ചോളം
ചോളത്തിലെ തവിട്ട് പുള്ളികൾ
Physoderma maydis
കുമിൾ
ചുരുക്കത്തിൽ
- സൂക്ഷ്മമായ, മഞ്ഞനിറം മുതൽ തവിട്ടുനിറം വരെയുള്ള പുള്ളികൾ ഇലകളിലും, തണ്ടിലും, പുറംതൊലിയിലും കാണപ്പെടുന്നു.
- ബാധിക്കപ്പെട്ട കലകളുടെ വരകൾ ഇലകളുടെ നല്ലൊരു ഭാഗത്തെ പൊതിയുന്നു.
- ഇരുണ്ട തവിട്ടുനിറം മുതൽ കറുപ്പ് നിറം വരെയുള്ള പുള്ളിക്കുത്തുകൾ പ്രധാന സിരയ്ക്ക് നീളെയോ അല്ലെങ്കിൽ അതിനു തൊട്ടടുത്തൊ ഉണ്ടാകും.
കണ്ടെത്താൻ കഴിയുന്ന മറ്റ് വിളകൾ
ചോളം
ലക്ഷണങ്ങൾ
സൂക്ഷ്മമായ, മഞ്ഞനിറം മുതൽ തവിട്ടുനിറം വരെയുള്ള പുള്ളികൾ ഇലകളിലും, തണ്ടിലും, പുറംതൊലിയിലും ഉണ്ടാകുന്നതിന് രോഗബാധ കാരണമാകുന്നു. രോഗം പടരവേ പുള്ളികൾ വലുതാകുകയും അവയുടെ എണ്ണം പെരുകുകയും ചെയ്യുന്നു. ഇതുമൂലം ഉണ്ടാകുന്ന ഭാഗങ്ങളോ വരകളോ ഇലകളുടെ നല്ലൊരു ഭാഗം പൊതിയുന്നു. ഇവയുടെ നിറം മഞ്ഞ മുതൽ തവിട്ട് വരെ വ്യത്യാസപ്പെട്ടിരിക്കാം, മാത്രമല്ല ഇത് ചിലയിനം തുരുമ്പ് രോഗങ്ങളുടെ ലക്ഷണങ്ങളെ അനുസ്മരിപ്പിക്കുന്നു. എന്തായാലും തുരുമ്പ് രോഗങ്ങളുടേതിന് വിപരീതമായി പി.മേഡിസിൻ്റെ ക്ഷതങ്ങൾ പതിവായി സ്പഷ്ടമായ വരകളായി ഇലകളിൽ വികസിക്കുന്നു, പ്രത്യേകിച്ചും ഇലകളുടെ ചുവട്ടിൽ. വ്യക്തമായ ഇരുണ്ട തവിട്ടു നിറം മുതൽ കറുപ്പ് നിറം വരെയുള്ള പുള്ളികുത്തുകൾ പ്രധാന സിരയിലോ അതിനു സമീപത്തോ കാണപ്പെടുന്നതാണ് മറ്റൊരു വ്യത്യാസം. രോഗബാധ സംശയിക്കപ്പെടുന്ന ഇനങ്ങളിൽ, മധ്യ സിര ഈ ക്ഷതങ്ങളാൽ ആവരണം ചെയ്യപ്പെടുന്നു, മാത്രമല്ല ചോക്ലേറ്റ് നിറത്തിൽ നിന്നും ചുവപ്പു കലർന്ന തവിട്ടുനിറമോ പർപ്പിൾ നിറമോ ആയി മാറുന്നു.
ശുപാർശകൾ
ജൈവ നിയന്ത്രണം
ഇന്നുവരെ പി.മേഡിസിനെതിരെ ജൈവ പരിചരണ രീതികളൊന്നും ലഭ്യമല്ല. താങ്കൾക്ക് എന്തെങ്കിലും അറിയുമെങ്കിൽ ഞങ്ങളെ അറിയിക്കുക. ഇവ ഉണ്ടാകുന്നതും സാധ്യമായ വ്യാപനവും ഒഴിവാക്കുന്നതിന് കാർഷിക പരിപാലന നടപടികളിലൂടെയുള്ള നിയന്ത്രണ മാർഗ്ഗങ്ങളാണ് ഏറ്റവും പ്രധാനം.
