സൂട്ടി മോൾഡ്

ലക്ഷണങ്ങൾ

മുൻപ് പ്രാണികൾ ആക്രമിച്ച മാവുകളിലോ അല്ലെങ്കിൽ മറ്റ് ചെടികളിലോ സൂട്ടി മോൾഡുകളെ കണ്ടെത്താൻ കഴിയും. ഇണകളെ അകർഷിക്കുന്നതിനായി ചില പ്രാണികൾ സ്രവിക്കുന്ന ഒട്ടിപ്പിടിക്കുന്ന തേൻസ്രവങ്ങളാണ് ഇവ ആഹാരമാക്കുന്നത്. തേൻസ്രവങ്ങളെ അവ ആഹാരമാക്കുകയും, ക്രമേണ ചെടിയുടെ ആ പ്രതലത്തെ കറുത്തനിറത്തിൻ്റെ വിവിധ ഭേദങ്ങളിൽ ആവരണം ചെയ്യുന്ന രീതിയിൽ വ്യാപിക്കുകയും ചെയ്യുന്നു. സൂട്ടി മോൾഡുകൾ പരാന്നജീവിയോ, രോഗം പരത്തുന്നവയോ അല്ല അത് കൊണ്ട് തന്നെ അവ ചെടികളുടെ കലകളിൽ പെരുകുകയോ രോഗലക്ഷണങ്ങൾ കാണിക്കുകയോ ചെയ്യുന്നില്ല. എന്നിരുന്നാലും, അവ ചെടികളുടെ പ്രകാശ സംശ്ലേഷണം നടത്താനുള്ള കഴിവിനെയും അന്തരീക്ഷത്തിലേക്ക് വാതകങ്ങൾ കൈമാറ്റം ചെയ്യുവാനുള്ള കഴിവിനേയും ബാധിക്കുന്നു. സാരമായി ബാധിക്കപ്പെട്ട ഇലകൾ ഉണങ്ങുവാനും, കൊഴിഞ്ഞു പോകുവാനും കാരണമാകുകയും അതുവഴി ചെടിയുടെ വളർച്ചയേയും അതിജീവനത്തേയും ബാധിക്കുന്നു.