പയറുവര്‍ഗ്ഗങ്ങളിലെ സെർകോസ്പോറ ഇലപ്പുള്ളികൾ

ലക്ഷണങ്ങൾ

രോഗാണുവിന്‍റെ ശക്തിയും ചെടിയുടെ ഇനവും അനുസരിച്ച് ലക്ഷണങ്ങൾ അല്പം വ്യത്യാസപ്പെട്ടിരിക്കുന്നു. വിതച്ചതിന് 3-5 ആഴ്ചകൾക്ക് ശേഷം ഇലകളിൽ മഞ്ഞ വലയത്താൽ ചുറ്റപ്പെട്ട തവിട്ട് നിറമുള്ള മധ്യഭാഗത്തോടുകൂടിയ ചെറുതും, വെള്ളത്തിൽ കുതിർന്നതുമായ വൃത്താകൃതിയിലുള്ള പുള്ളികൾ ആദ്യം പ്രത്യക്ഷപ്പെടുന്നു. രോഗത്തിന്‍റെ മുന്നോട്ടുള്ള ഘട്ടങ്ങളിൽ, ഈ പാടുകളുടെ എണ്ണം അധികരിക്കുകയും, ചെറുതായി താഴ്ന്നതുപോലെ കാണപ്പെടുന്ന ചുവപ്പുകലർന്ന തവിട്ട് നിറത്തിലുള്ള അരികുകളോടെയുള്ള മൃതകോശങ്ങളായി (ഇരുണ്ട തവിട്ട് നിറം) മാറുകയും ചെയ്യുന്നു. ചെടിയുടെ മറ്റു ഭാഗങ്ങളിലും ഇവ വികസിച്ചേക്കാം, പ്രത്യേകിച്ച് പച്ച വിത്തറകളിൽ. അനുകൂലമായ പാരിസ്ഥിതിക സാഹചര്യങ്ങളിൽ രൂക്ഷമായ ഇലപ്പുള്ളികള്‍ പൂവിടല്‍ സമയത്തും വിത്തറകൾ രൂപപ്പെടുന്ന സമയത്തും കനത്ത ഇലപൊഴിയലിന് കാരണമായേക്കാം. വിത്തറകളുടെ പുറമേയും ഉള്ളിലും ഉണ്ടാകുന്ന കുമിൾ വളർച്ച അവയെ പൂർണമായും നശിപ്പിച്ച് 100% വിളവ് നഷ്ടത്തിലേക്ക് നയിച്ചേക്കാം.