മറ്റുള്ളവ
തൈച്ചെടികളുടെ നാശം
Pythium spp.
കുമിൾ
ചുരുക്കത്തിൽ
- ആവിര്‍ഭവിക്കുന്നതിനു മുൻപുള്ള ഘട്ടത്തിൽ വിത്തുകൾ മണ്ണിൽ അഴുകി ആവിര്‍ഭാവത്തിനു മുമ്പ് തൈച്ചെടികൾ നശിക്കുന്നു.
- ആവിര്‍ഭാവത്തിനു ശേഷമുള്ള ഘട്ടത്തിൽ വെള്ളത്തിൽ കുതിർന്ന, ചാരനിറമോ, തവിട്ടുനിറമോ അല്ലെങ്കിൽ കറുത്ത നിറമോ ഉള്ള കോശങ്ങള്‍ തണ്ടിന്‍റെ ചുവട്ടിൽ ഉണ്ടാകുന്നതാണ് സവിശേഷത.
- ഇളം ചെടികളോ അല്ലെങ്കിൽ മരങ്ങളോ തറനിരപ്പില്‍ വച്ച് ഒടിഞ്ഞു വീഴുകയും വെളുത്തതോ ചാരനിറമോ ഉള്ള ആകാര വളര്‍ച്ചകള്‍ അവയെ ആവരണം ചെയ്യുകയും ചെയ്യും.
മറ്റുള്ളവ
ലക്ഷണങ്ങൾ
ആവിര്‍ഭാവത്തിനു - മുൻപോ ശേഷമോ ഉള്ള രണ്ട് വികസന ഘട്ടങ്ങളിലും തൈച്ചെടികളുടെ നാശം സംഭവിക്കാം. ആവിര്‍ഭാവത്തിനു - മുൻപുള്ള ഘട്ടത്തിൽ, വിതച്ചതിനു ശേഷം വിത്തുകളിൽ കുമിളുകൾ കൂട്ടം കൂടി,വിത്തുകൾ അഴുകുകയും മുളപൊട്ടൽ തടസ്സപ്പെടുത്തുകയും ചെയ്യും. ആവിര്‍ഭാവത്തിനു - ശേഷമുള്ള ഘട്ടത്തിൽ തൈകള്‍ മോശമായി വളർന്ന് തണ്ടിന്‍റെ ചുവടുഭാഗം അഴുകാൻ തുടങ്ങുന്നു. വെള്ളത്തിൽ കുതിർന്ന, ചാരനിറമോ, തവിട്ടുനിറമോ, കറുത്ത നിറമോ ഉള്ള വടുക്കളോട് കൂടിയ മൃദുവായ, വഴുവഴുപ്പുള്ള തണ്ടും ദൃശ്യമാകുന്നു. ഇളം ചെടികളോ അല്ലെങ്കിൽ മരങ്ങളോ വിളറി വാടാന്‍ തുടങ്ങി ക്രമേണ നശിച്ച് വീഴുന്നു, ഇവ ചുവട്ടിൽ നിന്നും മുറിച്ചിട്ടതുപോലെ ദൃശ്യമാകും. വെളുത്തതോ ചാരനിറമോ ഉള്ള ആകാരങ്ങൾ നശിച്ച ചെടികളിലോ മണ്ണിന്റെ ഉപരിതലത്തിലോ കാണപ്പെടും. കൂടുതൽ തൈച്ചെടികൾ നശിച്ചാൽ വീണ്ടും നടേണ്ടതായി വരും.
