തുവര പരിപ്പ്
മുളകിലെ കവോനഫൊറ വാട്ടം
Choanephora cucurbitarum
കുമിൾ
ചുരുക്കത്തിൽ
- മുളകിലെ ജീവനുള്ള കലകളിൽ സജീവമായി വ്യാപിക്കുന്നതിനുമുൻപ് നശിച്ചതോ അല്ലെങ്കിൽ നശിച്ചുകൊണ്ടിരിക്കുന്നതോ ആയ കലകളിൽ പെരുകുന്നു. ഇലകളിൽ വെള്ളത്തിൽ കുതിർന്ന ഭാഗങ്ങൾ വികസിക്കുന്നു, കൂടാതെ അഗ്ര മുകുളങ്ങൾ വാടുന്നു. കുമിൾ താഴേക്ക് ത്വരിതഗതിയിൽ വളരുന്നത് ചെടികൾ അഗ്രഭാഗത്തുനിന്നും നശിക്കുന്നതിനു കാരണമാകുന്നു. ഇളം കായകൾ ബാധിക്കപ്പെടുന്നു.
തുവര പരിപ്പ്
ലക്ഷണങ്ങൾ
പൂക്കൾ, പൂമൊട്ടുകൾ അല്ലെങ്കിൽ വളർച്ച മുകുളങ്ങൾ എന്നിവയുടെ ഇരുണ്ട നിറവും വാടലുമാണ് (പൂക്കളുടെ വാടൽ) ആദ്യലക്ഷണങ്ങളുടെ സവിശേഷത. രോഗം പിന്നീട് താഴേക്ക് വ്യാപിച്ച് ഇലകളിൽ വെള്ളിനിറത്തിലുള്ള വെള്ളത്തിൽ കുതിർന്ന ക്ഷതങ്ങൾ രൂപപ്പെടുത്തുന്നു. പഴകിയ ക്ഷതങ്ങൾ മൃതമാകുകയും ഉണങ്ങി ഇലകളുടെ അഗ്രഭാഗവും അരികുകളും വാടുന്നതിന് കാരണമാകുകയും ചെയ്യും. തണ്ടുകളിൽ തവിട്ടു മുതൽ കറുപ്പുവരെയുള്ള നിറങ്ങളിൽ അഴുകലിൻ്റെ ലക്ഷണങ്ങൾ ദൃശ്യമാകുകയും അവ അഗ്രഭാഗങ്ങളിൽ നിന്നും ഉണങ്ങുകയും ചെയ്യും. തത്ഫലമായി ചെടി മുഴുവനായും ഉണങ്ങിയേക്കാം. ഒരു കറുത്ത മൃദുവായ അഴുകൽ ഇളം ഫലങ്ങളിൽ വികസിച്ചേക്കാം, പലപ്പോഴും അഗ്രഭാഗങ്ങളിൽ. ബാധിക്കപ്പെട്ട കലകളിൽ വെള്ളിനിറത്തിലുള്ള മുടിപോലെയുള്ള വളർച്ച സൂക്ഷ്മമായി പരിശോധിച്ചാൽ ദ്ദൃശ്യമാകും. തൈച്ചെടികളിൽ, ലക്ഷണങ്ങൾ ഫൈറ്റഫ്തോറ വാട്ടവുമായി ആശയക്കുഴപ്പം ഉണ്ടാക്കിയേക്കാം.
ശുപാർശകൾ
ജൈവ നിയന്ത്രണം
ഈ രോഗത്തിനെതിരെ ജൈവിക പരിചരണ നടപടികൾ ലഭ്യമല്ല. ബെനിൻ എന്ന് രാജ്യത്ത്, ബാസില്ലസ് സബ്ടിലിസ് എന്ന ബാക്ടീരിയ ഉപയോഗിച്ച് ചില ചെടികളിൽ നടത്തിയ പരീക്ഷണത്തിൽ കവോനഫൊറ കുക്കുർബിറ്റേത്തിനെതിരെ പ്രവർത്തിക്കുന്നതായി മനസ്സിലാക്കിയിട്ടുണ്ട്. എന്തായാലും മുളകിൽ യാതൊരു പരീക്ഷണങ്ങളും നടത്തിയിട്ടില്ല.
