ആൾട്ടർനേരിയ കറുത്ത പുള്ളിക്കുത്തുകളും ഫലങ്ങളുടെ അഴുകലും

ലക്ഷണങ്ങൾ

ഈ കുമിളുകൾ മാതള നാരങ്ങയിൽ രണ്ട് പ്രധാന വിഭാഗത്തിലുള്ള ലക്ഷണങ്ങൾക്ക് കാരണമാകുന്നു, ഈ ലക്ഷണങ്ങൾ ഒരേ സമയം ദൃശ്യമാകണമെന്നില്ല. സാധാരണയായി കറുത്ത പുള്ളിക്കുത്തുകളെന്നും ഫലങ്ങളുടെ കാമ്പ് അഴുകൽ എന്നും അറിയപ്പെടുന്ന അവ പലപ്പോഴും മാതള നാരങ്ങയുടെ ഇനത്തെ ആശ്രയിച്ചിരിക്കുന്നു. ഇലകളിലും ഫലങ്ങളിലും പച്ച മഞ്ഞ നിറത്തിലുള്ള വലയത്തോടുകൂടിയ ചെറിയ ചുവപ്പു കലർന്ന തവിട്ടോ കറുപ്പോ നിറമുള്ള വട്ടത്തിലുള്ള പുള്ളികൾ (1 -3 മിമി) പ്രത്യക്ഷപ്പെടുന്നതാണ് കറുത്ത പുള്ളിക്കുത്തുകൾ എന്ന രോഗത്തിന്‍റെ സവിശേഷതകൾ. രോഗം മൂർച്ഛിക്കുന്നതിനനുസരിച്ച്, ഈ പുള്ളിക്കുത്തുകൾ കൂടിച്ചേർന്ന് വലിയ പാടുകളായി ഫലത്തിന്‍റെ ഉപരിതലത്തിലെ 50 ശതമാനത്തോളം ഭാഗം ആവരണം ചെയ്യുന്നു. ഇലകളിൽ, അവ മഞ്ഞ നിറത്തിലായി പാകമാകുന്നതിന് മുൻപ് പൊഴിയുന്നതിലേക്ക് നയിച്ചേക്കാം. ഫലത്തിന്‍റെ പുറം ഭാഗം അഴുകാൻ തുടങ്ങുന്നു, പക്ഷേ ഭക്ഷ്യയോഗ്യമായ കലകളിൽ കേടുപാടുകൾ ഉണ്ടാകുന്നില്ല. ഫലങ്ങളിൽ അസാധാരണമായ നേരിയ നിറംമാറ്റം അല്ലെങ്കിൽ ആകൃതിയിലുണ്ടാകുന്ന മാറ്റം എന്നിവയായായിരിക്കാം ഫലങ്ങളുടെ കാമ്പ് അഴുകലിന്‍റെ പുറമെയുള്ള ലക്ഷണങ്ങൾ, പക്ഷേ പലപ്പോഴും ഫലങ്ങൾ വിളവെടുക്കുന്നതുവരെ ആരോഗ്യമുള്ളതായി ദൃശ്യമാകും. അവ മുറിച്ചാൽ, അല്ലികളുടെ അഴുകൽ പ്രകടമാകും.