ബീറ്റിലെ സെർക്കോസ്പോറ ഇലപ്പുള്ളി

ലക്ഷണങ്ങൾ

പ്രായമെത്തിയ താഴ്ഭാഗത്തെ ഇലകളിലാണ് രോഗം തുടങ്ങുന്നത്, ക്രമേണ ഇളം ഇലകളിലേക്കും വ്യാപിക്കുന്നു. ഇലകളിലും ഇലഞെട്ടിലും വൃത്തത്തിൽ അല്ലെങ്കിൽ അണ്ഡാകൃതിയിലുള്ള (2-3 മി.മി വരെ വ്യാസത്തിലുള്ള) ഇളംതവിട്ടു നിറമോ ചാര നിറമോ ഉള്ള പുള്ളികൾ പ്രത്യക്ഷപ്പെടുന്നു. ഈ മൃത കലകൾ ചുവപ്പ്- തവിട്ട് നിറത്തിലുള്ള അരികുകളാൽ ചുറ്റപ്പെട്ടിരിക്കും. ഈ പുള്ളികൾ പലപ്പോഴും കൂടിച്ചേർന്ന് അവയുടെ മധ്യഭാഗം ഉണങ്ങി കരിഞ്ഞു വീഴുന്നു, ഇത് ഇലപത്രങ്ങളിൽ ദ്വാരങ്ങൾ വികസിക്കാൻ കാരണമാകുന്നു (വെടിയേറ്റതുപോലുള്ള ദ്വാരത്തിൻ്റെ പ്രതീതി). ക്രമേണ ഇലകൾ നിറം മാറി മഞ്ഞ നിറമാകുകയും (മഞ്ഞപ്പ്) പിന്നീട്, ഉണങ്ങി കരിഞ്ഞ് നശിച്ച്, ചാരനിറമായി മാറുന്നു. അകലെ നിന്ന് നോക്കിയാൽ, ബാധിക്കപ്പെട്ട ചെടികൾക്ക് ഇലപ്പടർപ്പുകളിൽ നിന്നും വേറിട്ട ഒരു കരിഞ്ഞ കാഴ്ചയാണ് ദൃശ്യമാകുക. തണ്ടിലും ഇലഞെട്ടിലും കാണുന്ന പുള്ളികൾ എപ്പോഴും ദീർഘവൃത്താകൃതിയിലുള്ളതും അൽപം കുഴിഞ്ഞതുമാണ്. ദീർഘനേരം നനവുള്ള സാഹചര്യത്തിൽ, ഇലയുടെ അടിവശങ്ങളിൽ, കൃത്യമായി ഈ പുള്ളികൾക്ക് കീഴെ കടും ചാര നിറത്തിൽ പതുപതുത്ത കുമിൾ വളർച്ച കാണപ്പെടാം.