മാമ്പഴം
ഫോമ ബ്ലൈറ്റ്
Peyronellaea glomerata
കുമിൾ
ചുരുക്കത്തിൽ
- പ്രായമായ ഇലകളിൽ മഞ്ഞ മുതൽ തവിട്ടുനിറം വരെയുള്ള ക്രമരഹിതമായ ക്ഷതങ്ങൾ.
- ക്ഷതങ്ങൾ ചാരനിറത്തിലുള്ള നിർജ്ജീവമായ മധ്യഭാഗത്തോടെ വലുതാകുന്നു.
- ഇലകൾ ഉണങ്ങി ക്രമേണ പൊഴിയുന്നു.
മാമ്പഴം
ലക്ഷണങ്ങൾ
ഫോമ ബ്ലൈറ്റ് അണുബാധയുടെ ലക്ഷണങ്ങൾ പഴയ ഇലകളിൽ മാത്രമേ ദൃശ്യമാകൂ. ബാധിക്കപ്പെട്ട ഇലകളുടെ പ്രതലത്തില്‍ മുഴുവനും ചിതറിക്കിടക്കുന്ന കോണ്‍ ആകൃതിയുള്ളതും, മഞ്ഞ മുതൽ തവിട്ടുനിറം വരെയുള്ളതുമായ ക്രമരഹിതമായ കേടുകൾ പ്രദർശിപ്പിക്കുന്നു. രോഗം വര്‍ദ്ധിക്കുമ്പോള്‍ ഈ കേടുകൾ വളരുകയും, പിന്നീട് ചാരനിറത്തിലുള്ള കേന്ദ്രങ്ങളും, ഇരുണ്ട ഓരങ്ങളും ഉള്ള മങ്ങിയ ജീര്‍ണ്ണിച്ച് വരണ്ട പ്രദേശങ്ങൾ ആയി മാറുകയും ചെയ്യുന്ന വലിയ പാടുകൾ ആയി മാറുകയും ചെയ്യുന്നു. അന്തിമഘട്ടത്തിൽ, ഇലകൾ ഉണങ്ങിപ്പോകാൻ തുടങ്ങുകയും, അത് ഇലപൊഴിച്ചലിന് കാരണമാകുകയും ചെയ്യുന്നു. പകരമുള്ള ആതിഥേയ ചെടികളിൽ സാധാരണ മുന്തിരിവള്ളികൾ (വിറ്റീസ് വിനിഫെറ), കെന്‍റക്കി ഗ്രാസ് (പോവ പ്രട്ടൻസിസ്‌ ) എന്നിവ ഉൾപ്പെടുന്നു.
ശുപാർശകൾ
ജൈവ നിയന്ത്രണം
ആദ്യ ലക്ഷണം പ്രത്യക്ഷപ്പെട്ട ഉടൻ തന്നെയും കൂടാതെ 20 ദിവസ ഇടവേളക്ക് ശേഷവും കോപ്പർ ഓക്സിക്ലോറൈഡ് (0.3%) തളിച്ചുകൊണ്ട് രോഗത്തെ നിയന്ത്രിക്കാവുന്നതാണ്. പഴങ്ങളില്‍ വേപ്പ് ഇലയുടെ സത്ത് ഉപയോഗിക്കുന്നതിനൊപ്പം, തണുത്ത സ്ഥലത്ത് സംഭരിക്കുന്നത് സംഭരണ സമയത്ത് പഴങ്ങളിൽ രോഗകാരികളുടെ തുടര്‍ച്ചയായ വളര്‍ച്ച തടയുന്നു.
രാസ നിയന്ത്രണം
ലഭ്യമെങ്കിൽ എല്ലായ്‍പ്പോഴും ജൈവ ചികിത്സകള്‍ക്കൊപ്പമുള്ള പ്രതിരോധ നടപടികളുടെ ഒരു സംയോജിത സമീപനം പരിഗണിക്കുക.
തുടക്കത്തിൽ രോഗം പ്രത്യക്ഷപ്പെടുന്ന സമയത്ത് കുമിൾനാശിനികൾ തളിക്കുന്നതും, തുടർന്ന് 0.3% മിൽട്ടോക്സ് 20 ദിവസത്തെ ഇടവേളകളിൽ പ്രയോഗിക്കുന്നതും കുമിളിനെ നന്നായി നിയന്ത്രിക്കുന്നു.
അതിന് എന്താണ് കാരണം
ഫോമ ബ്ലൈറ്റ് ഒരു പുതിയ രോഗമാണ്, എന്നാൽ ഇപ്പോൾ മാമ്പഴ ഉത്പാദന മേഖലകളിൽ ഇത് സാമ്പത്തിക പ്രാധാന്യം നേടിയിരിക്കുന്നു. മുൻപ് ഫോമ ഗ്ലോമെരറ്റ, അതിനാലാണ് രോഗത്തിൻറെ പൊതുവായ പേര്, എന്നറിയപ്പെട്ടിരുന്ന പെറോണില്ലിയ ഗ്ലോമെരാതയാണ് ഈ ലക്ഷണങ്ങൾ ഉണ്ടാക്കുന്നത്. ഇവ സാധാരണയായി ലക്ഷണങ്ങളുണ്ടാകാതെ, മണ്ണിലും മറ്റ് പല ജീവനുള്ളതും ഇല്ലാത്തതുമായ സസ്യ പദാർത്ഥങ്ങളിലും (വിത്തുകൾ, പഴങ്ങൾ, പച്ചക്കറികൾ) അതിജീവിക്കുന്ന സര്‍വ്വവ്യാപിയായതും ദൂരവ്യാപകമായതുമായ ഒരു കുമിൾ ആണ്. അകത്തുള്ള മരം, സിമന്റ്, ഓയിൽ പെയിന്റ് ചെയ്ത ഉപരിതലങ്ങൾ, പേപ്പർ എന്നിവയിലും ഇത് കാണാം. രോഗം ബാധിച്ച കോശങ്ങളുടെ ദ്വിതീയ ആക്രമണകാരി ആയിട്ടാണ് ഈ കുമിളിനെ കണക്കാക്കുന്നത്. എന്നിരുന്നാലും, ചില ആതിഥേയ സസ്യങ്ങളില്‍ ചില പരിസ്ഥിതി സാഹചര്യങ്ങളിൽ (ഈർപ്പമുള്ള കാലാവസ്ഥയും ഉയർന്ന താപനിലയും), അവ രോഗത്തെ ഉത്തേജിപ്പിക്കുന്നു. 26 °C മുതൽ 37 °C സെൽഷ്യസ് വരെയുള്ള താപനിലയിൽ ഉചിതമായ വളർച്ച സംഭവിക്കുന്നു.
പ്രതിരോധ നടപടികൾ
- സംഭരണ സ്ഥലത്ത് കുമിൾ വളർച്ച ഒഴിവാക്കാൻ നന്നായി വൃത്തിയാക്കുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
