ചോളത്തിൽ വൈകിയ ഘട്ടത്തിലെ വാട്ടം

ലക്ഷണങ്ങൾ

ലക്ഷണങ്ങൾ സാധാരണയായി പൂവിടൽ ഘട്ടത്തിലോ അതിനുശേഷമോ കാണപ്പെടുന്നു, മാത്രമല്ല ചോളച്ചെടിയുടെ ഇനം, കാലാവസ്ഥാ സാഹചര്യങ്ങൾ എന്നിവ അനുസരിച്ച് ലക്ഷണങ്ങളുടെ രൂക്ഷത വ്യത്യാസപ്പെട്ടിരിക്കും. ചെടികളുടെ താഴ്ഭാഗത്തുള്ള ഇലകൾ വാടാൻ തുടങ്ങുകയും അവ മങ്ങിയ പച്ച നിറമായി മാറുകയും ചെയ്യും. ക്രമേണ, ലക്ഷണങ്ങൾ മുകളിലേക്ക് പുരോഗമിക്കവേ ഇലകൾ ഉണങ്ങി ഉള്ളിലേക്ക് ചുരുളൻ തുടങ്ങും. ബാധിക്കപ്പെട്ട ചെടികളിലെ ചോളക്കതിരുകൾ ശരിയായി വളരുന്നില്ല, അവയുടെ പുറംതോടിലും ക്ഷതങ്ങൾ ദൃശ്യമായേക്കാം കൂടാതെ ധാന്യങ്ങളുടെ രൂപപ്പെടലും തടസപ്പെട്ടേക്കും. ചില സന്ദർഭങ്ങളിൽ, മഞ്ഞ മുതൽ പർപ്പിൾ വരെയോ അല്ലെങ്കിൽ ഇരുണ്ട തവിട്ട് നിറത്തിലോ ഉള്ള പാടുകൾ തണ്ടുകളുടെ ചുവട്ടിൽ ദൃശ്യമാകുന്നു. സംവഹണ കലകളുടെ ഭാഗങ്ങളും ഇടമുട്ടുകളും ചുവപ്പുകലർന്ന- തവിട്ട് നിറമായി മാറുന്നു, ഇത് തണ്ടുകളുടെ ഛേദം പരിശോധിച്ചാൽ വ്യക്തമായി കാണാം. തത്‌ഫലമായി അവ ഉണങ്ങി, ചുരുങ്ങി പൊള്ളയായി മാറുന്നു.