ബീൻ
വാളരി പയറിലെ ചോക്ലേറ്റ് പുള്ളികൾ
Botrytis fabae
കുമിൾ
ചുരുക്കത്തിൽ
- ഇലകളിലും, തണ്ടുകളിലും, പൂക്കളിലും അനവധി ചെറിയ ചുവന്ന- തവിട്ട് നിറത്തിലുള്ള പുള്ളിക്കുത്തുകളുടെ സാന്നിധ്യം.
- അവ വലുതാകുമ്പോൾ, ഇലപത്രത്തിൽ പുള്ളിക്കുത്തുകൾ കൂടിച്ചേർന്ന് ചോക്ലേറ്റ് നിറത്തിലുള്ള ക്ഷതങ്ങൾ രൂപപ്പെടുന്നു.
- രോഗത്തിൻ്റെ കൂടുതൽ വിനാശകരമായ രൂപം (പക്ഷേ അപൂർവ്വം), ചോക്ലേറ്റ് പൊടികളാൽ ഇലകളെ കറുപ്പിക്കുകയും പൊടിപുരണ്ടവയും ആക്കിമാറ്റും.
കണ്ടെത്താൻ കഴിയുന്ന മറ്റ് വിളകൾ
ബീൻ
ലക്ഷണങ്ങൾ
ഈ രോഗം വാളരി പയറുകളിൽ സവിശേഷമായി കാണപ്പെടുന്നു മാത്രമല്ല പ്രധാനമായും ഇലകളിലും, തണ്ടുകളിലും, പൂക്കളിലും അനവധി ചെറിയ ചുവന്ന- തവിട്ട് നിറത്തിലുള്ള പുള്ളിക്കുത്തുകളുടെ സാന്നിധ്യമാണ് ഇവയുടെ പ്രത്യേകത. അവ വലുതാകുമ്പോൾ, ചാര നിറത്തിലുള്ള, നിർജ്ജീവമായ മധ്യഭാഗം വികസിക്കുകയും അവയെ ചുറ്റി ചുവപ്പ് കലർന്ന തവിട്ടുനിറത്തിലുള്ള അരികുകളുംകാണപ്പെടുന്നു. ഈ പുള്ളിക്കുത്തുകൾ കൂടിച്ചേർന്ന്, ഇലപത്രത്തിൽ ചോക്ലേറ്റ് നിറത്തിലുള്ള ക്ഷതങ്ങളായി രൂപപ്പെടുകയും ചെയ്യുന്നു. രോഗത്തിൻ്റെ കൂടുതൽ വിനാശകരമായ രൂപം (പക്ഷേ അപൂർവ്വം), തണ്ടുകളും ഇലകളും കറുക്കുന്നതിനു കാരണമാകുകയും, ഇത് ചോക്ലേറ്റ് പൊടികളാൽ പൊതിഞ്ഞിരിക്കുന്ന രൂപം നൽകുകയും ചെയ്യുന്നു. തത്‌ഫലമായി, ഇത് ചെടികളുടെ വളർച്ച മുരടിക്കുന്നതിനോ അല്ലെങ്കിൽ ചെടിയുടെ ഒരു ഭാഗം നശിക്കുന്നതിനോ അതുമല്ലെങ്കിൽ ചെടി പൂർണമായി നശിക്കുന്നതിനോ കാരണമാകുന്നു. ചില സാഹചര്യങ്ങളിൽ, പൂമൊട്ടുകൾ വന്ധ്യമാകുന്നു. പയറുകൾ ഇപ്പോഴും ഭക്ഷ്യയോഗ്യമായിരിക്കാം, പക്ഷേ വിത്തറകൾ നിറംമാറ്റം സംഭവിച്ചവ ആയിരിക്കും. ആദ്യത്തെ തരത്തിലുള്ള ആക്രമണം, രോഗം കൂടുതൽ വ്യാപിച്ച് വലിയ തോതിലുള്ള കേടുപാടുകൾ ഉണ്ടാകുന്നതിന് കാരണമാകുന്നു.
ശുപാർശകൾ
ജൈവ നിയന്ത്രണം
നാളിതുവരെ, രോഗനിയന്ത്രണത്തിന് സാമ്പത്തികപരമായി വിജയകരമായ രീതികൾ ലഭ്യമല്ല. എന്നിരുന്നാലും, ചെടികൾ ദുർബലമാകാതിരിക്കുന്നതിന് പരിചരണരീതികളിൽ ശ്രദ്ധ ചെലുത്തണം അല്ലെങ്കിൽ ബാധിക്കപ്പെടാൻ കൂടുതൽ സാധ്യതകളുണ്ട്.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. നാളിതുവരെ, വാളരി പയറിലെ ചോക്ലേറ്റ് പുള്ളികൾ നിയന്ത്രിക്കുന്നതിന്, സാമ്പത്തികപരമായി വിജയകരമായ രീതികൾ ലഭ്യമല്ല. ചില സാഹചര്യങ്ങളിൽ, പൂവിടുന്ന സമയത്ത് കുമിൾനാശിനികൾ വിളകളിൽ തളിക്കുന്നത് വിളകളിലെ സാരമായ കേടുപാടുകൾ ഒഴിവാക്കാൻ സഹായിക്കും.