രാസ നിയന്ത്രണം
ലഭ്യമെങ്കിൽ ജൈവ പരിചരണത്തോടൊപ്പം സംയോജിത നിയന്ത്രണ രീതികളും ചേർത്തുള്ള പ്രതിരോധ നടപടികൾ സ്വീകരിക്കുക. പി. മേഡിസിനെതിരെ രാസ പരിചരണ രീതികളൊന്നും ശുപാർശ ചെയ്തിട്ടില്ല, എന്തെന്നാൽ ഇവയുടെ ആക്രമണം അപൂർവവും ഇതുമൂലം വിളവിലുണ്ടാകുന്ന പ്രത്യാഘാതം കുറവുമാണ്.
അതിന് എന്താണ് കാരണം
ബാധിക്കപ്പെട്ട ചെടി അവശിഷ്ടങ്ങളിലോ മണ്ണിലോ തണുപ്പുകാലം അതിജീവിക്കുന്ന (അനുകൂല സാഹചര്യങ്ങളിൽ 7 വർഷങ്ങൾ വരെ) ഫിസോഡെർമ മേഡിസ് എന്ന കുമിളുകളാണ് ലക്ഷണങ്ങൾക്ക് കാരണം. തുടർച്ചയായി ചോളം കൃഷിചെയ്തു വരുന്ന കൃഷിയിടങ്ങളിൽ അല്ലെങ്കിൽ ധാരാളം വിള അവശിഷ്ടങ്ങളുള്ള, ഉദാഹരണത്തിന് ഉഴവ് പണികൾ കുറച്ചു കൊണ്ട് കൃഷിചെയ്യുന്ന രീതി പിന്തുടരുന്ന കൃഷിയിടങ്ങളിൽ ഈ രോഗം സാധാരണമാണ്. മഴയ്ക്കോ ജലസേചനത്തിനോ ശേഷം വെള്ളം സംഭരിക്കപ്പെടാൻ സാധ്യതയുള്ള ഇലച്ചുരുളുകളിലാണ് ബാധിപ്പ് സാധാരണയായി ആരംഭിക്കുന്നത്. അവിടെ നിന്നും കാട്ടിലൂടെയോ വെള്ളം തെറിക്കുന്നതിലൂടെയോ മാട്ടുചെടികളുടെ ഇലച്ചുരുളുകളിലേക്ക് ബീജകണങ്ങൾ ദ്വിതീയമായി വ്യാപിക്കുന്നു. മുതിർന്ന ഇലകളിലെ ചുവടുഭാഗത്ത് ലക്ഷണങ്ങൾ പ്രത്യക്ഷപ്പെടുന്നതിൻ്റെ കാരണം ഇത് വിശദമാക്കുന്നു. അനുയോജ്യമായ സാഹചര്യങ്ങളായ പ്രകാശവും താപനിലയും ഇതിന് ആവശ്യമാണ്. മൊത്തത്തിൽ, ഈ രോഗം അത്ര സാരമായ ഒന്നല്ല മാത്രമല്ല ഇത് വിളവിൽ കുറഞ്ഞ പ്രത്യാഘാതം മാത്രമേ ഉണ്ടാകുന്നുള്ളൂ.
പ്രതിരോധ നടപടികൾ
- രോഗത്തിൻ്റെ ലക്ഷണങ്ങൾക്കായി കൃഷിയിടം പതിവായി നിരീക്ഷിക്കുക.
- ബാധിക്കപ്പെട്ട ചെടി അവശിഷ്ടങ്ങളിലോ മണ്ണിലോ 2-7 വർഷങ്ങൾ വരെ കുമിളുകൾ അതിജീവിക്കുന്നു അതിനാൽ വിശാലമായ വിളപരിക്രമം നടപ്പിലാക്കുക.
- ആഴത്തിൽ ഉഴവ് പണികൾ നടത്തുന്നതിലൂടെയോ കൃഷിയിടത്തിൽ നിന്നും ദൂരെ മാറ്റി കത്തിച്ചോ വിള അവശിഷ്ടങ്ങൾ നീക്കംചെയ്യുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
