മറ്റുള്ളവ
തണ്ട് ചീയൽ
Sclerotinia sclerotiorum
കുമിൾ
ചുരുക്കത്തിൽ
- ഫലങ്ങൾ, ഇലകൾ, അല്ലെങ്കിൽ ഇലഞെട്ടുകൾ എന്നിവയിൽ പുള്ളിക്കുത്തുകൾ.
- വെളുത്ത, പഞ്ഞിപോലെയുള്ള വളർച്ചകളാൽ ആവരണം ചെയ്യപ്പെട്ട പുള്ളിക്കുത്തുകൾ.
- പിന്നീട് ഇരുണ്ട തഴമ്പ് പോലെയുള്ള ഘടനകൾ.
- തണ്ടുകളുടെയും ചെടിയുടെ മറ്റ് മുകൾ ഭാഗങ്ങളുടെയും വാടൽ.
മറ്റുള്ളവ
ലക്ഷണങ്ങൾ
ആതിഥേയ വിളകൾക്കനുസരിച്ച് രോഗലക്ഷണങ്ങൾ വ്യത്യാസപ്പെട്ടിരിക്കുന്നു, എന്നാൽ നിരവധി സമാനതകളുമുണ്ട്. തുടക്കത്തിൽ, ഫലങ്ങളിലോ ഇലകളിലോ ഇലഞെട്ടുകളിലോ ക്രമരഹിതമായ ആകൃതിയിൽ വെള്ളത്തിൽ കുതിർന്ന പാടുകൾ പ്രത്യക്ഷപ്പെടുന്നു. അവ വളരുമ്പോൾ, ബാധിക്കപ്പെട്ട ഭാഗങ്ങളിൽ സമൃദ്ധമായി വെളുത്ത പൂപ്പൽ ആവരണം ചെയ്യുന്നു, പിന്നീടുള്ള ഘട്ടങ്ങളിൽ സ്ക്ലിറോഷ്യ എന്ന് വിളിക്കപ്പെടുന്ന ചാരനിറത്തിലോ അല്ലെങ്കിൽ കറുത്ത നിറത്തിലോ ഉള്ള തഴമ്പ് പോലുള്ള പ്രത്യുല്പാദന ഘടന ചിതറി കാണപ്പെടും. തണ്ടുകളുടെ ചുവടുഭാഗം, ശാഖകൾ എന്നിവയിൽ വികസിക്കുന്ന "വരണ്ട" ക്ഷതങ്ങൾ ആരോഗ്യമുള്ള കലകളിൽ നിന്നും വ്യക്തമായി തിരിച്ചറിയാം. പിന്നീടുള്ള ഘട്ടങ്ങളിൽ, കുമിൾ തണ്ടിലും ചെടിയുടെ മുകൾഭാഗങ്ങളിലും ഗ്രസിച്ച്, ഉണങ്ങുന്നതിനും തവിട്ട് നിറമായി നശിച്ചുപോകുന്നതിനും കാരണമാകുന്നു. കട്ടിയുള്ള കുമിൾ വളർച്ച തണ്ടിനുള്ളിൽ രൂപപ്പെട്ട് സസ്യകലകളുടെ സ്ഥാനം കയ്യടക്കുന്നു. ഇത് ചെടികളുടെ നാശത്തിനും തുടർന്ന് ചെടികൾ മറിഞ്ഞുവീഴുന്നതിനും കാരണമാകുന്നു. ബാധിക്കപ്പെട്ട വിത്തറകളും വിത്തും ചുരുങ്ങിയതോ അല്ലെങ്കിൽ അതിൽ കറുത്ത കുമിൾ വളർച്ചകൾ നിറഞ്ഞതോ ആയിരിക്കാം.
