇലകളിലേക്ക് മഴത്തുള്ളികളാൽ തെറിച്ച് മുകളിലേക്ക് വ്യാപിക്കുന്ന ഒരു അണുബാധ ആരംഭിക്കുന്നു. ഇലകളിലോ അല്ലെങ്കിൽ ഫലങ്ങളിലെ ക്ഷതങ്ങളിലോ ഉത്പാദിപ്പിക്കപ്പെടുന്ന ബീജകോശങ്ങൾ മഴവെള്ളം തെറിക്കുമ്പോഴോ, മഞ്ഞ്, നീരൂറ്റിക്കുടിക്കുന്ന പ്രാണികൾ അല്ലെങ്കിൽ കർഷക തൊഴിലാളികൾ എന്നിവയിലൂടെ മുകളിലുള്ള ചെടി ഭാഗങ്ങളിലേക്കോ മറ്റ് ചെടികളിലേക്കോ വ്യാപിക്കുമ്പോഴാണ് ദ്വിതീയ അണുബാധ ആരംഭിക്കുന്നത്. തണുത്തത് മുതൽ ഊഷ്മളമായ താപനില (അനുകൂലമായത് 20 മുതൽ 30°C വരെ), ഉയർന്ന പി.എച്ച് ഉള്ള മണ്ണ്, ദീർഘനേരം നീണ്ടുനിൽക്കുന്ന ഇലകളിലെ നനവ്, തുടർച്ചയായുള്ള മഴ, ഇടതൂർന്ന ഇലവിതാനം എന്നിവ രോഗത്തിന് അനുകൂലമാണ്. സന്തുലിതമായ വളപ്രയോഗം, വിളകളിൽ ആന്ത്രാക്നോസ് രോഗം ബാധിക്കാനുള്ള സാധ്യത കുറയ്ക്കുന്നു.
പ്രതിരോധ നടപടികൾ
- മികച്ച നീര്‍വാര്‍ച്ചയുള്ള മണ്ണില്‍ ചെടികള്‍ നടണം.
- ചെടികള്‍ക്ക് രോഗങ്ങളോട് പ്രതിരോധമുണ്ടാകാന്‍ സഹായത്തിനായി മണ്ണില്‍ കമ്പോസ്റ്റ് ചേര്‍ത്ത് പുഷ്ടിപ്പെടുത്തുക.
- സാധ്യമെങ്കിൽ, മഴ കുറവുള്ള കൃഷിയിടങ്ങൾ തിരഞ്ഞെടുക്കുക.
- കൃഷിയിടങ്ങളിൽ മികച്ച നീർവാർച്ച നൽകുക.
- ആരോഗ്യകരമായ സസ്യങ്ങളിൽ നിന്നോ അംഗീകൃത സ്രോതസ്സുകളിൽ നിന്നോ ഉള്ള വിത്തുകൾ ഉപയോഗിക്കുക.
- താങ്കളുടെ പ്രദേശത്ത് ലഭ്യമാണെങ്കിൽ കൂടുതൽ പ്രതിരോധശേഷിയുള്ള ഇനം തിരഞ്ഞെടുക്കുക.
- പ്രതിരോധ ശക്തിയുള്ള ചെടികള്‍ നടുകയോ പറിച്ചുനടാനായി ആരോഗ്യമുള്ള തൈകള്‍ വാങ്ങുകയോ ചെയ്യുക.
- വിതയ്ക്കുന്ന സമയത്ത് ചെടികൾക്കിടയിൽ കൂടുതൽ ഇടയകലം നൽകുക.
- രോഗലക്ഷണങ്ങൾക്കായി കൃഷിയിടങ്ങളോ തോട്ടങ്ങളോ നിരീക്ഷിക്കുക.
- കൃഷിയിടത്തിലും പരിസരത്തും സ്വയം മുളച്ചുവന്ന ചെടികളും കളകളും നീക്കംചെയ്യുക.
- ഇലകള്‍ക്കും തണ്ടുകള്‍ക്കും ഇടയില്‍ വായു സഞ്ചാരം മെച്ചപ്പെടുത്താനായി തക്കാളി പോലെ പൊക്കമുള്ള ചെടികള്‍ക്ക് താങ്ങ് നല്‍കണം.
- കൃഷിയിടത്തിന് ചുറ്റും കെണി വിളകളോ മരങ്ങളോ നടുക.
- കൃഷിയിടങ്ങളിലും തോട്ടങ്ങളിലും നല്ല ശുചിത്വം പാലിക്കുക, ഉദാഹരണത്തിന് ചെടികളുടെ അവശിഷ്ടങ്ങൾ നീക്കംചെയ്യുന്നത്.
- ഇലവിതാനം നനഞ്ഞിരിക്കുമ്പോൾ കൃഷിയിടങ്ങളിൽ യന്ത്രസാമഗ്രികളുടെയോ തൊഴിലാളികളുടെയോ പ്രവർത്തനങ്ങൾ ഒഴിവാക്കുക.
- താങ്കളുടെ ഉപകരണങ്ങളും പണിയായുധങ്ങളും ശ്രദ്ധാപൂർവ്വം വൃത്തിയാക്കുക.
- ജലസേചനം ആവശ്യമാണെങ്കിൽ, അതിരാവിലെ തന്നെ ആസൂത്രണം ചെയ്ത് രാത്രിയാകുന്നതിനുമുൻപ് ചെടികൾ ഉണങ്ങുന്നുവെന്ന് ഉറപ്പുവരുത്തുക.
- മുകളില്‍ നിന്ന് വെള്ളം വീഴുന്ന രീതിയില്‍ അല്ലാതെ തുള്ളി നന രീതിയില്‍ ജലസേചനം നടത്തുക.
- ചെടികള്‍ നനഞ്ഞിരിക്കുമ്പോള്‍ അവയില്‍ സ്പര്‍ശിക്കരുത്.
- തീവ്രമായ ലക്ഷണങ്ങൾ ഒഴിവാക്കാൻ നേരത്തെ വിളവെടുക്കുക.
- നല്ല വായൂസഞ്ചാരമുള്ള അന്തരീക്ഷത്തിൽ ഫലങ്ങൾ സൂക്ഷിക്കുക.
- കുമിൾ വേഗത്തിൽ അഴുകി നശിക്കുന്നതിനാല്‍ ചെടി അവശിഷ്ടങ്ങൾ നിലത്ത് ഉപേക്ഷിക്കുക.
- മറ്റൊരുവിധത്തിൽ, പെട്ടെന്ന് ജീർണിക്കുന്നതിന് ചെടിയുടെ അവശിഷ്ടങ്ങൾ മണ്ണിൽ വളരെ ആഴത്തിൽ കുഴിച്ചിടുക.
- രോഗാണുക്കൾക്ക് ആതിഥ്യമേകാത്ത ഇതര വിളകളുമായി (3-4 വർഷമോ അതിൽ കൂടുതലോ) ഒരു ദീർഘകാല വിളപരിക്രമം ആസൂത്രണം ചെയ്യുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