അതിന് എന്താണ് കാരണം
ബൊട്രൈറ്റിസ് ഫാബേ എന്ന കുമിളുകളാണ് വാളരി പയറുകളിലെ ലക്ഷണങ്ങൾക്ക് കാരണം, എന്നിരുന്നാലും ബൊട്രൈറ്റിസ് ഇനത്തിൽപ്പെട്ട മാറ്റിനകളും ഇതിൽ ഉൾപ്പെട്ടിരിക്കുന്നു. ഈ പുള്ളിക്കുത്തുകളുടെ മധ്യഭാഗത്തുള്ള നിർജ്ജീവ കലകളിൽ ബീജകോശങ്ങൾ രൂപപ്പെട്ട് ആരോഗ്യമുള്ള ചെടികളിലേക്കും രോഗബാധ വ്യാപിപ്പിക്കുന്നു. ഈ ബീജങ്ങൾക്ക്, അനുകൂല സാഹചര്യങ്ങളിൽ ഇലകളുടെ ഉപരിതലത്തിൽ ഒരു മാസമോ അതിൽ കൂടുതലോ കാലം ജീവനക്ഷമമായി നിലനിൽക്കാൻ കഴിയും. ഉയർന്ന ആർദ്രത, അടിയ്ക്കടിയുള്ള മഴ, ഇലകളിൽ ദീർഘനേരത്തെ ഈർപ്പം, 15 മുതൽ 22°C വരെയുള്ള താപനില എന്നിവ ബാധിപ്പിന് അനുകൂലമാണ്. ഏതെങ്കിലും ഘടകങ്ങൾ ഇലകളിലെ ഈർപ്പത്തിന്‍റെ ബാഷ്പീകരണം ഉയർത്തുന്നത്, ബാധിപ്പ് തടയുകയോ കുറയ്ക്കുകയോ ചെയ്യുന്നു (കാറ്റ്, വരണ്ട കാലാവസ്ഥ). അമ്ല ഗുണമുള്ള മണ്ണ്, നിബിഡതയിലുള്ള വിതയ്ക്കൽ, പൊട്ടഷ്യം അല്ലെങ്കിൽ ഫോസ്ഫറസ് എന്നിവയുടെ അപര്യാപ്തത, അല്ലെങ്കിൽ മണ്ണിൽ വെള്ളം കെട്ടിനിൽക്കുന്നത് എന്നിവയും രോഗത്തിന് അനുകൂലമാണ് അല്ലെങ്കിൽ രോഗത്തിൻ്റെ കൂടുതൽ വിനാശകരമായ രൂപം പ്രത്യക്ഷപ്പെടുന്നതിനും കാരണമാകും. ശീതകാലത്ത് വിതച്ച വിളകളും സുരക്ഷിതമായ സ്ഥലങ്ങളിൽ കൃഷി ചെയ്യുന്ന വിളകളും രോഗബാധക്ക് കൂടുതൽ സംശയിക്കപ്പെടുന്നവയാണ്.
പ്രതിരോധ നടപടികൾ
- സാക്ഷ്യപ്പെടുത്തിയ സ്രോതസ്സുകളിൽ നിന്നുള്ള ആരോഗ്യകരമായ വിത്തുകൾ ഉപയോഗിക്കുക.
- നടുന്ന സമയത്ത് വിത്തുകൾക്കും ചെടികൾക്കും ഇടയിൽ പര്യാപതമായ ഇടയകലം നൽകുക.
- വാളരി പയറുകൾ അടുത്തിടെ കൃഷിചെയ്ത സ്ഥലങ്ങൾ ഒഴിവാക്കുക.
- ഉയർന്ന അളവിൽ രോഗം പ്രതിരോധിക്കാൻ ശേഷിയുള്ള ഇനങ്ങൾ ഉപയോഗിക്കുക.
- ആവശ്യമെങ്കിൽ കുമ്മായം പ്രയോഗിച്ച് മണ്ണിന്‍റെ പി എച്ച് ക്രമീകരിക്കുക.
- സന്തുലിതമായ വളപ്രയോഗം ഉറപ്പുവരുത്തുക.
- വലിയ അളവിൽ നൈട്രജൻ വളങ്ങൾ ഉപയോഗിക്കരുത്.
- രോഗലക്ഷണങ്ങൾക്കായി കൃഷിയിടം പതിവായി നിരീക്ഷിക്കുക.
- വിളവെടുപ്പിനുശേഷം ചെടികളുടെ അവശിഷ്ടങ്ങൾ ശേഖരിച്ച് നശിപ്പിക്കുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