ശുപാർശകൾ
ജൈവ നിയന്ത്രണം
കോണിയോതൈറിയം മിനിറ്റൻസ് അല്ലെങ്കിൽ ട്രൈക്കോഡെർമ ഇനങ്ങൾ എന്നീ പരാദ കുമിൾ ബീജങ്ങളുടെ തരിരൂപത്തിലുള്ള തയ്യാറിപ്പുകൾ മണ്ണിൽ പ്രയോഗിക്കുന്നത് സ്ക്ലിറോട്ടിനിയയുടെ അളവ് കുറയ്ക്കുകയും രോഗത്തിൻ്റെ വളർച്ചയ്ക്ക് തടസ്സമുണ്ടാക്കുകയും ചെയ്യുന്നു.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. രൂക്ഷമായി രോഗം ബാധിക്കപ്പെട്ട കൃഷിയിടങ്ങളിൽ മാത്രമേ കുമിൾ നാശിനിയുടെ ഇലപ്പടർപ്പുകളിലെ പ്രയോഗം ശുപാർശ ചെയ്തിട്ടുള്ളൂ. വിളയും, അതിൻ്റെ വളർച്ചാ ഘട്ടവും അനുസരിച്ച് പരിചരണ രീതികൾ വ്യത്യാസപ്പെടും. ക്യാബേജ്, തക്കാളി, ബീൻസ് എന്നിവയില്‍ സ്ക്ലിറോട്ടിനിയ രോഗങ്ങളുടെ നിയന്ത്രണം ബുദ്ധിമുട്ടാണ്. എന്നിരുന്നാലും, ഇപ്രൊഡിയോൺ അല്ലെങ്കിൽ കോപ്പർ ഓക്സിക്ലോറൈഡ് (ഒരു ലിറ്റർ വെള്ളത്തിൽ 3 ഗ്രാം) അടിസ്ഥാനമാക്കിയ കുമിൾനാശിനികൾ ലെറ്റ്യുസ്, നിലക്കടല എന്നിവയ്ക്ക് ഫലപ്രദമായ നിയന്ത്രണം നൽകുന്നു. ഇതിൽ ചില സംയുകതങ്ങൾക്കെതിരെ കുമിളിൽ പ്രതിരോധശക്തി വികസിച്ചതായി കണ്ടിട്ടുണ്ട്.
അതിന് എന്താണ് കാരണം
മണ്ണിലൂടെ വ്യാപിക്കുന്ന കുമിളായ സ്ക്ലിറോട്ടിനിയ സ്ക്ലിറോഷിയോറം ആണ് ലക്ഷണങ്ങൾക്ക് കാരണം, ഇവ ചെടികളുടെ അവശിഷ്ടങ്ങളിലോ അല്ലെങ്കിൽ മണ്ണിലോ ദീർഘകാലം അതിജീവിക്കുന്നു. കുമിളിൻ്റെ ജീവിതചക്രം കൂടുതലും മണ്ണിൽ തന്നെയാണ് സംഭവിക്കുന്നത്, മണ്ണിനടുത്തുള്ള ഇലകളിലും മറ്റു ചെടിഭാഗങ്ങളിലും ഇവയുടെ ലക്ഷണങ്ങള്‍ ആദ്യം കാണപ്പെടുന്നത് എന്തുകൊണ്ടാണെന്ന് ഇതില്‍ നിന്നും മനസ്സിലാക്കാം. സാഹചര്യങ്ങൾ അനുകൂലമാകുമ്പോൾ, അത് ജൈവവസ്തുക്കളിലും വല്ലപ്പോഴും ചെടികളുടെ കലകളിൽ അതിക്രമിച്ചുകടന്നും വളർച്ച പുനരാരംഭിക്കുന്നു. ഇവ എല്ലാ ചെടിഭാഗങ്ങളിലും പെരുകുന്നതിനാൽ വിത്തുകളിലും രോഗാണുവിൻ്റെ സാന്നിധ്യം