ലെറ്റ്യൂസില്‍ കാണുന്ന ബോട്രൈടിസ് വാട്ടം

അതിന് എന്താണ് കാരണം

മണ്ണില്‍ കാണപ്പെടുന്ന കുമിളായ ബോട്രൈടിസ് സിനേറിയ കാരണമാണ് ലക്ഷണങ്ങള്‍ കാണപ്പെടുന്നത്, ഇവയ്ക്ക് ചെടികളുടെ അവശിഷ്ടങ്ങളിലും ജൈവ വസ്തുക്കളിലും, ഒരുപക്ഷെ ലെറ്റ്യൂസ് വിത്തുകളിലും വളരാനും അതിജീവിക്കാനും കഴിയും. ഈര്‍പ്പമുള്ള കാലാവസ്ഥയും, അടിക്കടിയുള്ള മഴയും തണുത്ത താപനിലയും ചേരുമ്പോള്‍ ലെറ്റ്യൂസിൽ മണ്ണിനുമുകളിലുള്ള ചെടിഭാഗത്തും മണ്ണിനോട് ചേര്‍ന്ന് നില്‍ക്കുന്ന ഇലകളിലും കുമിളിൻ്റെ വളര്‍ച്ചയ്ക്ക് അനുകൂലമാകും. ചെടിയുടെ ഈ ഭാഗങ്ങള്‍ മുകളിലെ ഇലകളാല്‍ സൂര്യവെളിച്ചത്തില്‍ നിന്നും മറഞ്ഞുനില്‍ക്കുകയും ചെയ്യുന്നതിനാൽ രോഗസാധ്യത കൂടുതലുമാണ്. കുമിളുകളുടെ വളര്‍ച്ചയ്ക്കും പെരുകുന്നതിനും അനുകൂലമായ താപനിലകള്‍ 15 മുതല്‍ 20°C വരെയാണ്. കൃഷിയിടങ്ങളില്‍ പണിയെടുക്കുമ്പോള്‍ ചെടികളില്‍ സംഭവിക്കുന്ന പരിക്കുകൾ കാരണമോ ആലിപ്പഴവും മഞ്ഞുവീഴ്ചയും മൂലമുള്ള പരിക്കുകൾ കാരണമോ ആണ് ലക്ഷണങ്ങള്‍ പൊതുവേ പ്രത്യക്ഷപ്പെടുന്നത്. അതിനാല്‍ പറിച്ചു നടുമ്പോള്‍ സംഭവിക്കുന്ന ചെറിയ ക്ഷതങ്ങള്‍ കാരണം, തൈച്ചെടികളിലാണ് രോഗസാധ്യത കൂടുതൽ കാണപ്പെടുന്നത്. അമിതമായ ജലസേചനവും നിബിഡമായ ഇലവിതാനവും ചേര്‍ന്ന് ഈര്‍പ്പമുള്ള അവസ്ഥ രൂപപ്പെടുകയും കുമിളിൻ്റെ വളര്‍ച്ചയെ സഹായിച്ച് രോഗസാധ്യത കൂട്ടുകയും ചെയ്യും.