ശുപാർശകൾ
ജൈവ നിയന്ത്രണം
തൈച്ചെടികളുടെ നാശം പ്രതിരോധിക്കുന്നതിനും ആവിര്‍ഭവിക്കുന്നതിനു മുമ്പേയുള്ള തൈച്ചെടിയുടെ നാശം നിയന്ത്രിക്കുന്നതിനും ട്രൈക്കോഡര്‍മ വിരിഡെ, ബ്യൂവറിയ ബാസിയാന എന്നീ കുമിളുകളോ സ്യൂഡോമോനാസ്‌ ഫ്ലൂറസെന്‍സ് , ബാസിലസ് സബ്റ്റിലിസ് എന്നീ ബാക്ടീയകളോ അടങ്ങിയ ജൈവ കുമിള്‍നാശിനികള്‍ വിത്ത് പരിചരണത്തിനും പറിച്ചു നടുന്ന സമയത്ത് വേരുഭാഗത്തിനു ചുറ്റും പ്രയോഗിക്കാനുമായി ഉപയോഗിക്കാം. ചില സാഹചര്യങ്ങളില്‍ കോപ്പര്‍ ഓക്സിക്ലോറൈഡ് അല്ലെങ്കില്‍ ബോര്‍ഡോ മിശ്രിതം പോലെയുള്ള കോപ്പര്‍ കുമിള്‍ നാശിനികള്‍ ഉപയോഗിച്ച് വിത്തുകളില്‍ പ്രതിരോധ നടപടികള്‍ നടത്തുന്നതും രോഗബാധയും കാഠിന്യവും കുറയ്ക്കാന്‍ സഹായിക്കുന്നു. യൂപറ്റൊറിയം കനെബിയം (ഒരിനം വേനല്‍ പച്ച) ചെടിയുടെ സത്ത് അടിസ്ഥാനമായ വീടുകളില്‍ നിര്‍മ്മിക്കാന്‍ കഴിയുന്ന തയ്യാരിപ്പുകള്‍ ഈ കുമിളിന്റെ വളര്‍ച്ച പൂര്‍ണ്ണമായി തടസപ്പെടുത്തുന്നു.
രാസ നിയന്ത്രണം
ലഭ്യമെങ്കിൽ ജൈവ പരിചരണത്തോടൊപ്പം പ്രതിരോധ നടപടികളും ചേര്‍ന്ന സംയോജിത സമീപനം സ്വീകരിക്കുക. രോഗ നിവാരണ നടപടികളും, ജാഗ്രതയോടെയുള്ള കാർഷിക പ്രവർത്തനങ്ങളുമാണ് ഈ രോഗം ഒഴിവാക്കുന്നതിനുള്ള നല്ല മാർഗ്ഗം. തൈച്ചെടികളുടെ നാശം മുൻപ് ഉണ്ടായിരുന്നതും നീർവാർച്ച പ്രശ്നങ്ങൾ ഉള്ളതുമായ കൃഷിയിടങ്ങളിൽ രോഗനിവാരണ മാർഗമായി കുമിള്‍നാശിനികൾ ഉപയോഗിക്കുന്നത് പരിഗണിക്കണം. ആവിര്‍ഭവിക്കുന്നതിനു മുൻപുള്ള നാശം നിയന്ത്രിക്കുന്നതിന് വിത്തുകൾ മെറ്റാലാക്‌സിൽ-M ഉപയോഗിച്ച് പരിചരിക്കാം. കപ്റ്റന്‍ @31.8% അല്ലെങ്കില്‍ മെറ്റാലാക്‌സിൽ-M @75% മേഘാവൃതമായ കാലാവസ്ഥയിൽ ഇലകളിൽ തളിക്കുന്നതും രോഗനിയന്ത്രണത്തിന് സഹായിക്കും. നടുന്നതു മുതൽ ഓരോ രണ്ടാഴ്ചയും കോപ്പർ ഓക്സിക്ലോറൈഡ് അല്ലെങ്കിൽ കപ്റ്റന്‍ ഉപയോഗിച്ച് ചെടിയുടെ ചുവട്ടിലെ മണ്ണ് കുതിര്‍ക്കാം.
അതിന് എന്താണ് കാരണം
തൈച്ചെടികൾക്കുണ്ടാകുന്ന നാശം നിരവധി വിളകളെ ബാധിച്ചേക്കാം, മണ്ണിലോ ചെടി അവശിഷ്ടങ്ങളിലോ നിരവധി കാലം അതിജീവിക്കുന്ന പൈത്തിയം ഗണത്തിൽപ്പെട്ട കുമിളുകളാണ് ഇതിന് കാരണം. ഊഷ്മളവും മഴയുള്ളതുമായ കാലാവസ്ഥയിൽ, മണ്ണ് കൂടുതൽ നനവുള്ളതും ചെടികൾ നിബിഢമായി വിതക്കുകയും ചെയ്തിരിക്കുന്ന സാഹചര്യങ്ങളിൽ ഇവ ജീവിക്കുന്നു. വെള്ളം കെട്ടിക്കിടക്കുന്നത്, നൈട്രജന്റെ അമിത പ്രയോഗം എന്നിങ്ങനെയുള്ള ക്ലേശപൂർണമായ സാഹചര്യങ്ങൾ ചെടികളെ ദുർബലപ്പെടുത്തുകയും രോഗത്തിന് അനുകൂലമായ സാഹചര്യങ്ങൾ ഒരുക്കുകയും ചെയ്യുന്നു. മലിനമാക്കപ്പെട്ട ആയുധങ്ങള്‍, ഉപകരണങ്ങള്‍, ചെളി പുരണ്ട വസ്ത്രങ്ങള്‍, പാദരക്ഷകള്‍ എന്നിവയിലൂടെ ബീജകോശങ്ങൾ പരക്കെ വ്യാപിക്കും. ഒരു ചെടിയുടെ വളർച്ച ഘട്ടം മുഴുവൻ ഈ കുമിളുകൾ ആക്രമിക്കാമെങ്കിലും, ബീജാങ്കുരണ വിത്തുകളും ഇളം തൈച്ചെടികളുമാണ് കൂടുതൽ ബാധിക്കപ്പെടുന്നത്. ഈ രോഗം ഒരു സീസണിൽ നിന്നും മറ്റൊന്നിലേക്ക് വ്യാപിക്കണം എന്നില്ല, പക്ഷേ അനുകൂലമായ സാഹചര്യങ്ങൾ ഒത്തുവന്നാൽ ബാധിച്ചേക്കാം.