ഉണ്ടാകാം, അത് വിത്തിനുള്ളിലോ അല്ലെങ്കില്‍ വിത്തിൻ്റെ തോടിലോ ആയിരിക്കും. ഒരു ചെടിയിലെ രോഗാണുവിൻ്റെ പുതിയ ബീജങ്ങൾ വായുവിലൂടെ പടർന്നതാകാം. ചെടിയുടെ ഇലപ്പടർപ്പിൻ്റെ അടിയിലുള്ള ആർദ്രമായ സൂക്ഷ്മ കാലാവസ്ഥ, രോഗാണുവിൻ്റെ ബീജങ്ങളെ തണ്ടിനുള്ളിലേക്ക് വ്യാപിക്കാൻ സഹായിക്കുന്നു. രോഗത്തിൻ്റെ പ്രാരംഭവികാസത്തിന് ഇലകളിൽ കുറെ മണിക്കൂറുകൾ നീണ്ടുനിൽക്കുന്ന നനവും 15 മുതൽ 24°C വരെയുള്ള താപനിലയും വേണം. പുറമേയുള്ള പോഷകത്തിന്‍റെ സാന്നിദ്ധ്യം ഇവയുടെ വളർച്ചയെ പ്രോത്സാഹിപ്പിക്കുന്നു. പയര്‍, കാബേജ്, കാരറ്റ്, കടുക് തുടങ്ങി ഇവയ്ക്ക് നിരവധി ആതിഥേയ വിളകളുണ്ട്.
പ്രതിരോധ നടപടികൾ
- അംഗീകൃത സ്രോതസ്സുകളിൽ നിന്നുള്ള ആരോഗ്യകരമായ വിത്തുകൾ ഉപയോഗിക്കുക.
- ലഭ്യമെങ്കിൽ, കൃഷിചെയ്യേണ്ട വിളയുടെ പ്രതിരോധശേഷിയുള്ള അല്ലെങ്കിൽ കൂടുതൽ സഹിഷ്ണുതയുള്ള ഇനങ്ങൾ തിരഞ്ഞെടുക്കുക.
- മുൻപ് രോഗബാധ ഉണ്ടായിരുന്ന പ്രദേശങ്ങളിൽ കൃഷ് ചെയ്യരുത്.
- വിളകൾക്ക് നല്ല വായുസഞ്ചാരം ലഭ്യമാകത്തക്കവിധം വരികൾ തമ്മിൽ വിശാലമായ ഇടയകലം പാലിക്കുക.
- ചെടികൾ താങ്ങി നിർത്താൻ കമ്പികൾ അല്ലെങ്കിൽ കുറ്റികൾ ഉപയോഗിക്കുക.
- രോഗലക്ഷണങ്ങൾക്കായി കൃഷിയിടം നിരീക്ഷിക്കുക.
- കൃഷിയിടത്തിലുംചുറ്റുമുള്ള കള നിയന്ത്രിക്കുക.
- ബാധിക്കപ്പെട്ട ശാഖകളോ അല്ലെങ്കിൽ ചെടിഭാഗങ്ങളോ മുറിച്ച് മാറ്റുക.
- വളർച്ചയുടെ വൈകിയ ഘട്ടത്തിൽ അമിതമായി വളപ്രയോഗം ചെയ്യരുത്.
- ചെടിയുടെ വളർച്ചയുടെ പിന്നീടുള്ള ഘട്ടങ്ങളിൽ അമിതമായ ജലസേചനം ഒഴിവാക്കുക.
- ഉഴവുപണികൾ നടത്താതെ കൃഷിചെയ്യുന്ന സാഹചര്യങ്ങളിൽ രോഗ സാധ്യത കുറവായതിനാൽ, ഉഴവുപണികൾ ഒഴിവാക്കുക.
- ധാന്യങ്ങൾ പോലെയുള്ള, രോഗാണുക്കൾക്ക് ആതിഥ്യമേകാത്ത ചെടികളുമായി വിള പരിക്രമം നടത്തുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