രാസ നിയന്ത്രണം
ലഭ്യമെങ്കിൽ ജൈവ പരിചരണത്തോടൊപ്പം സംയോജിത നിയന്ത്രണ രീതികളും ചേർത്തുള്ള പ്രതിരോധ നടപടികൾ സ്വീകരിക്കുകഈ രോഗത്തിനെതിരെ കുമിള്നാശിനികൾ ഫലപ്രദമല്ലാത്തതിനാൽ രോഗ നിവാരണ മാർഗ്ഗങ്ങൾ പിന്തുടരുക. കുമിളനാശിനികൾ ഉപയോഗിക്കുന്നത് ചില ലക്ഷണങ്ങൾ വികസിക്കുന്നതിൽ നിന്നും നിയന്ത്രണം നൽകിയേക്കാം പക്ഷേ ചെടികൾ തുടർച്ചയായി പൂവിടുന്നതിലാൽ രോഗാണുക്കളാൽ ബാധിക്കപ്പെട്ടേക്കാം.
അതിന് എന്താണ് കാരണം
കവോനഫൊറ കുക്കുർബിറ്റേറം എന്ന അവസരം കാത്തിരിക്കുന്ന കുമിളാണ് ലക്ഷണങ്ങൾക്ക് കാരണം, ഇവ പ്രധാനമായും കീടങ്ങൾ മൂലമോ കൃഷിപ്പണിക്കിടയിൽ യാന്ത്രികമായോ പരിക്കേൽക്കുന്ന കലകളിൽ ആക്രമിക്കുന്നു. ഇവയുടെ ബീജകോശങ്ങൾ സാധാരണയായി കാറ്റ്, വെള്ളം തെറിക്കൽ, വസ്ത്രങ്ങൾ, ആയുധങ്ങൾ, കാർഷിക ഉപകരണങ്ങൾ എന്നിവയിലൂടെ വ്യാപിക്കുന്നു. നീണ്ടുനിൽക്കുന്ന മഴക്കാലം, ഉയർന്ന ആർദ്രത, ഉയർന്ന താപനില എന്നിങ്ങനെയുള്ള സാഹചര്യങ്ങൾ അനുകൂലമാകുമ്പോൾ രോഗം പൊട്ടിപ്പുറപ്പെടുന്നു. ഉഷ്ണമേഖലാ പ്രദേശങ്ങളിലെ മഴക്കാലത്ത് വളരുന്ന മുളകിൽ ഇവ സാരമായ കേടുപാടുകൾ ഉണ്ടാക്കുന്നതിൽ അതിശയമില്ല. ഈ സാഹചര്യങ്ങളിൽ പൊരുത്തപ്പെടാത്ത വിളകളാണ് മുഖ്യമായും രോഗബാധക്ക് വിധേയമാകുന്നത്. ഫൈറ്റോഫ്തോറ വാട്ടവുമായുള്ള വ്യത്യാസം മനസ്സിലാക്കുന്നതിന്, കലകളിലെ ചാരനിറമുള്ള മുടികൾ നിരീക്ഷിക്കുക (വിശേഷ്യാ പകൽ സമയത്ത്).
പ്രതിരോധ നടപടികൾ
- രോഗലക്ഷണങ്ങൾക്കായി കൃഷിയിടം നിരീക്ഷിക്കുക.
- കൃഷിയിടത്തിനും ചുറ്റുമുള്ള കളകളും ഇതര ആതിഥേയ വിളകളും നീക്കം ചെയ്യുക.
- മൺപാളികൾ ദൃഢമാകുന്നത് തടയുകയും സാധ്യമെങ്കിൽ നീർവാർച്ച മെച്ചപ്പെടുത്തുകയും ചെയ്യുക.
- പറിച്ചുനടുന്ന സമയത്ത് ചെടിയുടെ ചുവട്ടിൽ കുഴികളൊന്നും അവശേഷിപ്പിക്കുന്നില്ലെന്ന് ഉറപ്പുവരുത്തുക.
- ചെടികൾ തമ്മിലുള്ള അകലം വർദ്ധിപ്പിക്കുകയും തറനിരപ്പിൽ നിന്നും ഉയർത്തി ഉണ്ടാക്കിയ വിതനിലവും നീർച്ചാലുകളും ഉപയോഗിക്കുകയും ചെയ്യുക.
- സാധ്യമെങ്കിൽ ചെടികളുടെ മുകളിലൂടെയുള്ള ജലസേചനം ഒഴിവാക്കുക മാത്രമല്ല ഇലകൾ നനയാതിരിക്കാൻ ശ്രദ്ധിക്കുക.
- നിബിഡമായ ഇലപ്പടർപ്പുകൾക്ക് കാരണമാകും എന്നുള്ളതുകൊണ്ട് പോഷകങ്ങളുടെ അമിതമായ ഉപയോഗം ഒഴിവാക്കുക.
- രോഗബാധ സംശയിക്കാത്ത വിളകളുമായി വിളപരിക്രമം നടപ്പിലാക്കുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