പ്രതിരോധ നടപടികൾ
- ആരോഗ്യമുള്ള ചെടികളിൽ നിന്നുള്ള വിത്തുകളോ അല്ലെങ്കിൽ സാക്ഷ്യപ്പെടുത്തിയ സ്രോതസ്സുകളിൽ നിന്നുള്ള വിത്തുകളോ ഉപയോഗിക്കുക.
- ലഭ്യമെങ്കിൽ പ്രതിരോധ ശേഷിയുള്ള ഇനങ്ങൾ ഉപയോഗിക്കുക.
- നീർവാർച്ച മോശമായ കൃഷിയിടങ്ങളിലും നനഞ്ഞ മണ്ണുള്ള പ്രദേശങ്ങളിലും ഉയർത്തിയ വിതനിലം രൂപപ്പെടുത്തി ഉപയോഗിക്കുക.
- ഇലവിതാനങ്ങൾ പെട്ടെന്ന് ഉണങ്ങുന്നത് സഹായിക്കാൻ നടുന്ന സമയത്ത് വിത്തുകൾ തമ്മിലോ തൈച്ചെടികൾ തമ്മിലോ കൂടുതൽ അകലം പാലിക്കുക.
- പറിച്ചുനടുന്ന സമയത്ത് തൈച്ചെടികൾ കൂടുതൽ ആഴത്തിൽ നടരുത്.
- ആദ്യ ലക്ഷണങ്ങൾ കണ്ടുതുടങ്ങുമ്പോഴേ ബാധിക്കപ്പെട്ട ചെടികൾ നീക്കം ചെയ്യുക.
- നൈട്രജന്റെ തവണ പ്രയോഗങ്ങളോട് കൂടിയ സന്തുലിതമായ വളപ്രയോഗം ആസൂത്രണം ചെയ്യുക.
- പതിവായി നനയ്ക്കുക പക്ഷേ ഉപരിതലത്തിൽ മാത്രം.
- വൈകുന്നേരത്തോടെ മണ്ണിന്റെ ഉപരിതലം ഉണങ്ങിക്കിട്ടാന്‍ പുലര്‍ച്ചെ നനയ്ക്കുക.
- ചെടിയുടെ തണ്ടുമായി നേരിട്ട് സമ്പർക്കംവരാതെ ചുറ്റുപാടും നനയുന്ന റിങ് ജലസേചന രീതി ഉപയോഗിക്കുക.
- അശ്രദ്ധമായി ഒരു കൃഷിയിടത്തിൽ നിന്നും മറ്റൊരിടത്തേക്ക് നനഞ്ഞ മണ്ണ് കൊണ്ടുപോകരുത്.
- ഗാർഹികാവശ്യത്തിനുള്ള ബ്ലീച് ഉപയോഗിച്ച് ഉപകരണങ്ങളും ആയുധങ്ങളും നന്നായി അണുവിമുക്തമാക്കുക.
- വിളവെടുപ്പിനുശേഷം ചെടി അവശിഷ്ടങ്ങൾ നീക്കം ചെയ്ത് നശിപ്പിക്കുക.
- രോഗബാധയ്ക്ക് വശംവദമാകാത്ത വിളകളുമായി മാറ്റകൃഷി ആസൂത്രണം ചെയ്യുക.
- സാധ്യമെങ്കില്‍, പ്ലാസ്റ്റിക് പുത ഉപയോഗിച്ച് വിതനിലത്തെ മണ്ണ് സൂര്യതാപീകരണത്തിന് വിധേയമാക്കുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
